San Lucas 11:2 - Kaqchiquel Bible

² Kan jari' toq ri Jesús xubij chike: Toq yixch'on rik'in ri Dios, kere' k'a tibij: Qatata' Dios [ri atk'o chila' chikaj,]*f20* kan jantape' ta k'a xtinimirisex ri loq'olej abi' rat. Ri awajawaren ja ta ri' ri xtik'oje' qik'in. [Kan nibanatej ta k'a ri nawajo' rat richin chi nibanatej wawe' chuwech re ruwach'ulew achi'el nikiben ri ek'o awik'in ri chila' chikaj.]*f21*

Tuilleadh tionndaidhean

Kaqchikel Santo Domingo (Xenacoj)

² Ri Jesús xubꞌij chake: Rix atoq ndibꞌen orar, kereꞌ tibꞌij: Qatataꞌ Dios, kin jumul tinimrisex ri loqꞌolej abꞌiꞌ, Kin ta nduqaqa yan ri qꞌij atoq ndabꞌen reinar pa ruwiꞌ nojel.

Kaqchikel Santa Maria de Jesus

² Y ri Jesús xuꞌej chica ri ru-discípulos: Antok xtiꞌan orar, cava tiꞌej: Katataꞌ Dios ri atcꞌo chila chicaj, quinojiel ta ri vinak xtiquiyaꞌ akꞌij y nem xtiquiꞌan cha ri santo abꞌeꞌ. Y talka cꞌa ri kꞌij antok atreꞌ ri xcabꞌano reinar. Y ja ta ri navajoꞌ atreꞌ, ja ta reꞌ ri tibꞌanataj vaveꞌ ri choch-ulief, incheꞌl niquiꞌan ri icꞌo aviqꞌuin chicaj.

Kaqchikel Central Guatemala

² Y can jari' tok ri Jesús xubij chique ri rutijoxela': Tok xtiben c'a orar, tibana' c'a jun oración achi'el re': Katata' Dios atc'o chila' chicaj, xtibanatej ta c'a chi conojel ta ri vinek niquiya' ta ak'ij, y man ta xtiquixolk'otij (xtiquixalk'atuj) ri lok'olej abi'. Y xtoka' yan ta c'a ri k'ij tok ja rat ri yatoc Kak'atoy-tzij. Y xe ta c'a ri navajo' rat chi nikaben, can xe ta c'a ri' ri xtikaben, achi'el niquiben ri ec'o aviq'uin chila' chicaj.

Re C'ac'a Testamento pa Kach'abal

² Y jare' tak re Jesús xubij chique re ru-discípulos: Quire' tibij tak xtiban orar: Karta' Dios yatc'o chila' chicaj, can-ta conojel re vinak niquiya' ruk'ij re abe'. Y xte'ka-yan-ta re k'ij tak ja rat re xcabano gobernar. Y xe-ta re najo' rat re nakaban vova' chuch'ulef, ancha'l niquiban re jec'o aviq'uin chila' chicaj.

Kaqchikel Western Solola

² Y can yac'ari' tek ri Jesús xubij chique ri rudiscípulos: Tek xtiben c'a orar, tibana' c'a jun oración achi'el re': Katata' Dios yitc'o chila' chicaj, xtibanatej ta c'a chi quinojel ta ri winek niquiya' ta ak'ij, y man ta xtiquixolk'otij ri lok'olaj abi'. Y xtipe yan ta c'a ri awajawaren. Y can ya ta c'a ri nawajo' riyit ri xtibanatej wawe' chuwech re ruwach'ulef, achi'el nibanatej chila' chicaj awuq'ui riyit.

San Lucas 11:2 Iomraidhean Croise

1 Rey 8:43

wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax k'a chikiwech re xinpaba-q'anej yin, ri niban-wi ronojel k'utunik chawe rat.

2 Rey 19:19

Wakami k'a, Jehová ri at qa-Dios, tabana' utzil qojakolo' pa kiq'a' rije', richin chi niketamaj konojel ri q'atbel taq tzij richin re ruwach'ulew chi xaxe rat Jehová, kan xaxe rat ri at Dios, xcha'.

2 Crón 20:6

y xch'on rik'in ri Jehová, y xubij: Jehová ri at qa-Dios roj y kichin kan ri qati't-qamama', rat kan k'a chila' k'a chikaj naq'et-pe-tzij pa kiwi' ri q'atbel taq tzij richin ri ruwach'ulew. Pan aq'a' k'a rat k'o-wi ronojel uchuq'a' y kan man jun xtich'akon chawij.

