San Lucas 15:7 - Kaqchiquel Bible

⁷ Kan qitzij k'a ninbij chiwe, chi chila' chikaj k'o kikoten toq ek'o jumuch' belejlajuj winaqi' ri choj kik'aslen, ri man nik'atzin ta nitzolin chik pe kik'u'x rik'in ri Dios. Jak'a k'o más kikoten ri chila' chikaj, toq k'o jun ri man choj ta ruk'aslen, nitzolin-pe ruk'u'x rik'in ri Dios.

Tuilleadh tionndaidhean

Kaqchikel Santo Domingo (Xenacoj)

⁷ Kin qetzij nibꞌij chiwa chi ri ekꞌo chikaj más ngekikot roma jun aj mak ri nditzolij pe ránima rikꞌin ri Dios, ke koma 99 wineq ri pa kiwech rejeꞌ chojmilej chik kꞌaslen kikꞌuan y ma ndikꞌatzin ta nditzolij pe kánima rikꞌin ri Dios.

Kaqchikel Santa Maria de Jesus

⁷ Y can niꞌej chiva, chi can ncaꞌquicuot ri icꞌo chila chicaj antok cꞌo jun pecador nitzalaj-pa ránima riqꞌuin ri Dios y nuꞌon ri nrajoꞌ jajaꞌ, que chiquivach ri i-noventa y nueve vinak ri choj quicꞌaslien, ri ya xtzalaj-pa cánima riqꞌuin ri Dios y niquiꞌan ri nrajoꞌ jajaꞌ.

Kaqchikel Central Guatemala

⁷ Y can kitzij c'a ninbij chive, chi chila' chicaj c'o quicoten tok ec'o noventa y nueve vinek ri choj quic'aslen, ri xa tzolijinek chic pe quic'u'x riq'uin ri Dios. Pero c'o más quicoten ri chila' chicaj, tok c'o jun aj-mac ri nitzolin-pe ruc'u'x riq'uin ri Dios.

Re C'ac'a Testamento pa Kach'abal

⁷ Y can katzij nimbij chiva, che re jec'o chila' chicaj ye'qui'cot tak jec'o noventa y nueve vinak re choj quic'aslen, re jalatajnak chic quic'aslen chach re Dios. Pero más ye'qui'cot chila' chicaj, tak c'o jun aj-mac re nijalataj ruc'aslen chach re Dios.

Kaqchikel Western Solola

⁷ Can kitzij c'a nbij chiwe, chi chila' chicaj c'o más quicoten tek c'o jun aj mac ri nitzolin pe ruc'u'x riq'ui ri Dios que chiquiwech yec'o ta noventa y nueve ri choj quic'aslen, ri ma nic'atzin ta chique chi nitzolin pe quic'u'x riq'ui ri Dios.

San Lucas 15:7 Iomraidhean Croise

Wuj Richin Etamabel-Tzij 30:12

Ek'o sol winaqi' ri kan nikich'ob-qa chi jebel e ch'ajch'oj, y xa k'a man jani e ch'ajch'ojirisan ta chire ri tz'il k'aslen.

San Mateo 18:13

Wi xa ta nril-pe, rija' kan más nikikot ránima rik'in ri jun rukarne'l ri sachineq, ke chuwech nikikot kik'in ri kan ek'o kan.

San Mateo 3:8

Wi kan qitzij chi rix nitzolej-pe ik'u'x rik'in ri Dios, kan tiq'alajin k'a chupan ri ik'aslen.

San Lucas 15:10

Kan qitzij k'a ninbij chiwe, chi toq k'o jun ri man nutzeqelibej ta ri pixa' richin ri Moisés nitzolin-pe ruk'u'x rik'in ri Dios, k'o janila kikoten chikiwech ri ángel, xcha' ri Jesús.

San Lucas 15:29

Jak'a man xrajo' ta. Rija' xa xubij k'a chire ri rutata': Yin kan jantape' yisamej awik'in y man jun bey ri man ta nuniman atzij. Man rik'in ri', man jun ri aya'on ta chuwe, stape' ta jun ti tzuntzun, richin niqaben ta jun nimaq'ij kik'in ri wachibil.

San Lucas 15:32

Jak'a re achaq' re' kan kamineq chik chinuwech yin, y wakami achi'el k'astajineq chik pe chinuwech. Rusachon k'a el ri', y wakami xoqaqa chik qik'in. Roma ri' k'o k'a chi k'o nimaq'ij y kikoten pa taq qánima, xcha' ri tata'aj ri', xcha' ri Jesús.

San Lucas 15:6

Toq napon chirachoch, yeroyoj ri e rachibil y yeroyoj chuqa' ri e rachk'uljay, y nubij k'a chike: Kixkikot wik'in re wakami, roma ri nukarne'l ri sachineq kan, xinwil-pe, nicha'.

San Lucas 15:8

O wi k'o ta jun ixoq ri k'o lajuj méro*f27* rik'in, y chire ri lajuj nutzeq ta jun chiri' pa rachoch. Re ixoq re' kan nutzij jun q'aq' richin nukanoj ri ruméro, numes rupan ri rachoch y jebel k'a nukanoj k'a toq xtril na.

San Lucas 16:15

Roma ri' ri Jesús xubij chike: Rix kan nibananej chikiwech ri winaqi' chi kan janila ix choj. Jak'a ri Dios retaman achike ri k'o pan iwánima. Ri k'o janila rejqalen chuwech re ruwach'ulew, ri Dios kan nrixowaj.

San Lucas 5:32

Yin man xipe ta chikikanoxik ri winaqi' ri choj kik'aslen. Yin xipe chikikanoxik ri man choj ta kik'aslen richin nitzolej-pe kik'u'x, xcha'.

Romanos 7:9

Ri ojer kan, toq man jani q'axineq chinuwech ri pixa' ri', yin xinna' chi k'o nuk'aslen rik'in ri Dios. Jak'a ri q'ij toq xq'ax chinuwech ri nubij ri pixa', jari' toq xq'ax chinuwech chi k'o ri mak pa wánima,