San Lucas 3:2 - Kaqchiquel Bible

² Kan jak'a chuqa' q'ij ri' toq ri Anás y ri Caifás e nimalej taq sacerdote chiri' pa rachoch ri Dios, chiri' pa Jerusalem. Jari' toq ri Dios xch'on rik'in ri Juan ri ruk'ajol ri Zacarías ri chiri' pa tz'iran ruwach'ulew.

Tuilleadh tionndaidhean

Kaqchikel Santo Domingo (Xenacoj)

² Chupan ri tiempo riꞌ ja ri Anás y ri Caifás ri más nimalej kiqꞌij sacerdotes pa rochꞌulew Israel. Y chupan chuqaꞌ ri tiempo riꞌ, ri Dios pa jun chaqiꞌj y tzꞌiran ulew xuyaꞌ tzij chare ri Juan ri rukꞌajol ri Zacarías chin ndubꞌij chake ri wineq.

Kaqchikel Santa Maria de Jesus

² Y chupan jeꞌ ri tiempo reꞌ, ja ri Anás y ri Caifás ri i-sacerdotes ri más cꞌo quikꞌij chireꞌ Israel. Y ja tiempo reꞌ antok xchꞌoꞌ ri Dios cha ri Juan ri rucꞌajuol ri Zacarías, chupan jun lugar desierto.

Kaqchikel Central Guatemala

² Y can jac'a chuka' tiempo ri' tok ri Anás y ri Caifás e nimalej tak sacerdotes chiri' pa rachoch ri Dios, chiri' pan Israel. Ronojel c'a re' ye'oc retal richin tok xch'on ri Dios chire ri Juan ri ruc'ajol ri Zacarías. Can jac'a ri chiri' pa tz'iran ruvach'ulef xch'on-vi ri Dios chire ri Juan.

Re C'ac'a Testamento pa Kach'abal

² Y ja chuka' tiempo re' tak re Anás y re Caifás je namalaj tak sacerdotes pa rachoch re Dios, chire' pan Israel. Jare' tak xch'o re Dios cha re Juan re ruc'ajol re Zacarías chire' chupan re jun lugar anche' manak vinak re nibex desierto cha.

Kaqchikel Western Solola

² Y can yac'a chuka' tiempo ri' tek ya ri Anás y ri Caifás ye nimalaj tak sacerdotes chiri' pa rachoch ri Dios. Yac'a chuka' tiempo ri' tek ri Dios xch'o riq'ui ri Juan ri ruc'ajol ri Zacarías, pa jun desierto.

San Lucas 3:2 Iomraidhean Croise

Wuj Richin ri Isaías 40:3

K'o k'a jun q'ij k'o jun ri xtipe, y kan janila kow xtich'on y xtubij: Tachojmirisaj k'a jun bey chupan ri tz'iran ruwach'ulew richin ri Jehová. Tabana' jun choj laj bey richin ri qa-Dios.

Wuj Richin ri Jeremías 1:2

Ri Dios xch'on wik'in toq niq'aton-tzij ri Josías, ruk'ajol ri Amón, chiri' pa Judá, chupan ri juna' oxlajuj chire ri ruq'atbal-tzij rija'.

Wuj Richin ri Jeremías 2:1

Ri Jehová xch'on chik wik'in y xubij chuwe:

Wuj Richin ri Jonás 1:1

Xk'oje' k'a jun achin rubini'an Jonás, ruk'ajol ri Amitai. Y k'o k'a jun q'ij ri Jehová xch'on rik'in rija' y xubij chire:

Wuj Richin ri Miqueas 1:1

Ri Jehová xuya' k'a jun rutzijol chuwe yin Miqueas aj-Moréset, ri k'o pa ruwach'ulew Judá, toq ri Jotam, ri Acaz y ri Ezequías xeq'aton-tzij pa ruwi' ri Judá. Y chupan ri ruq'ijul ri', xubij k'a chuwe ri xtibebanatej pa tinamit Samaria y ri pa Jerusalem.

Wuj Richin ri Sofonías 1:1

Ri Jehová xch'on wik'in yin Sofonías, ri in ruk'ajol kan ri Cusí, in rumam kan ri Guedalías, in kixikin-kimam kan ri Amarías ri ruk'ajol kan ri Ezequías. Re' xbanatej toq ri Josiás ruk'ajol kan ri Amón niq'aton-tzij pa ruwi' ri ruwach'ulew Judá.

San Mateo 11:7

Y toq ri e ka'i' rutijoxela' ri' xebe, jari' toq ri Jesús xuchop ch'owen pa ruwi' ri Juan chikiwech ri winaqi' ri ek'o chiri', y xubij: ¿Ri xibetz'eta' rix ri pa tz'iran ruwach'ulew xa kan jun achi'el aj, ri nibe-kela' nibe-kela' roma ri kaq'iq'?

San Mateo 26:3

Y kan ja ri pa ruq'ijul ri', ri aj-raqen kichin ri sacerdote, ri etamanela' chirij ri pixa' y chuqa' ri achi'a' ri k'o kiq'ij, kan kimolon-wi k'a ki' chuwa-rachoch ri nimalej sacerdote Caifás.

Marcos 1:2

Kan xbanatej k'a achi'el ri rutz'iban kan ri q'alajirisey ruch'abel ri Dios ri xk'oje' ojer kan ri xubini'aj Isaías, toq xubij:*f1* Xtinteq k'a jun ya'ol rutzijol, richin chi ja rija' ri xtijaqo ri bey chuwech. Rija' xtiberuchojmirisaj-apo akuchi k'o chi xtapon-wi.

San Lucas 1:80

Keri' ri ak'ual ri xalex kik'in ri Zacarías y ri Elisabet, ruchapon k'a nik'iy y ruchapon nik'iy rik'in ri Dios. Y pa tz'iran ruwach'ulew xk'oje-wi, k'a toq xapon ri q'ij richin xutzijoj ri ruch'abel ri Dios chikiwech ri ruwinaq.

San Juan 1:23

Y rija' xubij: Ja yin ri' ri jun ri achoq chirij k'o rutz'iban kan ri Isaías ri q'alajirisey ruch'abel ri Dios. Y jare' ri rutz'iban kan:*f1* K'o k'a jun q'ij k'o jun ri xtipe, y kan janila kow xtich'on y xtubij: Tichojmirisaj k'a jun bey chupan ri tz'iran ruwach'ulew richin ri Jehová. Tibana' jun choj laj bey richin ri qa-Dios, keri' rubin, xcha'.

San Juan 18:24

K'ari' ri Anás xuteq k'a apo ri Jesús chuwech ri Caifás, ri jun chik nimalej sacerdote. Y ri Jesús kan ximon k'a toq xuk'uex-el.

Hechos 4:6

chuqa' ri Anás ri nimalej sacerdote, ri Caifás, ri Juan, ri Alejandro, y konojel k'a ri e aj pa rachoch ri nimalej sacerdote.