San Lucas 3:23 - Kaqchiquel Bible

²³ Chupan ri q'ij ri', ri Jesús k'o la'eq juwineq lajuj rujuna'. Kan jari' k'a toq xuchop ri rusamaj. Y chikiwech ri winaqi', ri Jesús ruk'ajol ri José. Y ri José ruk'ajol kan ri Elí.

Tuilleadh tionndaidhean

Kaqchikel Santo Domingo (Xenacoj)

²³ Atoq ri Jesús xutzꞌen rutzijoxik ri rutzij ri Dios, jun laꞌeq 30 rujunaꞌ. Pa kiwech ri wineq ri Jesús rukꞌajol ri José. Y ri José rukꞌajol kan ri Elí.

Kaqchikel Santa Maria de Jesus

²³ Antok ri Jesús xutzꞌom ri rusamaj, cꞌo laꞌk treinta rujunaꞌ. Y chiquivach ri vinak, ri Jesús rucꞌajuol ri José. Ri José rucꞌajuol can ri Elí.

Kaqchikel Central Guatemala

²³ Chupan ri tiempo ri', ri Jesús c'o la'ek juvinek-lajuj rujuna'. Can jac'ari' tok xuchop ri rusamaj. Y chiquivech ri vinek, ri Jesús ruc'ajol ri José. Ri José ruc'ajol can ri Elí.

Re C'ac'a Testamento pa Kach'abal

²³ Chupan re tiempo re', re Jesús c'o la'k treinta rujuna', jare' tak xutz'am re rusamaj. Y chiquivach re vinak, re Jesús can ruc'ajol-va re José. Re José ruc'ajol can re Elí.

Kaqchikel Western Solola

²³ Chupan ri tiempo ri', ri Jesús c'o achi'el xa juwinek lajuj rujuna'. Can yac'ari' tek xuchop ri rusamaj. Y pa quic'u'x ri winek chi ri Jesús can ruc'ajol wi ri José. Ri José ruc'ajol ca ri Elí.

San Lucas 3:23 Iomraidhean Croise

Wuj Richin ri Rutikeribel 41:46

Ri José k'o k'a juwineq lajuj rujuna' toq xuchop nusamajij ri rey ri richin Egipto. Y xuchop k'a nel chubanik ri rusamaj y xretamaj chijun ri ruwach'ulew Egipto.

2 Sam 5:4

Ri David juwineq lajuj k'a rujuna' chiri' toq xutikeriba' xuq'et-tzij. Y kawineq juna' xq'aton-tzij.

Wuj Richin ri Q'axanri'il 4:3

Ke'iwajlaj k'a konojel ri k'o juwineq lajuj kijuna' k'a kawineq lajuj, richin nikiben ri samaj chupan ri wachoch richin molojri'il.

Wuj Richin ri Q'axanri'il 4:35

Xekajlaj k'a ri achi'a' ri k'o juwineq lajuj kijuna' k'a kawineq lajuj, richin nikiben ri samaj chupan ri rachoch ri Dios richin molojri'il.

Wuj Richin ri Q'axanri'il 4:39

Xekajlaj k'a ri achi'a' ri k'o juwineq lajuj kijuna' k'a kawineq lajuj, richin nikiben ri samaj chupan ri rachoch ri Dios.

Wuj Richin ri Q'axanri'il 4:43

Xekajlaj k'a ri achi'a' ri k'o juwineq lajuj kijuna' k'a kawineq lajuj, richin nikiben ri samaj chupan ri rachoch ri Dios.

Wuj Richin ri Q'axanri'il 4:47

Xekajlaj k'a ri achi'a' ri k'o juwineq lajuj kijuna' k'a kawineq lajuj, richin nikiben ri samaj toq nikik'uaj-el ri rachoch ri Dios richin yebe chik juk'an.

San Mateo 1:1

Ri Jesús ri Cristo kan riy-rumam kan ri rey David, y kan riy-rumam kan chuqa' ri Abraham.

San Mateo 1:16

Y re Jacob re' xralk'ualaj k'a ri José ri xok rachijil ri María. Y re María re' jare' ri rute' ri Jesús ri Cristo.

San Mateo 1:6

Y re Isaí re' xralk'ualaj ri rey David. Ri rey David xralk'ualaj ri Salomón rik'in ri Betsabé ri rixjayil. Ri Betsabé ri', ja ri rixjayil kan ri Urías.

San Mateo 13:55

Rija' xa ja ri ruk'ajol ri ajanel; re' xa jare' ral ri María y ri e rach'alal ja ri Jacob o, ri José, ri Simón y ri Judas.

San Mateo 4:17

Kan ja ri chiri' toq ri Jesús xuchop-pe rutzijoxik ri ruch'abel ri Dios, y nubij k'a chike ri winaqi': Kan titzolej k'a pe ik'u'x rik'in ri Dios, roma xa kan naqaj chik k'o-wi-pe ri q'ij richin ri aj-chikajil ajawaren, nicha' chike.

Marcos 6:3

Roma re achin re' xa jare' ri ajanel, ral ri María, kach'alal ri Jacob o, ri José, ri Judas y ri Simón. Ri e rana' xa chiqakojol roj ek'o-wi, yecha'.Y kan man nikinimaj ta ri yeruben ri Jesús

San Lucas 2:48

Toq ri María y ri José xkitz'et, kan janila xkimey y jari' toq ri María xubij chire: ¿Achike roma toq xak'oje' kan y man jun xabij chiqe? Tatzu'; la atata' y yin janila at qakanon chik. Y kan niq'axo chik qánima roma man jun bey yatqil, xcha'.

San Lucas 3:31

Y ri Eliaquim ruk'ajol kan ri Meleá, y ri Meleá ruk'ajol kan ri Mená, y ri Mená ruk'ajol kan ri Matatá, y ri Matatá ruk'ajol kan ri Natán.

San Lucas 4:22

Konojel k'a ri winaqi', janila xqa' chikiwech ri Jesús, y kan janila xkimey ri utzilej taq ch'abel ri xerubij.Y ri winaqi' ri' nikibila' chuqa' chikiwech: ¿Man ja ta k'a re' ri ruk'ajol ri José?, yecha'.

San Juan 1:45

Y ri Felipe, xberuk'ulu-pe ri jun achin rubini'an Natanael, y xubij k'a chire: Xqil yan k'a ri runatan kan ri Moisés chupan ri pixa' y ri kinatan chuqa' kan ri xeq'alajirisan ruch'abel ri Dios ojer, ri chupan ri kiwuj e kitz'ibalon kan. Rija', ja ri Jesús ri ruk'ajol ri José aj-Nazaret, xcha'.

San Juan 6:42

Y yekixebexa' k'a: ¿Man ja ta k'a re' ri Jesús ri ruk'ajol ri José? Xa qetaman k'a kiwech ri rute-rutata'. K'a ta k'ari' xtorubij chi rija' qajineq-pe chila' chikaj rik'in ri Dios, yecha'.

Hechos 1:1

Nimalej Teófilo: Yin nintz'ibaj-el re jun wuj re' chawe, achi'el ri wuj ri xintz'ibaj-el chawe pa nabey. Y chupan ri wuj ri' nutz'iban k'a el ri samaj ri xutikeriba' kan rubanik ri Jesús, y ri xutikeriba' kan ruk'utik chikiwech ri winaqi'.