San Lucas 22:44 - Kaqchiquel Bible

⁴⁴ Y kan janila k'a q'axo'n ri k'o pa ránima. Roma ri' kan rik'in k'a ronojel ránima nich'on rik'in ri Dios. Y roma ri' xuchop nitz'oqpin. Y ri ya' ri nel chirij kan nima'q taq tz'uj, achi'el toq jun nibiyin rukik'el.]*f36*

Tuilleadh tionndaidhean

Kaqchikel Santo Domingo (Xenacoj)

⁴⁴ Y roma ralal ri kꞌayew ndunaꞌ ri Jesús pa ránima, rikꞌin más ruchuqꞌaꞌ ndubꞌen orar y ri rutzꞌajabꞌ kin achel nimaꞌq teq tzꞌuj kikꞌ ngeqaqa pa ulew.

Kaqchikel Santa Maria de Jesus

⁴⁴ Y altíra nikꞌaxo ránima ri Jesús. Rumareꞌ riqꞌuin nojiel ránima nuꞌon orar. Y ri yaꞌ ri ntiel chirij incheꞌl nimaꞌk tak gotas quicꞌ ri ncaꞌka pan ulief.

Kaqchikel Central Guatemala

⁴⁴ Y can janíla c'a k'axo'n ri c'o pa ránima rija'. Romari' can riq'uin c'a ronojel ránima nuben orar. Y roma chuka' ri k'axo'n ri', ri ya' ri nel chirij man choj ta ya'. Xa achi'el chic nima'k tak tz'uj quic' ri yeka' pan ulef.

Re C'ac'a Testamento pa Kach'abal

⁴⁴ Y camas c'a nik'axo re ránma nuna' reja'. Mare' can riq'uin c'a ronojel ránma más nuban orar. Y roma camas nik'axo re ránma, mare' re ya' re ndel chij man chic relic-ta ya', xa can ancha'l chic nima'k tak tz'uj quic' ye'ka pan ulef.

Kaqchikel Western Solola

⁴⁴ Y can sibilaj c'a k'axon ri c'o pa ránima Riya'. Rumari' can riq'ui c'a ronojel ránima nuben orar. Y ruma chuka' ri k'axon ri', ri ya' ri ntel chrij, xa can achi'el chic nima'k tak tz'uj quic' ri yeka pan ulef.

San Lucas 22:44 Iomraidhean Croise

Wuj Richin ri Isaías 53:10

Man rik'in ri' ri Jehová kan xuya' pa k'ayew, y xuben chire chi xtz'ilox. Y ri Jehová xuben chire chi xkamisex achi'el jun kamelabel richin nikuyutej ri qamak. Y rija' xkerutz'et k'a ri e rijatzul, y xtik'ase' richin jantape'. Y keri' k'a ri ruch'obonik ri Jehová kan xtibanatej roma rija', xkecha'.

Wuj Richin ri K'uxla'anik 1:12

Y rix ri janipe' yixq'ax chupan ri bey, kixpa'e' y titz'eta'. Tich'obo-qa wi k'o ta chik jun q'axo'n, achi'el re q'axo'n re qajineq pa qawi' roj. Ri Jehová kan xuya' k'a pe re tijoj-poqonal re' pa qawi' toq xyakatej janila royowal chiqij.

San Lucas 22:45

Toq ri Jesús xtane' chi ch'owen rik'in ri Dios, xpe kik'in ri rutijoxela', jak'a toq xoqaqa kik'in, rije' xa kichapon waran, roma janila chik yebison.

San Juan 12:27

Yin kan janila k'a niq'axo ri wánima wakami. Jak'a man ruk'amon ta chi ninbij chire ri nata' chi kirukolo' chuwech re q'axomal re' y xa kan roma ri' xinoqaqa, xcha'.

Romanos 8:32

¿Kan k'o ta kami ri man utz ta ri nuya-pe chiqe? Man jun; roma rija' man xupoqonaj ta k'a xuya-pe ri kan Ruk'ajol richin chi xken qoma qonojel roj.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.