Wuj Richin Bix Chire ri Dios 103:20

Tinimirisaj k'a ruq'ij ri Jehová, rix ri ix samajela' aj-chikajil; rix ri kan rik'in uchuq'a' niben ri nubij chiwe, richin ninimaj ri rutzij.

Wuj Richin Bix Chire ri Dios 108:5

Tak'utu' ri nimalej abanobal pa ruwi' ri kaj. Tak'utu' ri ak'ojlemal pa ruwi' chijun ri ruwach'ulew.

Wuj Richin Bix Chire ri Dios 11:4

Ri Jehová chupan k'a ri loq'olej rachoch k'o-wi; chila' chikaj k'o-wi ri rutz'uyubal richin nuq'et-tzij, rija' kan rutzuliben k'a pe ronojel ri nikiben ri winaqi'.

Wuj Richin Bix Chire ri Dios 57:11

¡Nu-Dios yin, kan tinimirisex k'a aq'ij pa ruwi' ri kaj. kan chuwech k'a chijun ri ruwach'ulew, tiq'alajin ri ak'ojlemal!

Wuj Richin ri Molojri'il 5:2

Man k'a tabij ch'abel bin man bin. Man jun tasuj chi'anin chire ri Dios, roma rija' kan chila' chikaj k'o-wi y nrak'axaj, y rat xa at jun ri xa chuwach'ulew atk'o-wi.

Wuj Richin ri Isaías 63:16

Man rik'in ri', ja rat ri at qatata', stape' ri Abraham y ri Jacob man ek'o ta pe wawe' richin yojkiya-apo chawech. Stape' rik'in ronojel re' kan ja rat ri at qatata', y kan ja rat ri at qakolonel richin tibe-q'ij tibe-seq.

Ez 36:23

Y chikiwech konojel ri tzobaj winaqi' richin ri ruwach'ulew xtink'ut ri loq'olej nubi', ri iqasan ruq'ij rix chikikojol rije'. Y toq yin xtinben re', jari' xtiketamaj chi ja yin Jehová.

Dn 2:28

Jak'a, kan k'o jun Dios ri k'o chila' chikaj ri niq'alajirisan ronojel ri e ewatel. Rija' xtiq'alajirisan chawech ri xtik'uluwachitej chiqawech-apo. Wakami k'a xtinq'alajirisaj ri awachik' y ri nel chi tzij.

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Dn 7:18

Chirij ri', ri ajawaren kan xtijach k'a pa kiq'a' ri e richin ri rutinamit ri nimalej Dios, y rije' kan xtikiq'et k'a tzij tibe-q'ij tibe-seq.

Dn 7:27

Ri ajawaren richin chijun ruwach'ulew, ri ruchuq'a' y ri ruwaq'ijaj kan xtijach k'a pa kiq'a' ri e richin ri rutinamit ri nimalej Dios. Re ajawaren re' kan richin k'a tibe-q'ij tibe-seq. Konojel k'a ri tinamit y ri ruwach'ulew kan xtikisamajij y xtikinimaj rutzij, xcha' chuwe.

Os 14:2

Titzolej-pe ak'u'x y kach'on rik'in, tak'utuj utzil chire y kere' k'a tabij: Tabana' utzil Jehová takuyu' ronojel ri qamak. Tak'ulu' k'a chi utzil ri bix ri niqasuj chawe.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Wuj Richin ri Chojmirisabelri'il 22:23

Wi nalex-pe pan iwánima jun sipanik, ninya' k'a q'ij chiwe richin nisuj jun chikop xotoxik. Jak'a wi niwajo' nisuj jun sipanik roma ibin chi niben, kan man ninya' ta k'a q'ij richin nisuj ri chikop ri', roma man xtink'ul ta chiwech.

Wuj Richin ri Habacuc 2:14

Roma ri winaqi' ri ek'o chuwech chijun ri ruwach'ulew, kan xtiketamaj jebel ri ruchuq'a', ri ruq'ij-ruk'ojlen ri Jehová, achi'el nuben ri ya' toq napon chupan ri palou.

San Mateo 10:32

Y xabachike k'a wineq ri nuq'alajirisaj-ri' chikiwech ch'aqa' chik, chi rija' kan wichin chik yin, yin chuqa' xtinq'alajirisaj chuwech ri nata' ri k'o chila' chikaj chi wichin yin.

San Mateo 3:2

Y rija' nubij k'a chike ri winaqi' ri xe'apon rik'in: Kan titzolej k'a pe ik'u'x rik'in ri Dios, roma xa kan naqaj chik k'o-wi-pe ri q'ij richin ri aj-chikajil ajawaren, nicha' chike.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

San Lucas 11:1

K'o k'a jun q'ij ri Jesús k'o ri akuchi nich'on-wi rik'in ri Dios. Y toq tanel chik qa, jun chike ri rutijoxela' xubij chire: Ajaw, qojatijoj richin yojch'on rik'in ri Dios, achi'el ri Juan xerutijoj ri rutijoxela', xcha'.

