San Lucas 6:13 - Kaqchiquel Bible

¹³ Chupan k'a ri nimaq'a' ruka'n q'ij, rija' xeroyoj ri e tzeqelibeyon richin, y chikikojol k'a rije' xerucha' e kablajuj richin nikibini'aj e taqon roma ri Cristo.

Tuilleadh tionndaidhean

Kaqchikel Santo Domingo (Xenacoj)

¹³ Y atoq xsaqer pe, xeroyoj konojel ri discípulos, y xeruchaꞌ kabꞌlajuj achiꞌaꞌ chikikajal ri achoq chake xubꞌij apóstoles.

Kaqchikel Santa Maria de Jesus

¹³ Y chupan ri macꞌajan ri chucaꞌn kꞌij, jajaꞌ xaꞌrayuoj ri ru-discípulos. Chiquicajol ri achiꞌaꞌ reꞌ, xaꞌruchaꞌ doce (cabꞌalajuj) y xuꞌej apóstoles chica.

Kaqchikel Central Guatemala

¹³ Y chupan c'a ri nimak'a' ruca'n k'ij, rija' xeroyoj ri achi'a' ri can yetzekelben-vi richin. Chiquicojol c'a re achi'a' re', xerucha' e cablajuj, y xubij apóstoles chique.

Re C'ac'a Testamento pa Kach'abal

¹³ Y tak xsakar-ka ruca'n k'ij, reja' xe'rayoj re achi'a' re can ye'tzekelben-va richin. Chiquicojol re achi'a' re', xe'rucha' je doce, y xubij chique che ye'oc apóstoles.

Kaqchikel Western Solola

¹³ Y chupan c'a ri nimak'a' chare ri ruca'n k'ij, Riya' xerusiq'uij (xeroyoj) ri achi'a' ri can yetzekelben wi riche (rixin). Chiquicojol c'a ri achi'a' ri', xerucha' ye cablajuj, y xubij apóstoles chique.

San Lucas 6:13 Iomraidhean Croise

San Mateo 10:2

Jak'a kibi' re' ri e kablajuj ri e taqon roma ri Cristo: Ri nabey ja ri Simón ri nibix chuqa' Pedro chire; k'ari' ri Andrés ri rach'alal ri Simón; ri Jacobo y ri Juan ri e ruk'ajol ri Zebedeo;

San Mateo 19:28

Ri Jesús xubij: Kan qitzij k'a ninbij chiwe chi toq xtapon ri ruq'ijul toq ronojel k'ak'a' chik rubanik, y toq yin, ri xiqaqa-pe achi'el wineq chi'ikojol, k'o chik nuq'ij-nuk'ojlen y xkitz'uye' pa nutz'uyubal richin q'atoy-tzij, jari' toq rix ri xixtzeqeliben wichin, chi'ijujunal xkixtz'uye' pa tz'uyubel richin niq'et-tzij pa kiwi' ri kablajuj tzobaj richin ri qawinaq judío.

San Mateo 9:36

Y toq xerutz'et ri janila chi winaqi', kan xujoyowaj k'a kiwech, roma kan kiyon ek'o y kitalun-ki'; achi'el nikiben ri karne'l toq xa maneq ri niyuq'un kichin.

Marcos 6:30

Toq ri rutijoxela' ri Jesús xe'apon rik'in, xkitzijola' k'a chire ronojel ri xkibanala' y ri tijonik ri xkiyala'.

Marcos 6:7

K'ari' ri Jesús xeroyoj ri kablajuj rutijoxela'. Y chi e kaka' xeruteq-el chubanik ri samaj y xuya-el uchuq'a' chike richin chi yekelesaj ri itzel taq espíritu.

San Lucas 11:49

Roma ronojel ri' ri Dios xubij rik'in etamabel: Xkenteq k'a achi'a' kik'in ri winaqi' ri xkeq'alajirisan ri nuch'abel, y xkenteq chuqa' tijoxela' chikikojol. Jak'a jujun chike rije' xa xkekikamisaj, y ek'o ri xtikiben chike richin nikik'owisaj poqon.

San Lucas 22:30

richin keri' xkixwa' y xkixuk'ya' junan wik'in pa mesa, ri pa wajawaren. Y chiri' rix xkixok k'a q'atoy-tzij pa kiwi' ri kablajuj tzobaj richin ri tinamit Israel, xcha'.

San Lucas 6:14

Ri e kablajuj ri xerucha' ri Jesús, ja ri Simón ri xubij chuqa' Pedro chire, ri Andrés ri rach'alal ri Simón, ri Jacob o, ri Juan, ri Felipe, ri Bartolomé,

San Juan 4:33

¿K'o kami xk'amon-pe ruway?, xecha-qa ri tijoxela' chikiwech rije'.

Hechos 1:13

Toq xe'apon pa Jerusalem, xejote-el ri pa ruka'n wiq jay ri akuchi kan ek'o-wi-pe y jere' ri ek'o ri chiri': Ri Pedro, ri Jacob o, ri Juan, ri Andrés, ri Felipe, ri Tomás, ri Bartolomé, ri Mateo, ri Jacobo ri ruk'ajol ri Alfeo, ri Simón ri aj-labal y ri Judas ri ruk'ajol ri jun chik Jacob o.

Efesios 2:20

Rix chuqa' ix achi'el jun jay ri paban-q'anej pa ruwi' ri ruxe' ri k'iya'on kan ri e taqon roma ri Cristo, y ri e q'alajirisey ruch'abel ri Dios. Y ri abej ri niya'on ruchuq'a' ri jay ri' ja ri Jesucristo.

Efesios 4:11

Rija' xuya' k'a sipanik chiqe; chike ch'aqa' xuben chi xe'ok e taqon roma rija'; ek'o ri e q'alajirisey ruch'abel; ek'o ri yetzijon ri utzilej ch'abel richin kolotajik; y ek'o ri e tijonela' kichin ri qach'alal y yekichajij.

Hebreos 3:1

Roma ri', rix loq'olej wach'alal ri ix oyon chuqa' junan qik'in roj roma ri Dios, kan ja ri Cristo Jesús titzu'. Ja rija' ri qaniman, y niqaq'alajirisaj chi rija' kan ja ri Dios ri xtaqon-pe richin, y ja chuqa' rija' ri qanimalej sacerdote.

2 Pedro 3:2

Man k'a timestaj ri kibin kan ri loq'olej taq q'alajirisey ruch'abel ri Dios pa ruwi' ri xtibebanatej, chuqa' ri xuk'ut kan ri qajaw y qakolonel ri xqaq'alajirisaj chiwech, roj ri oj taqon roma rija'.

Apocalipsis 12:1

K'ari' xintz'et chi ri chikaj xbeq'alajin-pe jun nimalej retal; xintz'et k'a jun ixoq ri rupison ri' chupan ri q'ij achi'el xa ta jari' ri rutziaq. Ri ik' k'o qa chuxe' ri raqen y pa rujolon k'o jun corona ri ek'o kablajuj ch'umila' chuwech.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Apocalipsis 21:14

Y ri ruxe' ri tz'aq ri', kablajuj abej ri ruk'uan ri kibi' ri e kablajuj ri e taqon roma ri Karne'l.