San Lucas 15:4 - Kaqchiquel Bible

⁴ Wi ta jun chiwe rix ri ek'o ta wok'al rukarne'l y nisach ta kan jun toq e ruk'uan-el richin yeruyuq'uj, ¿man kami yeruya' ta kan ri ch'aqa' chik rukarne'l ri chiri' pa juyu' richin nibe chukanoxik ri jun, k'a toq xtril na pe?

Tuilleadh tionndaidhean

Kaqchikel Santo Domingo (Xenacoj)

⁴ Si jun chiwech rix ekꞌo 100 rukarneꞌl y ndisach e jun, ¿la ma ngeruyaꞌ ta kꞌa kan jubꞌaꞌ ri 99 pa qꞌas y nderukanoj ri sachineq, hasta kꞌa ndiril na?

Kaqchikel Santa Maria de Jesus

⁴ Xa ta jun chivach ixreꞌ icꞌo ta i-cien ru-ovejas y nisach ta can jun, ¿man ncaꞌruyaꞌ ta came can bꞌaꞌ ri i-noventa y nueve chireꞌ pa kꞌayis, y niꞌa chi nirucanuj-pa ri jun ri sachnak can, hasta cꞌa niril-na?

Kaqchikel Central Guatemala

⁴ Vi ta jun chive rix ri ec'o ta jun ciento rucarne'l y nisach ta can jun tok e ruc'uan-el richin yeruyuk'uj, ¿man cami yeruya' ta can juba' ri ch'aka' chic rucarne'l ri chiri' pa juyu', chucanoxic ri jun? Ja', queri' nuben.

Re C'ac'a Testamento pa Kach'abal

⁴ Tak jun chiva yex jec'o jun ciento ru-ovejas y nisatz-ta can jun tak je'ruc'uan-a, reja' can ye'ruya' can ba' re je noventa y nueve chire' pa juyu', y niba chucanoxic re jun satzanak can.

Kaqchikel Western Solola

⁴ Wi ta jun chiwe riyix ri yec'o ta jun ciento rucarne'l y nisach ta ca jun tek yeberuyuk'uj, ¿la ma yeruya' ta cami ca juba' ri nic'aj chic tak rucarne'l chiri' pa juyu', y nibe chucanoxic ri jun hasta que nril pe?

San Lucas 15:4 Iomraidhean Croise

Wuj Richin Bix Chire ri Dios 119:176

Yin kan xibiyin k'a achi'el jun karne'l ri sachineq. Jak'a rat Jehová kan kinakanoj yin ri in samajel, roma kan man numestan ta ri apixa'.

Wuj Richin ri Isaías 53:6

Chiqajujunal k'a roj xqaben ri xqa' chiqawech, achi'el ri taq karne'l ri kitalun-ki', y chikijujunal nikikanoj kibey. Jak'a ri Jehová xuya' pa tijoj-poqonal ri rusamajel roma re mak re'.

Wuj Richin ri Jeremías 33:13

Xkeq'ax chik jun bey ri taq karne'l pa ruq'a' ri yuq'unel richin yerajlaj chiri' pa taq tinamit ri ek'o chiri' chuwi' taq juyu', pa taq kixikin ri taq juyu', pa xokon chire ri Judá, pa ruwach'ulew ri Benjamín, chunaqaj ri Jerusalem y pa taq tinamit richin Judá, xcha' ri Jehová.

Wuj Richin ri Jeremías 50:6

Rix nutinamit xa ix achi'el karne'l ri ix sachineq, roma ri aj-raqen xa xixkitaluj kan achi'el nuben jun yuq'unel ri yerutaluj kan ri rukarne'l. Rije' xkiya' q'ij chiwe chi xixsach kan pa taq juyu'. Xixel-el pa juyu' y kan ximestaj kan ri iqejoj.

Ez 34:16

Xkenkanoj k'a ri e sachineq, xkenwaq'omaj ri e sokotajineq y xkento' ri maneq kuchuq'a'. Kan xkenchajij k'a ri nuwinaq pa ruchojmilal. Jak'a ri k'o kuchuq'a' y e ti'oj kan xkenk'is.

Ez 34:31

Yin ri i-Dios xkixinchajij k'a achi'el nuben jun yuq'unel kik'in ri rukarne'l. Yin Jehová ri ink'o pa ruwi' ronojel ri yibin, xcha'.

Ez 34:4

Rix man ye'ibochi'ij ta, achi'el ri yuq'unel ri man yeruto' ta juba' ri taq karne'l ri maneq kuchuq'a', ni man yeraq'omaj ta juba' ri taq e yawa'i' ni man nupis ta juba' kaqen toq e q'ajineq y ni man yerukanoj ta ri yesach kan. Keri' rix kan e iya'on pa poqon.

Ez 34:8

Yin Jehová ninbij chi xepe yan jalajoj kiwech e etzelanel wichin richin xekik'is yan ri nuwinaq, achi'el ri k'uxunela' taq chikopi' ri ye'uk'uan-el ri karne'l. Chuqa' xa iyon rix ichajin-qa-iwi' y man e ichajin ta rije'.

San Mateo 12:11

Ri Jesús xubij chike: ¿K'o ta kami jun chiwe rix ri k'o ta jun rukarne'l y nitzaq ta pa jun jul chupan jun uxlanibel-q'ij, y nuya' ta kan chiri' y man ta nrelesaj?

San Lucas 13:15

Jak'a ri Jesús xubij: Rat xa ka'i' apalej. ¿Man ye'isol ta kami el ri iwákix, y ri bur pa jun uxlanibel-q'ij, richin yebe'uk'ya'?

San Lucas 15:3

Roma ri' ri Jesús xuchop k'a rubixik jun k'ambel-tzij chikiwech, y xubij:

San Lucas 19:10

Roma yin, ri xiqaqa-pe achi'el wineq chi'ikojol, kan in peteneq-wi chikikolik y chikikanoxik ri e sachinaqi', xcha' ri Jesús.

Romanos 2:1

Roma ri' kan man yixtikir ta nibij chi maneq imak, roma xa yixch'on chikij ch'aqa' chik winaqi' y nibij chi man utz ta ri kibanobal ri yebanon mak ri keri'. Jak'a rix xa kan keri' chuqa' niben, y roma ri' xa iyon niya-iwi' pa k'ayew.

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.