San Lucas 12:5 - Kaqchiquel Bible

⁵ Ninbij k'a chiwe achoq chuwech ruk'amon chi nixibij-iwi': Tixibij-iwi' chuwech ri man xaxe ta ri ch'akulaj nukamisaj, jak'a chirij ri' xa kan k'o chuqa' uchuq'a' rik'in richin nitikir yixruteq pa q'aq' richin jantape'. Kan tixibij k'a iwi' chuwech ri nibanon keri'.

Tuilleadh tionndaidhean

Kaqchikel Santo Domingo (Xenacoj)

⁵ Riyin nibꞌij chiwa achoq chuwech ndikꞌatzin ndixibꞌij iwiꞌ: Tixibꞌij iwiꞌ chuwech ri Dios, porque rijaꞌ atoq xukꞌen yan e ri ikꞌaslen, kꞌo chuqaꞌ uchuqꞌaꞌ pa ruqꞌaꞌ chin ngixruteq pa qꞌaqꞌ. Jaꞌn, kin chuwech rijaꞌ tixibꞌij iwiꞌ.

Kaqchikel Santa Maria de Jesus

⁵ Pero niꞌej chiva choj choch nicꞌatzin chi ntixiꞌij-iviꞌ: Tixiꞌij-iviꞌ choch ri Jun ri nuquimisaj ri i-cuerpo y cꞌo ru-poder chi nquixrutak pan infierno. Choch reꞌ tixiꞌij-iviꞌ.

Kaqchikel Central Guatemala

⁵ Y ninbij c'a chive achok chuvech ruc'amon chi nixibij-ivi': Tixibij-ivi' chuvech ri jun ri can nitiquir yixrutek pa k'ak', y man xe ta ri ch'aculaj nucamisaj. Can tixibij c'a ivi' chuvech ri nibanon queri'.

Re C'ac'a Testamento pa Kach'abal

⁵ Y nimbij chiva anchok chach ruc'amon che nixibij-ivi', y re' ja chach re jun re c'o autoridad pa ruk'a' che man xe-ta yixruquimisaj, reja' can nitiquir yixrutak pan infierno. Ja chach re' tixibij-va-ivi'.

Kaqchikel Western Solola

⁵ Y nbij c'a chiwe achoj chuwech ri ruc'amon chi nixibij wi iwi': Tixibij iwi' chuwech ri jun ri can nicowin nucamisaj ri ch'aculaj y nicowin yixrutek pa k'ak'. Can chuwech c'a ri' tixibij wi iwi'.

San Lucas 12:5 Iomraidhean Croise

Wuj Richin Bix Chire ri Dios 9:17

Ri e banoy taq etzelal xa xke'apon chupan ri jul richin muqbel, ri maneq Dios chikiwech xa chupan k'a ri tojbel-mak xkebe-wi.

Wuj Richin Etamabel-Tzij 14:26

Ri wineq ri kan k'o rukiy ri Dios chuwech, kan xtril-wi ruchuq'a'; y ri ralk'ual rija' kan xtikil-wi ri chajinik richin ri Dios.

Wuj Richin ri Jeremías 10:7

Kan konojel k'o chi nik'oje' akiy chikiwech roma rat ri at rey pa kiwi' konojel tzobaj winaqi'. Roma ri' xaxe rat ruk'amon chi nik'oje' akiy. Y chikikojol konojel aj-na'oj richin chijun ruwach'ulew, kan man jun chik achi'el rat.

Wuj Richin ri Jeremías 41:18

Rije' xe'animej chikiwech ri aj-Babilonia roma kan janila nikixibij-ki' chikiwech, roma ri Ismael xukamisaj ri Guedalías. Y ja ri rey richin Babilonia ri xya'on kan richin nuq'et-tzij pa ruwi' ri kiruwach'ulew Judá.

Wuj Richin ri Jeremías 5:22

¿Kan man nixibij ta k'a iwi' chinuwech?, nubij ri Jehová. ¿Kan man yixbaybot ta k'a chinuwech yin, ri xinya' ri sanayi' richin ruk'ulba't ri palou, jun k'ulba't ri man nitikir ta nuq'axaj ri ya'? Xtibolqo't k'a ri ruwi' ri ya', jak'a xa xtik'is-qa; kan xtiwajin, jak'a man xtiq'ax ta chire ri ruk'ulba't. Yin Jehová ri yibin.

San Mateo 10:28

Man k'a tixibij-iwi' chikiwech ri xaxe ok ri ch'akulaj ri yetikir nikikamisaj, jak'a chire ri iwánima xa kan man jun yetikir nikiben. Jak'a kan ruk'amon-wi chi tik'oje' rukiy ri Dios chiwech roma kan nitikir nuya' pa tijoj-poqonal ri iwánima y ri ich'akul chupan ri q'aq' richin jantape'.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

San Mateo 25:46

Y ri winaqi' ri' kan xkebe-wi k'a pa tijoj-poqonal richin jantape'. Jak'a ri chojmilej taq winaqi' xtikil k'a jun k'aslen ri man k'isel ta. Keri' k'a ri ch'abel ri xubij ri Jesús.

San Mateo 5:22

Jak'a yin ninbij chi wi k'o ta jun ri, stape' ta xaxe royowal ri nipe chire jun wineq, kan nimakun-wi y kan k'o chi tiq'at-tzij pa ruwi'. Chuqa' ri nibin chire jun chik wineq chi maneq runa'oj; ri nibin keri', kan aj-mak chuqa', roma ri' kan ruk'amon chi nuk'uex chikiwech ri achi'a' ri pa komon yeq'aton-tzij richin chi niq'at-tzij pa ruwi'. Y xabachike k'a ri nibin nakanik chire jun chik wineq, ri' xa kan oyoben chik roma ri q'aq'.

Marcos 13:23

Jak'a rix kan tichajij-iwi', richin chi man yixq'olotej, roma xa kan ja yan k'a re' ri xinbij kan chiwe.

1 Tesalonicenses 4:6

Man tiq'ol jun chike ri qach'alal richin yixk'oje' rik'in ri rixjayil. Roma wi keri' niben, ri Dios xtuya' ruk'ayewal pan iwi'. Kere' xqabij chiwe toq xojk'oje' iwik'in.

Hebreos 10:31

¡Kan nimalej ruk'ayewal chire ri wineq wi niqaqa pa ruq'a' ri k'aslik Dios!

2 Pedro 2:4

Roma ri Dios, ni ri ángel man xerukoch' ta toq xemakun. Xa xeruk'eq k'a akuchi k'o-wi ri tijoj-poqonal y ri q'equ'm. Y wakami chiri' e yakel-wi, koyoben ri q'ij toq xtiq'at-tzij pa kiwi'.

Apocalipsis 14:7

Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Apocalipsis 20:14

Chirij ri' ri kamik y ri akuchi yemuq-wi ri kaminaqi' xek'aq chupan ri achi'el choy ri k'o q'aq' xolon rik'in chuwilej-abej chupan. Y ri q'aq' ri' ja ri' ri ruka'n kamik.