San Lucas 3:19 - Kaqchiquel Bible

¹⁹ Chuqa' rija' xubij k'a chire ri Herodes, chi man utz ta ri rubanon, roma rija' ruk'amon-qa ri Herodías ri rixjayil ri Felipe, ri rach'alal. Xerunataj chuqa' ch'aqa' chik rumak ri e rubanalon.

Tuilleadh tionndaidhean

Kaqchikel Santo Domingo (Xenacoj)

¹⁹ Pero ri tetrarca Herodes, xutzꞌapij ri Juan pa cheꞌ, porque ri Juan ruchꞌolin pe roma nojel ri itzel teq achike erubꞌanaloꞌon pe ri Herodes, y roma chuqaꞌ rubꞌanun qa rixjayil chare ri Herodías rixjayil ri Felipe, ri kichaqꞌ-kinimal kiꞌ rikꞌin ri Herodes.

Kaqchikel Santa Maria de Jesus

¹⁹ Ri Juan xuchꞌolij ri gobernador Herodes, ruma man otz ta rubꞌanun, chi rucꞌamun-ka ri Herodías, ri xa raxjayil ri Felipe ri quichakꞌ-quinimal-quiꞌ riqꞌuin ri Herodes. Y xaꞌrunataj jeꞌ nicꞌaj chic ruchꞌoꞌj ri i-rubꞌanun.

Kaqchikel Central Guatemala

¹⁹ Ri Juan xubij c'a chire ri k'atoy-tzij rubini'an Herodes, chi man utz ta ri rubanon, roma rija' ruc'amon-ka ri rixjayil ri rach'alal, rubini'an Felipe. Re ixok re' rubini'an Herodías. Ri Juan xunataj c'a ri' chire ri Herodes, y xerunataj chuka' ch'aka' chic rumac ri e rubanalon.

Re C'ac'a Testamento pa Kach'abal

¹⁹ Re Juan xubij cha re gobernador rubini'an Herodes: Man otz-ta re atz'amon rubanic, roma aconak-ka avxayil re ixok rubini'an Herodías re ruxayil re avch'alal rubini'an Felipe. Re Juan xunataj re' cha re Herodes, y xe'runataj chuka' nic'aj chic rumac re je'rubanalon.

Kaqchikel Western Solola

¹⁹ Chuka' ri Juan xchapon chare ri Herodes, ri jun chique ri ye caji' aj k'atbel tak tzij chupan ri tiempo ri' y xubij chare: Riyit ma utz ta abanon ruma ac'amon ka ri Herodías, rixjayil ri awach'alal Felipe, xcha' chare. Y ma xu (xe) ta wi ri' ri xubij chare, xa can xerunataj chuka' ri nic'aj chic rumac ri ye rubanalon ri Herodes.

San Lucas 3:19 Iomraidhean Croise

Wuj Richin Etamabel-Tzij 15:12

Ri wineq ri kan man nuch'ob ta ri yerubij, man nrajo' ta ri nipixaban richin; y kan man napon ta rik'in jun aj-na'oj, richin chi nuk'utuj ta runa'oj chire.

San Mateo 11:2

Jak'a ri Juan ri q'alajirisey ruch'abel ri Dios k'o pa cárcel. Jari' toq xrak'axaj ri samaj ri nuben ri Jesús ri Cristo, rija' xeruteq k'a el ka'i' rutijoxela' k'a rik'in ri Jesús

San Mateo 14:1

Chupan k'a ri q'ij ri', ri Herodes Antipas, rey richin Galilea, xrak'axaj k'a chi ri Jesús janila rutzijol chikikojol ri winaqi'.

San Mateo 14:6

Jak'a chupan ri q'ij toq ri Herodes xutz'aqatisaj jun chik rujuna', xban k'a jun nimaq'ij, y chupan k'a ri nimaq'ij ri' ri xten ral ri Herodías xxajo' k'a chikiwech ri ek'o rik'in ri Herodes. Y ri Herodes kan janila xqa' chuwech ri xajoj ri xuben.

San Lucas 3:1

Chupan k'a ri q'ij ri' ja ri Tiberio César ri rey pa ruwi' ri ajawaren richin ri Roma. Toq rija' wolajuj yan juna' tuq'et-tzij, chuqa' yeq'aton-tzij re kaji' q'atoy taq tzij re': Ri Poncio Pilato, rija' niq'aton-tzij pa Judea; ri Herodes Antipas, rija' rey pa ruwi' ri ruwach'ulew Galilea; ri Felipe rach'alal ri Herodes, rija' rey pa kiwi' ri ruwach'ulew Iturea y Traconítide; y ri Lisanias, rija' rey pa ruwi' ri ruwach'ulew Abilene.

San Lucas 3:18

Ri Juan rik'in k'a pixabanik xutzijoj ri utzilej ch'abel ri' chike ri winaqi'.