San Lucas 11:9 - Kaqchiquel Bible

⁹ Yin ninbij k'a chiwe rix, chi tik'utuj ri nik'atzin chiwe y ri Dios xtuya-pe. Tikanoj y xtiwil ri niwajo'. Tik'osk'a' ri ruchi-jay y yixak'axex-pe.

Tuilleadh tionndaidhean

Kaqchikel Santo Domingo (Xenacoj)

⁹ Y riyin nibꞌij chiwa: Ma tiyaꞌ kan rukꞌutuxik ri ndikꞌutuj y kin xtiyoꞌox chiwa, tikanoj ri ndiwojoꞌ y kin xtiwil, kixkꞌujkꞌut apu chi puerta y kin xtijaq pe chiwech.

Kaqchikel Santa Maria de Jesus

⁹ Y inreꞌ niꞌej chiva ixreꞌ: Ticꞌutuj cha ri Dios ri nicꞌatzin chiva y jajaꞌ xtuya-pa chiva. Ticanuj y xtivil ri ntivajoꞌ. Ticꞌoscꞌa-apa ri ruchi-jay y xtijak chivach.

Kaqchikel Central Guatemala

⁹ Y yin ninbij c'a chive rix, xcha' ri Jesús. Tibana' c'a achi'el ri xuben ri achin ri xbec'utun vey. Tic'utuj ri nic'atzin chive y ri Dios xtuya-pe chive. Ticanoj y xtivil ri nivajo'. Tibana' c'a tocar ri ruchi-jay y yixac'axex-pe.

Re C'ac'a Testamento pa Kach'abal

⁹ Y yen nimbij chiva yex, xcha' re Jesús. Tibana' ancha'l xuban re ache re xbec'utun vay. Tic'utuj re nic'atzin y re Dios xtuya-pa chiva. Ticanoj re nijo' y xtivel. Ticocaj-apo re ruchi-jay y xtijak chivach.

Kaqchikel Western Solola

⁹ Y riyin nbij c'a chiwe riyix, can tic'utuj c'a ri nic'atzin chiwe y ri Dios can xtuya' wi pe chiwe. Ticanoj ri niwajo' y xtiwil. Quixsiq'uin (quixoyon) apo chuchi' jay y xtojak chiwech.

San Lucas 11:9 Iomraidhean Croise

Wuj Richin Bix Chire ri Dios 118:5

Kan chupan k'a ri nuq'axo'n xinnataj rubi' ri Jehová, y rija' kan xirak'axaj k'a, y xirukol.

Wuj Richin Bix Chire ri Dios 27:4

Yin kan k'o k'a jun ri nuk'utun chire ri Jehová; y kan jari' ri xtinkanoj; chi yin kan xkik'oje' ta chupan ri rachoch ronojel q'ij chire ri nuk'aslen, richin chi ninmey ri ruk'ojlemal y yich'on rik'in chupan ri rachoch.

Wuj Richin Bix Chire ri Dios 27:8

Ri wánima nubij chuwe chi rat abin kan chi niqaya' aq'ij. Roma ri' yin kan xtinkanoj k'a ri ak'ojlemal rat Jehová.

Wuj Richin Bix Chire ri Dios 34:10

Ri alaji' taq koj kan k'o ri nik'atzin chike, y kan yenum. Jak'a ri nikikanoj ri Jehová, kan man jun achike ta xtikajo'.

Wuj Richin Bix Chire ri Dios 34:4

Yin xinkanoj k'a ri Jehová, y rija' kan xirak'axaj. Xirukol k'a chuwech ronojel ri nuxibinri'il.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin ri Nimalej Bix 5:6

Xinjeq k'a ri ruchi-jay chuwech ri wajowanel, jak'a xa maneq chik ri chiri'. Chupan ri achik' ri' xinel-el pa bey richin xinkanoj, jak'a man xinwil ta. Xinwoyoj, jak'a man jun xch'on-pe chuwe.

Wuj Richin ri Isaías 45:19

Yin kan man in ch'owineq ta pan ewel, ni ta pa jun k'ojelibel akuchi janila q'equ'm chire ri ruwach'ulew. Man nubin ta chike ri winaqi' israelita chi kinkikanoj pa jun tz'iran ruwach'ulew. Ja yin Jehová, ri ninbij ri qitzij, y kan ninq'alajirisaj ri ruchojmilal, ncha' ri Dios.

Wuj Richin ri Jeremías 29:12

Chupan ri q'ij ri', rix xkixch'on wik'in y yin kan xkixinwak'axaj.

Wuj Richin ri Jeremías 33:3

Kach'on k'a q'anej wik'in y yin xtink'uluba-pe ri ach'abel y kan xtink'ut k'a chawech nima'q taq banobel ri ewatel chawech rat.

Dn 9:3

Yin kan xich'on k'a rik'in ri Dios ri wajaw richin chi xink'utuj utzil chire pa kiwi' ri nuwinaq. Ximewayin k'a, xinkusaj k'a qirix taq tzieq y xitz'uye' pa chaj richin chi rija' xirak'axaj.

