San Lucas 2:25 - Kaqchiquel Bible

²⁵ Ri chiri' pa Jerusalem k'o jun achin rubini'an Simeón. Rija' choj ri ruk'aslen y ya'ol ruq'ij ri Dios. Kan k'o-wi ri Loq'olej Espíritu rik'in y royoben toq xtipe ri Cristo chukolik ri tinamit Israel.

Tuilleadh tionndaidhean

Kaqchikel Santo Domingo (Xenacoj)

²⁵ Chupan ri tiempo riꞌ pa tinamit Jerusalén kꞌo jun achi rubꞌiniꞌan Simeón. Rijaꞌ kin kꞌo ri Espíritu Santo pa ruwiꞌ, chojmilej rukꞌaslen y kin nduyaꞌ wi ruqꞌij ri Dios. Rijaꞌ royobꞌen ri qꞌij chin nduqaqa ri Jun nditaq pe roma ri Dios chukolik ri rutinamit.

Kaqchikel Santa Maria de Jesus

²⁵ Y chireꞌ pa tanamet Jerusalén ri tiempo reꞌ, cꞌo jun ache rubꞌinan Simeón. Ri jun ache reꞌ can choj rucꞌaslien y can nuyaꞌ rukꞌij ri Dios. Ri Simeón can cꞌo ri Espíritu Santo riqꞌuin y royoꞌien chi ncaꞌcuol ri israelitas.

Kaqchikel Central Guatemala

²⁵ Y chiri' pa tinamit Jerusalem ri tiempo ri', c'o c'a jun achin rubini'an Simeón. Re jun achin c'a re', choj ri ruc'aslen y yo'ol ruk'ij ri Dios. Ri Simeón, can c'o-vi c'a ri Lok'olej Espíritu riq'uin y royoben chuka' tok xtipe ri Cristo chucolic ka rija' y chiquicolic ri ch'aka' chic israelitas.

Re C'ac'a Testamento pa Kach'abal

²⁵ Y chire' pa tenemit Jerusalén re tiempo re', c'o jun ache rubini'an Simeón. Re jun ache re', choj ruc'aslen y can nuya-va ruk'ij re Dios. Re Simeón, can c'o-va chuka' re Espíritu Santo riq'uin y chuka' reja' ruyaben re Cristo tak xtipa chin no'rcola-ka chupan re rumac y chiquicolic chuka' re nic'aj chic israelitas.

Kaqchikel Western Solola

²⁵ Y chiri' pa tinamit Jerusalem ri tiempo ri', c'o c'a jun achi ri Simeón rubi'. Ri jun achi c'a ri', can choj ri ruc'aslen y kas ya'ol ruk'ij ri Dios. Ri Simeón, can c'o wi c'a ri Lok'olaj Espíritu riq'ui y royoben chuka' tek xtipe ri Cristo riche (rixin) chi nicolotej riya' y ri rech aj Israel.

San Lucas 2:25 Iomraidhean Croise

Wuj Richin ri Rutikeribel 6:9

Jare' ri rubanik ri ruk'aslen ri Noé. Rija' jun achin choj ruk'aslen chuwech ri Dios chikikojol ri sol winaqi' chupan ri q'ij ri'. Xa kan xaxe rija' ri xk'ase' achi'el ri xrajo' ri Dios.

Wuj Richin ri Achin Job 1:1

K'o k'a jun achin ri chiri' pa jun ruwach'ulew rubini'an Us, ri rubini'an Job. Re achin re' kan janila k'a choj ri ruk'aslen y kan man jun achike ta itzel nilitej chirij. Kan janila k'a rukiy ri Dios chuwech, y kan ruch'aron-ri' chire ri itzel taq banobel.

Wuj Richin ri Achin Job 1:8

Xeri' ri Jehová xubij k'a chire: ¿Atz'eton ruk'aslen ri Job ri nusamajel? Rija' jun achin ri kan janila choj ri ruk'aslen y man jun achike ta itzel nilitej chirij. Rija' kan k'o nukiy chuwech y nuya' k'a nuq'ij. Chuqa' kan man jun chik ri achi'el ta rija' chuwech ri ruwach'ulew, xcha'.

Wuj Richin ri Isaías 25:9

Y chupan ri q'ij ri' xtiqabij: Ja qa-Dios re' kan jare' ri qoyoben y kan xqojrukol. Ja Jehová re' ri janila qoyoben, y roma ri' kan qojkikot k'a rik'in ri kolotajik ri xuya' chiqe, xqojcha'.

Wuj Richin ri Isaías 40:1

Ri Dios xuya' jun rutzijol chire ri Isaías, y xubij: Takuquba' kik'u'x ri awinaq ri e nutinamit.

