San Lucas 13:19 - Kaqchiquel Bible

¹⁹ Yin ninbij k'a chi junan rik'in ri ija'tz ri richin ri mostaza, ri xutik-qa jun achin ri pa rulew. Toq xk'iy-q'anej kan achi'el jun che' xuben, kan janila xnimer. Roma ri' ri aj-xik' taq chikopi', ye'apon chupan richin nikiben kisok ri pa taq ruq'a', xcha'.

Tuilleadh tionndaidhean

Kaqchikel Santo Domingo (Xenacoj)

¹⁹ Nijunumaj rikꞌin jun semilla mostaza ri xutik jun achi pa ruqejoj, xkꞌiy y xok pe nim cheꞌ, y ri aj xikꞌ teq chikap xkibꞌen kisok chi teq ruqꞌaꞌ.

Kaqchikel Santa Maria de Jesus

¹⁹ Xa junan riqꞌuin ri ijaꞌtz richin ri mostaza ri xutic can jun ache pa rulief. Antok xqꞌuiy, can incheꞌl jun nem chieꞌ xuꞌon y ri chicop ri cꞌo quixicꞌ niquiꞌan quisuoc chukꞌaꞌ.

Kaqchikel Central Guatemala

¹⁹ Yin ninbij c'a chi junan riq'uin ri ija'tz ri richin ri mostaza ri nutic can jun achin ri pa rulef. Tok niq'uiy, can achi'el jun ti che' nitzu'un, can janíla nim. Romari' tok ri aj-xic' tak chicop ri yebe pa cak'ik', ye'apon chupan richin niquiben quisoc ri pa tak ruk'a'.

Re C'ac'a Testamento pa Kach'abal

¹⁹ Yen nimbij che junan riq'uin re semilla chin re mostaza re nutic jun ache pa rujuyu'. Tak niq'uiy, can ancha'l jun nema-che' nuban. Mare' re chicop c'o quixic' re ye'ba pa cak'ik', ye'bapon pa rue' y niquibanala' quisoc pa tak ruk'a'.

Kaqchikel Western Solola

¹⁹ Riyin nbij c'a chi junan riq'ui ri ija'tz riche (rixin) ri mostaza ri nutic ka jun achi pa rulef. Tek niq'uiy, can achi'el jun ti alaj che' nuben. Rumari' ri aj xic' tak chicop ri yebe pa cak'ik', niquibanala' quisoc pa tak ruk'a'.

San Lucas 13:19 Iomraidhean Croise

Wuj Richin ri Nimalej Bix 4:12

Rat, wajowanel, kan janila at jebel ok, achi'el jun qejoj ri jebel k'ojon rij, ri kan xaxe wichin yin. Kan at achi'el jun alaxibel-ya' ri ch'aron xaxe wichin yin; chuqa' kan achi'el jun pozo ri kan xaxe wichin yin.

Wuj Richin ri Nimalej Bix 4:16

K'ate' ta ri kaq'iq' nipe kere' pa xaman. K'ate' ta ri kaq'iq' nipe kere' pa xokon, richin nuxupuj ri nuqejoj y nutaluj wawe' ri jubulej waq'om. Katanpe k'a wajowanel yin, katanpe chupan ri aqejoj, richin natej ronojel.

Wuj Richin ri Nimalej Bix 6:2

Ri wajowanel xa k'o wawe' wik'in, roma kan ja yin ri achi'el ruqejoj ri janila jubul. Kan k'o k'a wawe' chupan ri ruqejoj, richin yerumol kotz'i'j lirio.

Wuj Richin ri Nimalej Bix 8:13

Rat, wajowanel ri atk'o chupan ri qejoj, ri qachibil kan nikak'axaj ri ach'abel. Taya' k'a q'ij chuwe richin yin chuqa' ninwak'axaj ri ach'abel.

Wuj Richin ri Isaías 53:1

Chupan ri q'ij ri' ri winaqi' xtikibij: ¿Achike ta k'a xtiniman re niqabij? ¿Y achoq pa ruwi' xq'alajin-wi ri ruchuq'a' ri Jehová?

Wuj Richin ri Isaías 53:10

Man rik'in ri' ri Jehová kan xuya' pa k'ayew, y xuben chire chi xtz'ilox. Y ri Jehová xuben chire chi xkamisex achi'el jun kamelabel richin nikuyutej ri qamak. Y rija' xkerutz'et k'a ri e rijatzul, y xtik'ase' richin jantape'. Y keri' k'a ri ruch'obonik ri Jehová kan xtibanatej roma rija', xkecha'.

Wuj Richin ri Isaías 58:11

Yin xkixinyuqej beneq ruwech, y stape' rix ix beneq pa tz'iran ruwach'ulew, kan xtinya' iway pa ruk'iyal. Chuqa' kan xtinya' jebel iwuchuq'a', y kan xtinben chiwe achi'el jun qejoj ri jebel ya'an, chuqa' achi'el jun alaxibel-ya' akuchi jantape' k'o ya'.

