San Lucas 16:9 - Kaqchiquel Bible

⁹ Yin ninbij k'a chiwe chi tikusaj ri beyomel richin re ruwach'ulew richin ye'ito' ri iwachibil. Richin keri' toq ri ibeyomel xtik'is, xkixk'ul k'a chila' chikaj chupan ri jay ri man jun bey xkek'is.

Tuilleadh tionndaidhean

Kaqchikel Santo Domingo (Xenacoj)

⁹ Y riyin nibꞌij chiwa chi tikusaj ri aj rochꞌulew bꞌeyomal chin ndibꞌen iwamígos chake ri wineq, chin keriꞌ atoq maneq chik bꞌeyomal pa iqꞌaꞌ, ekꞌo ngekꞌamo apu iwech chikaj chupan teq achoch ri ngekꞌojeꞌ chin jumul.

Kaqchikel Santa Maria de Jesus

⁹ Y inreꞌ niꞌej chiva: Ticusaj ri bꞌayomal richin ri roch-ulief, chi nquiꞌtoꞌ ri nicꞌatzin chi ncaꞌtoꞌx. Chi quireꞌ antok ri ibꞌayomal xtiqꞌuis, xtiꞌan recibir chupan ri jay ri man xcaꞌqꞌuis ta.

Kaqchikel Central Guatemala

⁹ Y yin ninbij c'a chive, xcha' ri Jesús. Q'uiy bey ri beyomel richin re ruvach'ulef, man utz ta rucusaxic niban coma ri vinek. Jac'a vi can pan ik'a' rix ri ralc'ual chic ri Dios c'o-vi re beyomel re', can ticusaj c'a richin chi ye'ito' ri nic'atzin quito'ic. Richin queri' tok ri ibeyomel xtiq'uis, xquixc'ul c'a ri chila' chicaj, chupan ri jay ri man jun bey xqueq'uis.

Re C'ac'a Testamento pa Kach'abal

⁹ Y yen nimbij chiva, xcha' re Jesús. Q'uiy bey re biyomal chin re ruch'ulef, man otz-ta rucusasic niban cha coma re vinak. Jac'a vo xa can pan ik'a' yex re yix rajc'ual chic re Dios c'o-va re biyomal re', can ticusaj chin che ye'to' re nic'atzin quito'ic. Chin quire' tak re ibiyomal xtiq'uis, xquixc'ul chila' chicaj, chupan re jay re man jun bey xque'q'uis.

Kaqchikel Western Solola

⁹ Y riyin nbij c'a chiwe chi can ticusaj ri beyomel riche (rixin) re ruwach'ulef, riche (rixin) chi ye'ito' ri nic'atzin quito'ic. Riche (rixin) chi queri' tek xtiq'uis ri ibeyomal, xquixc'ul c'a ri chila' chicaj, chupan ri jay ri can c'o riche (rixin) xtibe k'ij xtibe sek, xcha' ri Jesús.

San Lucas 16:9 Iomraidhean Croise

Wuj Richin Bix Chire ri Dios 73:26

Ri nuch'akul y ri wánima xa nik'is-qa kuchuq'a', jak'a rat Jehová naya' wuchuq'a' y jantape' k'a naya' ri nik'atzin chuwe.

Wuj Richin Etamabel-Tzij 14:24

Ronojel ri nikil ri winaqi' aj-na'oj, kan ja wi ri kina'oj niya'on chike; jak'a ri nikil ri maneq kina'oj, kan roma ri maneq kina'oj roma ri' jari' ri nikik'ul.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Wuj Richin Etamabel-Tzij 23:5

Roma wi rat kan natzu' k'a el beyomel chupan ri ak'aslen, toq natzu' yan chik, xa xbe yan; xa achi'el xek'oje-el ruxik', achi'el ri ruxik' ri kot, richin chi nej nibe chikaj.

Wuj Richin ri Molojri'il 11:1

Kan utz k'a ana'oj tabana' kik'in konojel, roma kan xtapon k'a jun q'ij kan k'o rajel ruk'exel xtak'ul.

