San Lucas 14:12 - Kaqchiquel Bible

¹² Ri Jesús xubij k'a chuqa' chire ri xoyon richin: Toq nawajo' k'a chi k'o yepe awik'in richin jun wa'in, man k'a ke'awoyoj xaxe ri kan e awachibil, ni ri ach'alalri'il ri e awichin rat y ni ri e awachk'uljay ri e beyoma', roma rije' kan yetikir chuqa' yatkoyoj richin jun wa'in ri pa kachoch, y rik'in ri' nak'ul yan el ri rajel-ruk'exel.

Tuilleadh tionndaidhean

Kaqchikel Santo Domingo (Xenacoj)

¹² Y ri Jesús xubꞌij chuqaꞌ chare ri xoyon richin pa waꞌin: Atoq ndabꞌen rukꞌojlen jun yalan chi rikil chin ndasipaj, ma kaꞌawoyoj ri awachibꞌil, nixta ri achaqꞌ-animal, nixta ri awoxpochel, nixta ri bꞌeyomaꞌ teq a-vecinos, ma kꞌateꞌ rejeꞌ chuqaꞌ xkatikoyoj pa jun nimaqꞌij xtikibꞌen chikachoch y xa ndikitzolij rajel-rukꞌexel chawa ri xayaꞌ rat chake.

Kaqchikel Santa Maria de Jesus

¹² Y ri Jesús xuꞌej jeꞌ cha ri xbꞌano invitar richin: Antok naꞌan jun vaꞌen, man caꞌan invitar joꞌc ri av-amigos, ri atie-atataꞌ, ri i-avachꞌalal, y ri a-vacínix ri i-bꞌayomaꞌ, ruma ijejeꞌ ncaꞌtiquir jeꞌ ncatquiꞌan invitar atreꞌ, y riqꞌuin reꞌ niyoꞌx chava rucꞌaxiel.

Kaqchikel Central Guatemala

¹² Y ri Jesús xubij c'a chuka' chire ri xoyon richin: Tok navajo' c'a chi c'o yepe aviq'uin richin jun va'in, man c'a que'avoyoj xaxe ri avachibil, ri ate-atata', conojel ri e avach'alal, y ri a-vecinos ri e beyoma', roma rije' can yetiquir chuka' yatcoyoj richin jun va'in ri pa cachoch, y riq'uin ri' nac'ul yan el ri rajel-ruq'uexel.

Re C'ac'a Testamento pa Kach'abal

¹² Y re Jesús xubij chuka' cha re xbano invitar richin: Tak rat najo' ya'ban invitar vinak chin jun va'in, man c'a ca'ban invitar xaxe re itaman ivach quiq'uin, re ate-arta', conojel re je avch'alal, y re a-vecinos re je biyoma', roma reje' can ye'tiquir chuka' yatquiban invitar chin jun va'in pa cachoch, y riq'uin re' nik'alajin che can cha'nin niquitzolij rajal-ruq'uixel chava.

Kaqchikel Western Solola

¹² Y ri Jesús xubij c'a chuka' chare ri xsiq'uin (xoyon) riche (rixin): Tek nawajo' c'a chi c'o yepe awuq'ui riche (rixin) chi noquibana' jun wa'in, ma xaxu (xaxe) ta wi ri awachibil, ri ate' atata', ri ye awach'alal, y ri avecinos ri ye beyoma' ri ye'asiq'uij (ye'awoyoj), ruma chi riye' xa can yecowin chuka' yatquisiq'uij (yatcoyoj) riyit pa jun wa'in pa cachoch, y riq'ui ri' xa can xtiquiya' yan el ri rajel ruq'uexel chawe.

San Lucas 14:12 Iomraidhean Croise

Wuj Richin Etamabel-Tzij 14:20

Ri wineq ri kan man jun ok k'o rik'in, kan itzel nitz'et koma ri e rachk'uljay; jak'a ri beyom kan utz nitz'et koma konojel.

Wuj Richin Etamabel-Tzij 22:16

Ri wineq ri kan k'o ri nutz'oq chuwi-kiq'a' ri xa man jun ok k'o kik'in, xaxe richin chi rija' nibeyomer, y rija' k'o chi nutoj chire jun wineq más beyom, rija' xa nik'oje' chuqa' kan pa meba'il.

San Mateo 5:46

Wi rix ye'iwajo' xaxe ri ye'ajowan iwichin, xa man jun rajel-ruk'exel xtik'ul, roma ri keri' xa kan kibanobal chuqa' ri e itzel taq moloy méro ri k'o chi nitoj chire ri rey aj-Roma.

San Lucas 1:53

Ri yewayjan, kan xuya' k'a ronojel ri nik'atzin chike, jak'a ri beyoma' xa choj keri' xeruteq-el.

San Lucas 1:58

Toq ri e rachk'uljay y ri e rach'alal xkak'axaj chi ri Dios xuya' ri rutzil pa ruwi' y xujoyowaj ruwech, kan janila xekikot rik'in.

San Lucas 14:11

Roma ri', ri nikinimirisaj-ki', xa xtiqasex kiq'ij. Jak'a ri kan ruqasan-ri', xtinimirisex ruq'ij, xcha' ri Jesús.

San Lucas 14:13

Jak'a rat, toq k'o jun nimaq'ij pan awachoch, ke'awoyoj k'a ri winaqi' ri man jun k'o kik'in, ri winaqi' ri maneq kiq'a', ri e jetz' y ri e moyi'.

2 Corintios 6:13

Roma ri' yixinpixabaj achi'el ta kan ix walk'ual, y ninbij k'a chiwe chi tinimirisaj ri iwánima chiqajowaxik roj.