Wuj Richin ri Miqueas 6:8

Ri Jehová kan ruq'alajirisan chik k'a chiqe ri utz ri k'o chi niqaben. ¿Achike k'a nrajo' chiqe roj? Rija' nrajo' k'a chi roj xaxe ta ri ruchojmilal ri niqaben. Nrajo' chi niqajoyowaj ta kiwech ri ch'aqa' chik winaqi', y rik'in qasanri'il niqanimaj rutzij ri Dios.

Wuj Richin ri Q'axanri'il 11:25

Y toq ri Jehová xqaqa-pe, kan chupan k'a ri sutz' peteneq-wi y xch'on rik'in ri Moisés. Xeri' ri Jehová xuya' chuqa' chike ri e oxk'al lajuj achi'a' ri Espíritu achi'el ri ruya'on chire ri Moisés. Jari' toq ri achi'a' ri' xebech'on-pe achi'el yech'on ri e q'alajirisey ruch'abel ri Dios. Jak'a xaxe jun bey ri keri' xkiben.

Wuj Richin ri Q'axanri'il 11:29

Jak'a ri Moisés xubij chire: ¿Achike roma niq'axon awánima roma re'? ¿Nach'ob rat chi xaxe yin ri yibanon re samaj re'? Jebel ta ri' wi ta ri Dios nuya' ta pe ri ru-Espíritu pa kiwi' konojel ri qawinaq chi nikiq'alajirisaj ri ruch'abel achi'el rije', xcha'.

Marcos 15:43

jun achin rubini'an José aj pa tinamit Arimatea, kan man jun xibinri'il chuwech xberuk'utuj chire ri Pilato ri ruch'akul ri Jesús richin numuq. Rija' janila k'a ruq'ij chikikojol ri yeq'aton-tzij pa komon, y chuqa' kan royoben-apo ri rajawaren ri Dios.

San Lucas 1:41

Toq ri Elisabet xrak'axaj ri ruq'ejelonik ri María, jari' toq ri ak'ual xropin janila, xuna' rija'. Ri Elisabet xnoj ri ránima rik'in ri Loq'olej Espíritu,

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

San Lucas 1:67

Ri Zacarías, kan nojineq k'a rik'in ri Loq'olej Espíritu, xubixaj rubi' ri Dios y xubij:

San Lucas 2:38

Chupan ri ramaj ri' rija' xok-apo y janila k'a xmatioxin chire ri Dios roma ri ak'ual ri'. Y xuchop k'a rutzijoxik chike ri winaqi' ri e oyobeyon richin ri xtikolon ri Jerusalem pa kiq'a' ri aj-Roma.

San Lucas 23:51

Y ri José jun chike ri koyoben chi ri Dios xtoruq'ata-qa tzij; rija' man xqa' ta chuwech ri xkibij ri rachibil ri xban chire ri Jesús.

Hechos 10:2

Ri Cornelio y ri e aj pa rachoch e ya'ol k'a ruq'ij ri Dios, y nikixibij k'a ki' yemakun chuwech. Y rija' kan jantape' k'a nich'on rik'in ri Dios, y kan k'iy k'a yerutola-wi ri winaqi' ri man jun k'o kik'in.

Hechos 10:22

Ri achi'a' xkibij k'a chire ri Pedro: Jun aj-raqen pa kiwi' jun tzobaj aj-labal rubini'an Cornelio oj rutaqon k'a pe chi'awoyoxik. Y re achin k'a re' jun achin choj ruk'aslen, jun achin ri nuxibij-ri' nimakun chuwech ri Dios. Konojel ri awinaq judío janila nikajo'. Y k'o k'a jun loq'olej ángel ri xoch'on rik'in, y re ángel re' xubij kan chire chi karoyoj rat, y trak'axaj ri achike xtabij chire. Roma ri' xojpe chi'awoyoxik, xecha'.

Hechos 2:5

Ri chiri' pa tinamit Jerusalem ri q'ij ri', e apowineq janila judío ri e peteneq pa ch'aqa' chik ruwach'ulew.

Hechos 24:16

Roma ri' yin kan nintej k'a nuq'ij chi man ninben ta ri itzel chuwech ri Dios y chikiwech chuqa' ri winaqi'. Keri' ri wánima kan utz wi k'a nuna'.

Deut 18:15

Ri Jehová ri qa-Dios xtuyek-pe chi'ikojol jun q'alajirisey ruch'abel rija', achi'el yin; y kan k'o chi xtinimex rutzij.

2 Pedro 1:21

roma kan ja ri Loq'olej Espíritu ri xbin chike ri k'o chi xkibij ojer kan, y man kiyon ta xkitz'uk-el.