Romanos 1:7

Y re wuj re' chiwe rix qach'alal ninben-wi-el. Ri Dios janila yixrajo' y xixroyoj richin xixruch'er chire rija'. Kan ja ta k'a ri utzil y ri uxlanen ri peteneq rik'in ri Qatata' Dios y ri ajaw Jesucristo xtik'oje' pa taq iwánima chi'iwonojel.

Romanos 8:15

Y ri Espíritu ri nuya' ri Dios chiqe man nuben ta chiqe chi oj achi'el jun samajel ri janila nuxibij-ri' chuwech ri rajaw. Pa ruk'exel ri' wakami oj ralk'ual chik rija', y qatata' niqabij chire ri Dios.

1 Corintios 1:3

Y ja ta k'a ri utzil y ri uxlanen ri peteneq rik'in ri qatata' Dios y ri ajaw Jesucristo xtik'oje' pa taq iwánima chi'iwonojel.

2 Corintios 1:2

Ja ta k'a ri utzil y ri uxlanen ri peteneq rik'in ri qatata' Dios y ri ajaw Jesucristo xtik'oje' pa taq iwánima chi'iwonojel.

Gálatas 1:4

roma ri Jesucristo xuya-ri' richin xkamisex richin xojrukol chuwech ri qamak y ri etzelal ri k'o wawe' chuwech re ruwach'ulew. Ronojel re' xuben roma kan ja wi ri' ri rurayibel ri qatata' Dios,

Efesios 1:2

Y ja ta k'a ri utzil y ri uxlanen ri peteneq rik'in ri qatata' Dios y ri ajaw Jesucristo xtik'oje' pa taq iwánima chi'iwonojel.

Filipenses 1:2

Kan ja ta k'a ri utzil y ri uxlanen ri peteneq rik'in ri qatata' Dios y ri qajaw Jesucristo xtik'oje' pa taq iwánima chi'iwonojel.

Filipenses 4:20

Ri qatata' Dios kan jantape' ta k'a xtuk'ul ruq'ij-ruk'ojlen tibe-q'ij tibe-seq. Kan keri' ta k'a.

1 Tesalonicenses 1:1

Yin Pablo e wachibilan ri Silas*f1* y ri Timoteo, ninben k'a el re wuj re' chiwe rix molaj qach'alal ri ixk'o pa tinamit Tesalónica, rix ri jun ibanon rik'in ri qatata' Dios y ri ajaw Jesucristo. Y ja ta k'a ri utzil y ri uxlanen ri peteneq rik'in ri Dios xtik'oje' pa taq iwánima chi'iwonojel.

1 Tesalonicenses 1:3

Roma jantape' noqaqa chiqak'u'x ri samaj ri niben, roma ikuquban ik'u'x rik'in ri Jesucristo; chuqa' janila yixsamej roma niwajo' rija', y rik'in koch'onik iwoyoben-apo ri q'ij toq xtipe chik.

2 Tesalonicenses 2:16

Ri qakolonel Jesucristo y ri tata'ixel ri janila xojrajo' y xuya' kuqubabel-k'u'x chiqe richin qoyoben ri q'ij toq xqojbe chila' chikaj roma ri rutzil,

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Apocalipsis 19:6

Y xinwak'axaj chi ri ch'abel ri niwajin ri chikaj, kan achi'el yewajin raqen taq ya', y chuqa' achi'el niq'ajan ri koqolajay. Y nikibij: Tinimirisaj rubi' ri ajaw ri qa-Dios, ri kan k'o ronojel uchuq'a' rik'in, roma ja rija' ri niq'aton-tzij.

Apocalipsis 20:4

Y xintz'et chi ek'o tz'uyubel richin q'atbel-tzij, y chiri' e tz'uyul-wi ri ya'on chik uchuq'a' pa kiq'a' richin nikiq'et-tzij. Xintz'et chuqa' ri kánima ri xtzak'ix-el kiqul, roma xkitaqej y xkitzijoj ri ruch'abel ri Dios. Jere' ri man xeya'on ta ruq'ij ri nabey chikop y ri ruwachibel, ni man xkik'ul ta ri etal richin ri chikop nik'aj-kiwech o ri pa taq kiq'a'. Y xintz'et chi rije' xek'astej chik y junan k'a yeq'aton-tzij rik'in ri Cristo, chupan ri 1,000 juna'.