Wuj Richin ri Isaías 61:11

Ri Jehová xtuben chi kan xtibek'ulun-pe ri ruchojmilal, y kan xtinimirisex k'a ruq'ij rija' chikiwech konojel ri tzobaj winaqi', achi'el ri ulew toq nel-pe q'ayis chuwech, y ri qejoj ri kan yebebos-pe ri ija'tz ri e tikon-qa chupan.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Wuj Richin ri Jeremías 31:12

Rije' xkepe k'a pa tinamit Sión, rik'in jun raqoj-chi'ij richin kikoten y kan xkekikot k'a rik'in ri pa ruk'iyal ri xtinya' chike: Ri jalajoj ruwech ixin, ri vino, ri aceite y ri kokoj y nima'q taq awej. Y ronojel utz xtel chikiwech achi'el jun qejoj ri jebel ya'an. Y man jun bey chik k'a xtik'is kuchuq'a'.

Ez 31:6

Y jalajoj k'a kiwech aj-xik' taq chikopi' ri xkiben kisok pa taq ruq'a'; y jalajoj kiwech chikopi' ri ek'o pa k'echelaj ri xe'alan chuxe' ri che' ri', y chuxe' ri rumujal kan e k'iy k'a tzobaj winaqi' xek'oje'.

Dn 4:12

Kan e jebel ok ri ruxaq y kan janila k'iy ruwech. Y ri chikopi' richin pa juyu' kan ye'uxlan pa rumujal y ri pa taq ruq'a' e kibanalon kisok ri aj-xik' taq chikopi'. Ri ruwech ri che' ri' jari' ri nitzuqun kichin konojel ri ek'o chuwech re ruwach'ulew.

Dn 4:21

ri kan jebel rubanon ri ruxaq y kan pa ruk'iyal ri ruwech k'o, ri kan nitikir yerutzuq konojel y ri achoq chuxe' yemujan-wi ri chikopi' richin pa q'ayis, y ri pa taq ruq'a' kibanalon kisok ri taq aj-xik' chikopi';

Wuj Richin ri Zacarías 2:11

Toq xtibanatej ronojel re', kan e k'iy k'a ruwach'ulew xtijunamatej-kiwech wik'in yin richin xke'ok nuwinaq. Y yin xkik'oje' k'a chi'ikojol. Richin keri' xtiq'ax k'a chiwech chi ja ri Jehová k'iytisanel richin ronojel ri in taqayon-pe richin xipe iwik'in.

San Mateo 17:20

Roma ri' ri Jesús xubij chike: Man xixtikir ta xiwelesaj roma ri ikuqubabel-k'u'x rik'in ri Dios xa ti juba' ok. Kan qitzij k'a ninbij chiwe chi xa ta k'o kuqubabel k'u'x iwik'in, stape' achi'el ta ti rubanik jun ti ija'tz richin mostaza, xa rik'in ri', yixtikir ta niben chire re jun juyu' re' chi tel-el wawe' y tiq'ax kela', y kan man ta k'ayew nuben chiwech,

Marcos 4:30

Ri Jesús xubij chuqa': ¿Achoq ik'in k'a yojtikir niqajunamaj-wi ri rajawaren ri Dios? ¿Achike ta k'a k'ambel-tzij niqakusaj richin niqaq'alajirisaj?

San Lucas 17:6

Roma ri' ri Jesús xubij chike: Wi rix kan ikuquban ik'u'x rik'in ri Dios, stape' ta ri ikuqubabel-k'u'x xa achi'el ok jun ti ija'tz richin ri mostaza; rix kan yixtikir ta nibij chire la che' la' chi tel-el la akuchi tikil-wi, y tibetike' chupan ri palou; y la che' la' kan nunimaj-wi itzij.

Hechos 2:41

Ri winaqi' k'a ri xek'ulun ri ruch'abel ri Dios pa taq kánima chupan ri q'ij ri', xqasex-ya' pa kiwi' richin jun retal. Keri' chupan ri q'ij ri' e jun la'eq 3,000 winaqi' ri xjunamatej-kiwech rik'in ri Pedro y kik'in ri ch'aqa' chik ri e taqon roma ri Cristo.

Hechos 21:20

Toq xkak'axaj ri xubij ri Pablo chike, rije' xkiya' k'a ruq'ij-ruk'ojlen ri Dios roma ri'. Jak'a rije' xkibij chire ri Pablo: Qach'alal, janila k'a nikikot ri qánima roma ri xatzijoj-qa chiqe, jak'a ek'o man keri' ta. Rat kan awetaman chik k'a chi e janila e k'iy judío ri kiniman chik, y ja rije' k'a ri yebin chi kan nik'atzin chi niban ri nubij chupan ri pixa' ri richin kan ri Moisés.

Hechos 4:4

Kan e k'iy k'a chike ri winaqi' xeniman ri ruch'abel ri Dios. Roma ri' ri kajlabal ri achi'a' ri kikuquban kik'u'x rik'in ri Cristo xapon la'eq jun 5,000.

Romanos 15:19

Y xekitz'et k'a chuqa' ri meyel taq banobel ri xenben roma ri Loq'olej Espíritu. Yin kan xintzijoj yan k'a ri utzilej ch'abel richin kolotajik; nitiker-el pa Jerusalem y xapon yan k'a pa tinamit Iliria.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.