San Lucas 5:8 - Kaqchiquel Bible

⁸ Toq ri Simón ri nibix chuqa' Pedro chire, xutz'et re jun meyel banobel re' xbexuke' chuwech ri Jesús, y xubij chire: Wajaw, man ruk'amon ta k'a chi yak'oje-pe wik'in, roma yin in jun aj-mak, xcha'.

Tuilleadh tionndaidhean

Kaqchikel Santo Domingo (Xenacoj)

⁸ Y atoq ri Simón Pedro xutzꞌet chi keriꞌ xbꞌanatej, xxukeꞌ qa chiraqen ri Jesús y xubꞌij: ¡Ajaw, riyin xa yin aj mak, y ma yin rukꞌulun ta ok chi ratkꞌo chinuchiꞌ!

Kaqchikel Santa Maria de Jesus

⁸ Y antok ri Simón Pedro xutzꞌat ri xbꞌanataj, jajaꞌ xxuquieꞌ choch ri Jesús, y xuꞌej cha: Ajaf, inreꞌ xa in jun ache pecador, man otz ta chi ncacꞌujie-pa viqꞌuin.

Kaqchikel Central Guatemala

⁸ Y tok ri Simón ri nibix chuka' Pedro chire, xutz'et chi jun milagro ri xbanatej quiq'uin ri quer, rija' xbexuque' chuvech ri Jesús, y xubij chire: Ajaf, yin xa in jun achin aj-mac, man ruc'amon ta c'a chi yac'oje-pe viq'uin, rat ri janíla ak'ij-ac'ojlen.

Re C'ac'a Testamento pa Kach'abal

⁸ Y tak re Simón re nibex chuka' Pedro cha, xutz'at che jun milagro re xbanataj, reja' xbexuque' chach re Jesús, y xubij cha: Ajaf, yen xa yin jun ache aj-mac, man ruc'amon-ta che yac'ue-pa viq'uin, roma camas ak'ij.

Kaqchikel Western Solola

⁸ Y tek ri Simón ri nibix chuka' Pedro chare, xutz'et chi jun milagro ri xbanatej ruma sibilaj q'uiy car xbequiya' pe qui', riya' xbexuque' chuwech ri Jesús, y xubij chare: Ajaf, riyin xa yin jun achi aj mac, ma yin ruc'amon ta (ma takal ta chuwij) chi yac'oje' pe wuq'ui, ruma chi riyit can c'o ak'ij ac'ojlen, xcha'.

San Lucas 5:8 Iomraidhean Croise

2 Sam 6:9

Y chupan ri q'ij ri' ri David kan xuk'en rukiy ri Jehová, y xubij: Wakami más utz man nink'uaj ta ri káxa ri richin ri Jehová akuchi ink'o-wi yin, xcha'.

1 Rey 17:18

Y ri ixoq ri' xubij chire ri Elías: ¿Achike xinmakuj yin chawech, rat ri at rusamajel ri a-Dios? ¿At peteneq wik'in chunataxik ronojel ri itzel nubanobal, y roma ri' xken ri ti wal?, xcha'.

Wuj Richin ri Achin Job 40:4

Yin xa man jun ok ri wetamabal, man ninwajo' ta chi nojin man nojin ri yenbij-apo chawe; xa más utz nintz'apej re nuchi' rik'in re nuq'a'.

Ex 20:19

Y jari' toq xkibij chire ri Moisés: Más utz ja rat kach'on qik'in y xkatqak'axaj, xaxe man tich'on chik ri Dios qik'in richin chi man yojken ta, xecha' ri winaqi'.

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

San Mateo 17:6

Y toq ri tijoxela' xkak'axaj ri', xkiqasaj-qa-ki' k'a pan ulew. Y janila k'a xkik'en rukiy.

San Mateo 2:11

Kan xe'ok k'a apo pa jay y xkitz'et ri ak'ual y ri María ri rute', y kan jari' xkiqasaj-qa-ki' k'a pan ulew richin xkiya' ruq'ij ri ak'ual. Y chuqa' kan xekijaqala-qa ri kiyakonabal y xkisipala' k'a q'anapueq, pom y mirra chire.

San Mateo 8:8

Ri uk'uey kichin ri aj-labal xubij chik k'a: Wajaw, yin xa in jun achin aj-mak y roma ri' man ruk'amon ta richin yatok pa wachoch. Xaxe k'a tabij chi nik'achoj, y kan xtik'achoj ri nusamajel.

San Lucas 5:7

Roma ri' re chapoy taq ker re' xkiben-apo retal chike ri ch'aqa' chik kachibil ri ek'o pa jun chik barco, richin kepe chikito'ik. Ri kachibil kan xepe na wi chikito'ik. Kan xenoj ri ka'i' barco, y kan jubama yebe chuxe' ya'.

San Lucas 5:9

Kere' xubij ri Simón roma rija' man jun bey rutz'eton chi keri' ta nibanatej, y roma ri' janila xuxibij-ri' rija' y kan keri' chuqa' konojel ri e beneq rik'in.

San Juan 11:32

Jak'a toq ri María xapon akuchi k'o-wi ri Jesús y xutz'et, xxuke' k'a qa chiraqen y xubij chire: Wajaw, xa ta wawe' atk'o-wi, man ta kamineq wakami ri nuxibal, xcha'.

1 Corintios 13:12

Re wawe' chuwech re ruwach'ulew man e tz'aqet ta ri etamabel ri ek'o qik'in. Kan junan rik'in ri yojtzu'un ta pa jun espejo ri xa tz'il ruwech, y man kan ta niq'alajin ri achike niqatz'et. Jak'a xtapon ri q'ij toq kan xtiq'alajin-wi ri niqatz'et. Chupan ri q'ij ri' kan xtiqetamaj jebel ruwech ri Dios, kan achi'el rija' retaman qawech roj wakami.

Apocalipsis 1:17

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.

Wuj Kichin ri To'onela' 13:22

Y ri Manoa xubij chire ri rixjayil: Kan qitzij ninbij chawe chi xa xqojken, roma kan xqatz'et ri Dios, xcha'.

1 Sam 6:20

Y ri aj-Bet-semes xkibij: ¿Achike k'a xtitikir xtipa'e' chuwech ri Jehová ri Loq'olej Dios? ¿Achoq ik'in chik k'a xtibe-wi ri káxa toq xtel-el qik'in roj?, xecha'.