Wuj Richin ri Isaías 57:16

Man chaq xtinya' ta rejqal ri nutinamit, ni man chaq xtinben ta oyowal kik'in ronojel mul. Wi keri' xtinben, xa xtimayamo-qa ri kánima ri winaqi' ri e nuk'iytisan yin.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

San Mateo 19:21

Y ri Jesús xubij k'a chire chi wi rija' nrajo' ruk'aslen tz'aqet, tiberuk'ayij kan ronojel ri k'o rik'in, y ri rajel tutaluj chikiwech ri winaqi' ri man jun k'o kik'in, richin keri' nik'oje' rubeyomel chila' chikaj. Y k'ari' tutzeqelibej ri Jesús.

San Mateo 6:19

Man k'a nimol ruchi' ri ibeyomel chuwech re ruwach'ulew, roma xa k'o nichikopirisan y k'o chuqa' ri pus ri nik'iso richin, y roma chuqa' xa ek'o eleq'oma' y nikileq'aj-el.

San Mateo 6:24

Man jun k'a loq'on samajel ri nitikir ta ri yerusamajij e ka'i' rajaw. Roma wi nrajo' ri jun, nretzelaj ri jun chik. Y wi kan janila nunimaj rutzij ri jun, man nunimaj ta rutzij ri jun chik. Keri' kan man xkixtikir ta k'a chi xtisamajij ri Dios y ri beyomel.

San Lucas 11:41

Rix toq k'o niya' chike ri man jun k'o kik'in, k'o chi nalex-pe rik'in jun iwánima ch'ajch'oj, richin keri' chuwech ri Dios ronojel ch'ajch'oj.

San Lucas 12:33

Tik'ayila' k'a ri k'o iwik'in y tiyala' chike ri winaqi' ri man jun k'o kik'in. Wi keri' niben, xtik'oje' jun iyakonabal chila' chikaj ri man jun bey xtiq'ey, y xtik'oje' chuqa' ibeyomel ri man jun bey xtik'is. Chila' chikaj man jun eleq'om, ni man jun chuqa' jut ri nichikopirisan.

San Lucas 14:14

Kan jebel k'a ruwa-aq'ij, roma re winaqi' re xe'awoyoj, man yetikir ta nikiya' rajel-ruk'exel chawe. Jak'a rat xtak'ul ri rajel-ruk'exel, toq junan xkak'astej-el kik'in ri chojmilej taq winaqi', xcha' ri Jesús.

San Lucas 16:11

Wi rik'in ri beyomel richin re ruwach'ulew, rix man utz ta niben, ¿xtijach kami ri qitzij beyomel pan iq'a'?

San Lucas 16:13

Man jun k'a samajel ri nitikir ta yerilij e ka'i' rajaw pa jun bey. Roma wi nrajo' jun chike ri rajaw, nretzelaj chik kan ri jun. Y wi kan nunimaj rutzij ri jun, man nitikir ta nuben keri' rik'in ri jun chik. Chuqa' man nitikir ta nibe ránima chirij ri beyomel, y nutzeqelibej chuqa' ri Dios, xcha' ri Jesús.

San Lucas 16:4

Wakami wetaman chik achike ri xtinben, richin keri' ek'o yek'ulu wichin ri pa taq kachoch, toq xtelesex nusamaj, xcha-qa.

Hechos 10:31

Y xubij k'a chuwe: Cornelio, ri Dios utz rak'axan ri ach'owen, y chuqa' kan qajineq chuwech chi ye'ato' ri winaqi' ri nik'atzin kito'ik.

Hechos 10:4

Ri Cornelio rutzuliben k'a ri ángel, y janila ruxibin-ri'. Y xuk'utuj chire ri achike nrajo'. Ri ángel xubij chire: Ri ach'owen rik'in ri Dios kan janila qajineq chuwech, y keri' chuqa' kan qajineq chuwech ri ye'ato' ri winaqi' ri nik'atzin kito'ik. Roma ri' rija' yarunataj-pe re wakami.

2 Corintios 4:17

Roma ri tijoj-poqonal ri niqak'owisaj, xa ti juba' ok y xa q'axel. Jak'a re' kan nuben chiqe chi nik'oje' qaq'ij-qak'ojlen ri xa kan más wi nim y man jun bey xtik'is.

Judas 1:21

Kan man tich'er kan iwi' chire ri ajowabel richin ri Dios. Y tiwoyobej k'a apo ri q'ij toq ri qajaw Jesucristo xtujoyowaj iwech y xtuya' ri ik'aslen man k'isel ta.