San Lucas 7:14 - Kaqchiquel Bible

¹⁴ Ri Jesús xuchop-apo ri tz'alem akuchi uk'uan-wi-el ri kamineq, y ri e uk'uayon-el richin xepa'e-qa. Rija' xubij k'a chire ri kamineq: Chawe rat ninbij-wi. Kayakatej, xcha'.

Tuilleadh tionndaidhean

Kaqchikel Santo Domingo (Xenacoj)

¹⁴ Ri Jesús xjel apu chuchiꞌ ri warabꞌel ri achoq chuwech ukꞌuan ri ámna y xutzꞌen apu. Y ri eteleyon ri ámna ja xepeꞌeꞌ qa, y ri Jesús xubꞌij: Rat kꞌajol, nibꞌij chawa: ¡Kayakatej!

Kaqchikel Santa Maria de Jesus

¹⁴ Y ri Jesús xjiel-apa y xutzꞌom-apa ri rucáxa ri quiminak, y ri i-cꞌuayuon richin ri quiminak xaꞌpiꞌie-ka. Y xuꞌej cha ri quiminak: Alaꞌ, chava atreꞌ niꞌej, capalaj.

Kaqchikel Central Guatemala

¹⁴ Y ri Jesús xuchop-apo ri rucáxa ri caminek, y ri e uc'uayon-el richin ri caminek xepa'e-ka chiri'. Y rija' xubij chire ri ala' caminek: Chave rat yich'on-vi. Cayacatej.

Re C'ac'a Testamento pa Kach'abal

¹⁴ Y re Jesús xutz'am-apo re ru-cáxa re quiminak, y re je'c'ayon-a richin re quiminak xe'pa'e-ka chire'. Y re Jesús xubij cha re ala' quiminak: Chava rat nimbij-va, cayacataj.

Kaqchikel Western Solola

¹⁴ Y ri Jesús xuchop apo ri rucáxa ri caminek, y ri ye uc'uayon el riche (rixin) ri caminek xepa'e' c'a chiri'. Y Riya' xubij chare ri c'ajol ri': Chawe riyit yich'o wi y nbij chawe chi cayacatej.

San Lucas 7:14 Iomraidhean Croise

1 Rey 17:21

Y ri Elías kan xjupe' k'a qa oxi' mul chirij ri ak'ual, y xubij chire ri Jehová: ¡Jehová Dios wichin yin! Nink'utuj utzil chawe richin taya' chik ruk'aslen re ak'ual re', xcha'.

1 Rey 17:22

Y ri Jehová kan xrak'axaj k'a ri ruch'abel ri Elías, y ri ak'ual xtzolin-pe ri ránima rik'in y xk'astej chik.

Wuj Richin ri Achin Job 14:12

Roj kan yojtzaq pa ruq'a' ri kamik y kan man yojtzolin ta chik pe, toq kan k'a q'axineq chik na ri kaj.

Wuj Richin ri Achin Job 14:14

Wi ri wineq niken, y nik'ase' ta chik jun bey, yin kan ronojel ta q'ij chire ri nuk'aslen xtinwoyobej-apo. Xtinwoyobej k'a toq xtoqaqa na ri q'ij richin yinok-el jun wineq k'ak'a'.

Wuj Richin Bix Chire ri Dios 33:9

Roma kan xaxe k'a toq xubij rija' jari' toq xbanatej. Achi'el xubij rija' keri' xk'oje' kan ronojel.

Wuj Richin ri Isaías 26:19

Jak'a ri qakaminaq kan xkebek'ase' chik pe jun bey. Tabana' utzil chi xkebeyakatej ta chik pe jun bey. Ke'ak'asoj chik pe richin xkebixan rik'in kikoten. Ri raxq'ab ri naya-pe, nuya' ruk'aslen ri ulew, y keri' chuqa' xtaben kik'in ri kaminaqi' xtaya' k'ak'a' kik'aslen.

Marcos 5:41

Rija' xuchop k'a ruq'a' ri ti kamineq y xch'on pa ch'abel arameo, y xubij: Talitá, kum, xcha'. Re ch'abel re' nel chi tzij: Ti xten, chawe rat ninbij-wi chi kayakatej.

San Lucas 7:13

Toq ri Jesús xutz'et ruwech ri ixoq ri xken-el ri ral, xujoyowaj ruwech, y xubij k'a chire chi man chik toq'.

San Lucas 7:15

Toq ri Jesús xubij keri', ri kamineq xyakatej, y xbetzijon-pe. Y ri Jesús xujech k'a el ri ala' chire ri rute'.

San Lucas 7:17

Keri' ri xuben ri Jesús chupan ri q'ij ri', xapon rutzijol k'a pa ruwach'ulew Judea, y pa taq tinamit ri ek'o chunaqaj.

San Juan 11:25

Jak'a ri Jesús xubij: Ja yin ri yiya'on kik'aslen ri kaminaqi'. Roma ri' ri nukuquba' ruk'u'x wik'in, stape' kamineq chik, kan xtik'oje' ruk'aslen.

San Juan 5:21

Kan achi'el k'a nuben ri nata' Dios toq nuya' kik'aslen ri kaminaqi' ri yeruyek-pe, kan keri' chuqa' ninben yin. Yin kan ninya' k'a chuqa' kik'aslen ri yenwajo'.

San Juan 5:25

Y kan qitzij k'a re ninbij chiwe, chi k'o k'a jun q'ij ri oyoben; y jare' xoqaqa yan, chi konojel ri kaminaqi' xtikak'axaj k'a ri nuch'abel yin ri ruk'ajol ri Dios. Y ri kan xkinkak'axaj, xkek'astej.

Romanos 4:17

Roma ri' ri ruch'abel ri Dios nubij*f11* chi ri Abraham xtok kitata' k'iy tinamit. Y re sipanik re' xya'ox chire roma xukuquba' ruk'u'x rik'in ri Dios. Y ri Dios kan nuya' chik kik'aslen ri kaminaqi', y kan nuben ronojel ri ruch'obon chi nuben, stape' man jani ek'o.

Efesios 5:12

roma ri banobel ri', yekibanala' pa taq ewel, y kan xaxe ninatex nik'ixbisan.