San Lucas 13:11 - Kaqchiquel Bible

¹¹ Chikikojol ri winaqi' ri', k'o k'a jun ixoq ri k'o yan waqxaqlajuj juna' ruchapon-pe yabil. Re ixoq k'a re' lukulik rubanon roma jun itzel espíritu y kan man nitikir ta nipa'e' juba' choj.

Tuilleadh tionndaidhean

Kaqchikel Santo Domingo (Xenacoj)

¹¹ Y chiriꞌ kꞌo apu jun ixaq, ri ja 18 junaꞌ tiyawej pe roma jun itzel espíritu tzꞌamayon richin. Romariꞌ, re ixaq reꞌ, jumul wuqꞌuwik y ma nditiker ta nduchojmirisaj pe ri ru-cuerpo.

Kaqchikel Santa Maria de Jesus

¹¹ Y chiquicajol ri vinak ri quimaluon-quiꞌ chireꞌ, cꞌo jun ixok ri cꞌo dieciocho junaꞌ tiyavaj-pa. Ri ixok reꞌ luculic rij, y man nitiquir ta nipiꞌieꞌ choj. Ri ixok quireꞌ rubꞌanun ruma jun itziel espíritu bꞌanayuon cha.

Kaqchikel Central Guatemala

¹¹ Y chiquicojol ri vinek ri quimolon-qui' ri chiri', c'o c'a jun ixok ri c'o yan vakxaklajuj juna' ruchapon-pe yabil. Re ixok c'a re' luculic, y can man nitiquir ta nipa'e' juba' choj. Re ixok re' ruc'ulvachin c'a quere' roma jun itzel espíritu.

Re C'ac'a Testamento pa Kach'abal

¹¹ Y chiquicojol re vinak re quimalon-qui' chire', c'o jun ixok dieciocho juna' tiyavaj-va, re ruyabil re ixok re' ja re luculic rij rubanon, y cama-va nitiquir-ta nipa'e' ba' choj. Re ixok re' jun itzel espíritu banayon cha, mare' quire' rubanon.

Kaqchikel Western Solola

¹¹ Y chiquicojol ri winek ri quimolon qui' ri chiri', c'o c'a jun ixok ri c'o chic wakxaklajuj juna' ruchapon pe yabil. Ri ixok c'a ri' luculic rij, y can ma nicowin ta nipa'e' choj. Ri ixok ri' ruc'ulwachin c'a queri' ruma jun itzel espíritu.

San Lucas 13:11 Iomraidhean Croise

Wuj Richin ri Achin Job 2:7

Ri Satanás xel k'a el chiri' rik'in ri Jehová, y kan xuya' k'a pa tijoj-poqonal ri Job y xuya' k'a ch'a'k chirij chijun ruch'akul ri janila ruchikopil.

Wuj Richin Bix Chire ri Dios 145:14

Rat Jehová kan ye'atemej k'a ri yetzaq yan qa; kan ye'ayek k'a ri e k'ayewatajineq.

Wuj Richin Bix Chire ri Dios 146:8

Ri Jehová kan nuben chike ri e moyi' chi yetzu'un. Kan yeruyek k'a ri e tzaqineq. Kan yerajo' k'a ri choj kik'aslen.

Wuj Richin Bix Chire ri Dios 38:6

Kan chijun k'a q'ij yibison, y man yitikir ta ninyek-q'anej ri nujolon roma ri nuq'axo'n.

Wuj Richin Bix Chire ri Dios 42:5

¿Achike roma yimayamo' yan qa? ¿Achike roma janila yibison? Yin kan nukuquban nuk'u'x rik'in ri Dios, y kan beneq ruwech xtinya' ruq'ij, roma rija' nukolonel y nu-Dios yin.

Wuj Richin Bix Chire ri Dios 6:2

Tajoyowaj nuwech, Jehová, roma kan maneq chik wuchuq'a'. Kinawaq'omaj, roma ri nuq'axo'n napon k'a chupan ri nubaqil.

San Mateo 4:23

Ri Jesús kan pa ronojel k'a tinamit richin ri Galilea xapowiyaj-wi, yerutijoj k'a ri winaqi' rik'in ri ruch'abel ri Dios ri pa taq jay richin molojri'il, akuchi nikak'axaj ri ruch'abel ri Dios. Y chuqa' nutzijoj ri utzilej ruch'abel ri Dios ri nich'on chirij ri ajawaren. Yeruk'achojirisala' k'a yawa'i' ri jalajoj chi yabilal y q'axo'n nok chike.

Marcos 9:21

K'ari' ri Jesús xuk'utuj k'a chire ri tata'aj chi janipe' ruk'uluwachin-pe kere' re ala'. Y ri tata'aj xubij: Kan k'a ko'ol toq ruchapon-pe.

San Lucas 13:12

Jak'a toq ri Jesús xutz'et ri ixoq ri', xroyoj y xubij chire: Ixoq, wakami yakolotej chuwech ri yabil, xcha'.

San Lucas 13:16

K'a ta la' chik k'a re jun ixoq re', ri kan rijatzul kan ri Abraham, ri k'o yan waqxaqlajuj juna' ri jitz'on-pe roma ri Itzel-Wineq. ¿Man ruk'amon ta kami chi nik'achojirisex chupan re uxlanibel-q'ij?, xcha'.

San Lucas 21:28

Toq xtitz'et chi ronojel re' yek'uluwachitej chik, kixkikot y tik'oje-el iwuchuq'a', roma kan napon yan ri q'ij richin yixkolotej-el, xcha' ri Jesús.

San Lucas 8:2

Ek'o chuqa' ka'i-oxi' ixoqi' ri e tzeqetel-el chirij ri Jesús. Jujun chike re ixoqi' re', jare' ri e ruk'achojirisan y relesalon itzel taq espíritu kik'in. Chikikojol k'a re ixoqi' re' beneq ri María, ri nibix chuqa' aj-Magdala chire. Rik'in k'a re ixoq re' xe'elesex e wuqu' itzel taq espíritu.

San Lucas 8:27

Toq ri Jesús xqaqa kan chupan ri barco, xapon jun achin aj pa jun tinamit chikinaqaj rije', ri kan k'o yan chik k'iy q'ij ek'o-pe itzel taq espíritu rik'in. Maneq rutziaq rukusan, ni man nik'oje' ta pa rachoch. Xa ja ri akuchi e muqun-wi kaminaqi', jari' ri okineq rachoch.

San Lucas 8:43

Chikikojol k'a ri winaqi', beneq jun ixoq yawa'. Re ixoq re' k'o yan kablajuj juna' nibiyin rukik'el, y man tanel ta. Xuk'is yan k'a ronojel ruméro, roma beneq chik kik'in k'iy aq'omanela', jak'a man jun chike ri aq'omanela' tikirineq ta raq'oman.

Hechos 3:2

Y keri' xe'apon chuchi' ri rachoch ri Dios chiri' pan okibel ri rubini'an Jebel Ok Nitzu'un. Y ronojel k'a q'ij k'o ri yebeya'on kan jun achin k'utuy-méro chike ri winaqi' ri ye'ok-apo ri chiri'. Re jun achin re' kan pa ralaxik k'a pe ri man tikirineq ta biyineq.

Hechos 4:22

Y ri achin ri xk'achojirisex, más yan kawineq rujuna'.