San Lucas 2:41 - Kaqchiquel Bible

⁴¹ Ri María y ri José kan ronojel k'a juna' yebe pa tinamit Jerusalem richin nikinataj toq ri Dios xuya' ri Solbelri'il chike ri kati't-kimama'.

Tuilleadh tionndaidhean

Kaqchikel Santo Domingo (Xenacoj)

⁴¹ Juna-junaꞌ ri rute-rutataꞌ ri Jesús ngebꞌa pa tinamit Jerusalén roma ri nimaqꞌij rubꞌiniꞌan Pascua.

Kaqchikel Santa Maria de Jesus

⁴¹ Ri rutie-rutataꞌ ri Jesús, can juna-junaꞌ ncaꞌa pa tanamet Jerusalén antok nalka ri kꞌij richin ri namakꞌej Pascua.

Kaqchikel Central Guatemala

⁴¹ Ri María y ri José ri e rute-rutata' ri Jesús, can ronojel c'a juna' yebe pa tinamit Jerusalem. Rije' yebe chiri' pa Jerusalem tok napon ri k'ij richin ri quinimak'ij ri israelitas ri rubini'an pascua.

Re C'ac'a Testamento pa Kach'abal

⁴¹ Re María y re José re je rute-rutota' re Jesús, ronojel juna' ye'ba pa tenemit Jerusalén chin ne'quik'asaj re namak'ij rubini'an pascua.

Kaqchikel Western Solola

⁴¹ Ri María y ri José ri ye rute' rutata' ri Jesús, can ronojel c'a juna' yebe pa tinamit Jerusalem, tek napon ri k'ij riche (rixin) ri nimak'ij pascua.

San Lucas 2:41 Iomraidhean Croise

Ex 12:11

Kere' k'a ibanik toq xkixwa': Kan jebel tibatz'a' ri ipan, tixima' ri ixajab chi'iwaqen, y ri ich'ame'y tichapa' pan iq'a'. Y kan xtitej k'a anineq ri k'o chi nitej. Jari' ri nimaq'ij richin ninataj ri Solbelri'il.

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Ex 34:23

Kan konojel k'a achi'a' ri e awinaq rat, nik'atzin chi ye'oqaqa chupan re oxi' nimaq'ij re', chupan jun juna', richin ye'oqaqa chinuwech yin Jehová ri ajaw, ri Dios richin ri Israel.

Wuj Richin ri Chojmirisabelri'il 23:5

Chupan ri q'ij kajlajuj chire ri nabey ik' toq niqaq'ij-qa, jari' toq nitiker-qa ri nimaq'ij richin ri Solbelri'il. Y ri nimaq'ij ri' niben richin niya' nuq'ij.

Wuj Richin ri Q'axanri'il 28:16

Chupan ri q'ij kajlajuj richin ri nabey ik' chire ri juna', jari' toq ninimaq'ijuj ri aq'a' toq yin choj xinik'o-el pan iwi' richin xixinkol-pe.

San Lucas 2:42

Toq xtz'aqet kablajuj rujuna' ri Jesús, xebe pa Jerusalem achi'el kibanon-pe ronojel bey.

San Juan 11:55

Jari' k'a toq napon yan ri q'ij richin nikinataj toq ri Dios xuya' ri Solbelri'il. Roma ri' kan janila yan k'a e k'iy winaqi' ri xe'el-pe pa taq kitinamit, richin xebe pa Jerusalem. Kan xebe yan k'a roma k'o chi nibekich'ajch'ojirisaj-ki' chuwech ri Dios.

San Juan 13:1

Toq noqaqa yan ri q'ij richin ri nimaq'ij toq nikinataj toq ri Dios xuya' ri Solbelri'il, ri Jesús retaman chik k'a chi noqaqa yan ri hora richin chi rija' nel-el wawe' chuwech re ruwach'ulew y nitzolin chila' chikaj rik'in ri Dios, ri rutata'. Ri Jesús kan janila wi e rajowan-pe konojel ri kan e richin chik rija' ri ek'o wawe' chuwech re ruwach'ulew, y kan keri' xuben janipe' xk'oje-el.

San Juan 2:13

Kan naqaj chik k'a ri q'ij richin ri kinimaq'ij ri judío, ri nikinataj toq ri Dios xuya' ri Solbelri'il chike. Roma ri' ri Jesús kan xbe k'a pa Jerusalem, richin ri nimaq'ij ri'.

San Juan 6:4

Ri q'ij ri', xa naqaj chik k'a k'o-wi ri kinimaq'ij ri judío toq nikinataj toq ri Dios xuya' ri Solbelri'il chike ri kati't-kimama'.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Deut 12:18

Xa kan xaxe chuwech rija' k'atzinel richin nitij-wi, chiri' akuchi xtucha-wi rija', y re' xtiban iwik'in rix, ri iwalk'ual, ri isamajela' ri e yuqul pa samaj iwik'in y ri e levita ri ek'o chi'ikojol. Kan xkixkikot k'a chuwech ri Jehová roma ri samaj ri xiben-qa roma kan utz xel chiwech.

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

1 Sam 1:21

Y toq xapon chik k'a ri q'ij richin yenimaq'ijun, ri Elcaná, ri Peniná y konojel ralk'ual xebe richin nibekisuju' sipanik chuwech ri Jehová, kan achi'el nikiben ronojel juna'.

1 Sam 1:3

Y ronojel k'a juna' ri Elcaná nibe-q'anej pa tinamit Siló richin niberusuju' sipanik richin niberuya' ruq'ij ri Jehová k'iytisanel richin ronojel. Y chiri' k'o-wi ri sacerdote richin ri Jehová rubini'an Elí, chuqa' chiri' ek'o-wi ri e ruk'ajol kibini'an Hofní y Finees. Rije' chuqa' e sacerdote.