San Lucas 3:11 - Kaqchiquel Bible

¹¹ Ri Juan xubij k'a chike: Achike k'a chiwe rix ri k'o ka'i' rutziaq, tuya' jun chire ri maneq rutziaq. Xabachike k'a chuqa' chiwe rix ri k'o ta wey rik'in, tuya' k'a chuqa' chire ri maneq ruway, xcha' chike.

Tuilleadh tionndaidhean

Kaqchikel Santo Domingo (Xenacoj)

¹¹ Ri Juan xubꞌij: Ri kꞌo kaꞌiꞌ rutziaq, tuyaꞌ jun chare ri maneq ok rutziaq ndukusaj. Ri kꞌo achike ndukꞌux, tusipaj jubꞌaꞌ chare ri maneq ok achike rikꞌin chin ndukꞌux.

Kaqchikel Santa Maria de Jesus

¹¹ Y jajaꞌ xuꞌej chica ri xaꞌcꞌutun-apa: Xa cꞌo jun cꞌo caꞌyeꞌ rutziak, tuyaꞌ jun cha ri manak rutziak. Y xa cꞌo jun cꞌo nutej, tuyaꞌ cha ri manak nutej, xchaꞌ chica.

Kaqchikel Central Guatemala

¹¹ Y ri Juan xubij c'a chique ri xec'utun-apo: Achique c'a chive rix ri c'o ca'i' rutziak, tuya' jun chire ri manek rutziak. Y xabachique c'a chuka' chive rix c'o ta vey riq'uin, tuya' c'a chuka' chire ri man jun nutej, xcha' chique.

Re C'ac'a Testamento pa Kach'abal

¹¹ Y re Juan xubij chique: Anchique chiva yex re c'o ca'e' rutziak, tuya' jun cha re manak rutziak. Y xabanchique chiva yex re c'o vay riq'uin, tuya' chuka' cha re manak ruay, xcha' chique.

Kaqchikel Western Solola

¹¹ Y ri Juan xubij c'a chique ri xec'utun apo: Achique c'a chiwe riyix ri c'o ca'i' rutziak, tuya' jun chare ri majun rutziak. Y xabachique c'a chuka' chiwe riyix ri c'o wey riq'ui, tuya' c'a chuka' ruway ri xa majun ruway, xcha' chique.

San Lucas 3:11 Iomraidhean Croise

Ez 18:7

Ri wineq ri man xkeruya' ta pa tijoj-poqonal ri ch'aqa' chik y toq nuya' méro pa qajik xa kan nutzolij ri retal ri xya'ox chire roma ri qajonel. Rija' man neleq' ta y kan nuya' k'a kiway ri yewayjan y nuya' kitziaq ri maneq kitziaq.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

San Mateo 25:40

Y yin ri in rey xtinbij k'a: Kan qitzij wi k'a ri ninbij chiwe chi roma keri' xiben kik'in ri wach'alal ri maneq kiq'ij, xa kan chuwe k'a yin xiben-wi ri utzil xiben chike, xkicha'.

San Lucas 11:41

Rix toq k'o niya' chike ri man jun k'o kik'in, k'o chi nalex-pe rik'in jun iwánima ch'ajch'oj, richin keri' chuwech ri Dios ronojel ch'ajch'oj.

San Lucas 18:22

Toq ri Jesús xrak'axaj re', xubij: K'a k'o jun ri man abanon ta. Tabek'ayij k'a kan ronojel ri k'o awik'in y ri rajel tataluj chikiwech ri winaqi' ri man jun k'o kik'in, richin keri' nik'oje' abeyomel chila' chikaj. K'ari' katanpe richin kinatzeqelibej, xcha' chire.

San Lucas 19:8

Y ri chiri', ri Zaqueo pa'el k'a toq xch'on rik'in ri Jesús y xubij: Wajaw, wakami nik'aj chire ri nubeyomel nintaluj chike ri winaqi' ri man jun k'o kik'in. Wi k'o ta weleq'an chire jun wineq, kan xtintzolij kaji' mul más chuwech ri xinwelesaj kan chire, xcha'.

San Juan 13:29

Ek'o xech'obo chi xtaq-el roma ri Jesús chuloq'ik ronojel ri nik'atzin chike chupan ri nimaq'ij ri'. Y ek'o chik ch'aqa' xech'obo chi xtaq-el richin k'o tiberuyala' kan chike ri winaqi' ri man jun k'o kik'in, roma rije' kan ketaman-wi chi ja ri Judas ri yakol méro.

Hechos 10:2

Ri Cornelio y ri e aj pa rachoch e ya'ol k'a ruq'ij ri Dios, y nikixibij k'a ki' yemakun chuwech. Y rija' kan jantape' k'a nich'on rik'in ri Dios, y kan k'iy k'a yerutola-wi ri winaqi' ri man jun k'o kik'in.

Hechos 10:31

Y xubij k'a chuwe: Cornelio, ri Dios utz rak'axan ri ach'owen, y chuqa' kan qajineq chuwech chi ye'ato' ri winaqi' ri nik'atzin kito'ik.

Hechos 10:4

Ri Cornelio rutzuliben k'a ri ángel, y janila ruxibin-ri'. Y xuk'utuj chire ri achike nrajo'. Ri ángel xubij chire: Ri ach'owen rik'in ri Dios kan janila qajineq chuwech, y keri' chuqa' kan qajineq chuwech ri ye'ato' ri winaqi' ri nik'atzin kito'ik. Roma ri' rija' yarunataj-pe re wakami.

Efesios 4:28

Wi k'o jun ri xuben eleq', man chik teleq'. Pa ruk'exel ri' nik'atzin chi nukusaj ri ruq'a' richin nisamej, roma re' kan utz wi, y rik'in re' nitikir chuqa' yeruto' ri k'o nik'atzin chike.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

1 Timoteo 6:18

Tabij chike chi kekibanala' k'iy utzil, y e beyoma' ta chubanik ri utzilej taq banobel kik'in ri ch'aqa' chik, y man tikik'ek'ej ri nikiya' chike ri beyomel ri k'o kik'in.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.

Santiago 2:14

Wach'alal, wi k'o jun ri nibin chi kuqul chik ruk'u'x rik'in ri Dios, y xa man nuben ta ri utzilej taq banobel, kan man jun k'a nik'atzin-wi ri nubij keri', roma jun kuqubabel-k'u'x ri keri' xa man xtukol ta ri wineq.

1 Juan 3:17

Jak'a wi k'o jun ri k'o ronojel rik'in ri nik'atzin chire, y nutz'et jun rach'alal ri man jun ruway o rutziaq, y kan man nubij ta ránima richin nuto', kan niq'alajin chi man jun ajowabel richin ri Dios rik'in.

1 Juan 4:20

Y wi niqabij chi niqajo' ri Dios y xa niqetzelaj jun qach'alal, man qitzij ta ri niqabij. Roma wi man yeqajo' ta ri qach'alal ri kan yeqatz'et, ¿yojtikir kami niqajo' ri Dios ri xa man qatz'eton ta ruwech?