San Mateo 21:22

Kan ronojel wi k'a ri nik'utuj chire ri Dios kan xtik'ul-wi, wi nikuquba' ik'u'x chi keri', xcha'.

San Mateo 21:31

¿Achike chike ri ka'i' ri xbanon ri rurayibel ri rutata'?, xcha'. Y ri achi'a' ri' xkibij chi ja ri nabey. Ri Jesús xubij k'a chike: Kan qitzij k'a ninbij chiwe chi ri winaqi' e moloy méro ri k'o chi nitoj chire ri q'atbel-tzij y ri ixoqi' ri man utz ta kik'aslen, xa ja chik k'a rije' ri xkenabiyej chiwech richin ye'ok pa rajawaren ri Dios.

San Mateo 6:29

Y rix iwetaman achike xuben ri Salomón ri ojer kan. Rija' kan xuwiq k'a ri' rik'in jebelej taq tzieq, jak'a kan man jun bey xk'oje' ta jun rutziaq jebel achi'el titzu'un ri kotz'i'j lirio.

Marcos 11:24

Roma ri', yin kan ninbij chiwe chi ronojel ri nik'utuj toq rix yixch'on rik'in ri Dios, k'o chi ninimaj chi kan xtik'ul-wi ri xtiya'ox chiwe. Y wi keri', kan xtik'ul-wi.

Marcos 13:37

Kan achi'el k'a ri ninbij chiwe rix chi kiniwoyobej-apo, kan keri' chuqa' ninbij chike konojel, kan kiniwoyobej k'a, xcha' ri Jesús.

San Lucas 11:10

Roma ronojel ri xtik'utuj, kan xtik'ul-wi. Wi rix kan nikanoj, kan xtiwil-wi. Y wi xkixoyon-apo, kan xtijaq ri ruchi-jay chiwech.

San Juan 14:13

Ronojel k'a ri xtik'utuj pa nubi' yin, kan xtinya-wi. Richin keri' niq'alajin ri ruq'ij-ruk'ojlen ri nata', woma yin.

San Juan 15:16

Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

San Juan 15:7

Jak'a wi rix kan itunun-iwi' wik'in, y wi nik'oje' ta ri nuch'abel iwik'in rix, kan tik'utuj k'a chire ri Dios achike ri nurayij ri iwánima, y kan keri' xtibanatej.

San Juan 4:10

K'ari' ri Jesús xubij chire ri ixoq ri': Rat man awetaman ta achike chi sipanik ri nusuj ri Dios. Chuqa' man awetaman ta in achike yin ri yik'utun juba' nuya' chawe. Xa ta awetaman, ja ta rat ri yak'utun aya' chuwe, y yin ninya' ta aya' ri kan niya'on k'aslen, xcha' ri Jesús.

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

2 Corintios 6:2

Y chirij k'a ri' nich'on-wi ri Dios toq nubij:*f2* Kan pa ruq'ijul k'a xink'uluba-pe ri ich'owen, y chupan ri q'ij richin kolotajik, kan xixinto', nicha'. Y jare' k'o chik ri ruq'ijul richin ri utzil ri'; ja q'ij re' richin ri kolotajik.

Hebreos 11:6

Jak'a wi maneq ri kuqubabel-k'u'x qik'in, ri Dios man xtikikot ta ri ránima qik'in. Y richin yojjel-apo rik'in ri Dios, k'o chi niqanimaj chi rija' kan k'o-wi, y chi k'o utzil rik'in richin nuya' chike ri yekanon richin.

Hebreos 4:16

Roma ri' kan kuqul k'a qak'u'x qojjel-apo rik'in ri Dios ri niya'on ronojel utzil. Richin chi xtujoyowaj qawech y xtuya-pe ri rutzil pa qawi'. Y toq k'o jun xtiqak'uluwachij, kan jari' k'o-pe qik'in richin yojruto'.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

Santiago 5:15

Y rik'in ronojel kik'u'x yech'on rik'in ri Dios, richin nik'achoj ri yawa'. Y wi k'o mak rubanon ri yawa' ri', man xaxe ta k'a nik'achoj, xa kan nikuyutej chuqa' ri rumak.

1 Juan 3:22

Toq yojch'on rik'in ri Dios, rija' nuya' chiqe ronojel ri niqak'utuj chire, roma yeqaben ri yerubij, y chuqa' yeqaben ri yeqa' chuwech.

Apocalipsis 2:24

Jak'a chiwe rix nimanela' ri ix k'o ri chiri' pa Tiatira ri man itzeqeliben ta ri rutijonik ri Jezabel, ni man xinimaj ta ri nikibij rije' ri ruch'obonik ri Satanás chire; ninbij k'a chiwe chi rix kan man jun k'a rutojbalil mak xtiqaqa pan iwi',