San Lucas 10:7 - Kaqchiquel Bible

⁷ Rix kan kixk'oje' k'a qa chupan ri jay ri yixapon-wi y kan titija' y tiqumu' ri xtikisipaj chiwe, roma ri samajel kan ruk'amon-wi chi nitoj roma ri samaj ri nuben. Y man k'a tijalala' ri jay ri akuchi yixk'oje-wi.

Tuilleadh tionndaidhean

Kaqchikel Santo Domingo (Xenacoj)

⁷ Y chupan ri achoch apeꞌ ndikꞌan apu iwech, chiriꞌ kixkꞌojeꞌ y tikꞌuxuꞌ y titijaꞌ ri ndiyoꞌox chiwa koma rejeꞌ, porque jun samajel kin rukꞌulun chi nditoj roma ri samaj ndubꞌen. Y ma tijalalaꞌ ri apeꞌ ngixkꞌojeꞌ.

Kaqchikel Santa Maria de Jesus

⁷ Ixreꞌ quixcꞌujie-ka chupan ri jay ri pacheꞌ nquixbꞌaka-ve, titijaꞌ y tikumuꞌ ri xtisipas chiva; ruma ri samajiel can nicꞌatzin chi nituoj. Y man ticꞌax ri jay pacheꞌ xixuoc-ve naꞌay. Xa chireꞌ quixcꞌujie-ve.

Kaqchikel Central Guatemala

⁷ Rix can quixc'oje' c'a ka chupan ri jay ri yixapon-vi y jebel ic'ulic niquiben, titija' y tikumu' ri xtiquisipaj chive. Roma ri samajel can ruc'amon-vi chi nitoj roma ri samaj ri nuben. Y man c'a tijalala' ri jay ri acuchi yixc'oje-vi. Xa can acuchi yixapon-vi pa nabey, chiri' yixc'oje-vi-ka.

Re C'ac'a Testamento pa Kach'abal

⁷ Y tak yixapon pa jun tenemit, can quixc'ue-ka chupan re jay re anche' otz ic'ulic niquiban y titija' y tikumu' re xtiquisipaj chiva re jenipa' tiempo re yixc'ue' chire'. Roma jun mozo can ruc'amon-va che nitoj roma re samaj nuban. Y man tijalala' re jay anche' yixc'ue-va. Xa can anche' yixapon-va nabey, chire' quixc'ue-va-ka.

Kaqchikel Western Solola

⁷ Riyix can quixc'oje' c'a ka chupan ri jay ri yixapon wi ri jabel ic'ulic niquiben, titija' y tikumu' ri xtiquisipaj chiwe. Ruma ri samajel can ruc'amon wi chi nitoj ruma ri samaj ri nuben. Y man c'a tijalala' ta ri jay ri acuchi (achique) yixc'oje' wi. Xa can acuchi (achique) yixapon wi nabey mul, chiri' quixc'oje' wi ka.

San Lucas 10:7 Iomraidhean Croise

Wuj Richin ri Q'axanri'il 18:31

Y ri xtik'oje' kan iwik'in, jari' utz nitej rix y ri e aj pan iwachoch xabakuchi ri niwajo-wi. Ronojel k'a ri xtik'oje' kan iwik'in, jari' ri xtok achi'el iwajel, roma ri samaj ri niben pa wachoch.

Marcos 6:10

Ri Jesús xubij chuqa' chike ri rutijoxela': Xabachike tinamit yixapon-wi, toq yixok pa jun jay, kan chiri' k'a kixk'oje-wi-qa. Xa kan k'a ja toq yixel na pe chiri', k'ari' niya' kan ri jay ri xixk'oje-wi.

San Lucas 10:6

Wi ri rajaw ri jay ri' yixkik'ul roma nikajo' ri uxlanen, ri uxlanen richin ri Dios kan xtik'oje-wi kik'in. Jak'a wi ri winaqi' xa man jebel ta yixkik'ul, ri uxlanen man k'a xtik'oje' ta kan kik'in.

San Lucas 9:4

Xabachike jay yixapon-wi, chiri' kixk'oje-wi-qa k'a ja toq yixel na pe chupan ri tinamit ri'.

Hechos 16:15

Rija' y ri ek'o rik'in ri pa rachoch, xqasex ya' pa kiwi' retal richin xkikuquba' kik'u'x rik'in ri Cristo. Chirij ri', ri Lidia xubij k'a chiqe: Wi kan nich'ob chi yin kan qitzij xkuqer nuk'u'x rik'in ri ajaw, kixanpe k'a wik'in, y kixok'oje-el juba' pa wachoch, xcha'.

Hechos 16:34

Xeruk'uaj k'a chirachoch richin xerutzuq-pe. Rija' y ri e aj pa rachoch janila k'a nikikot ri kánima, roma xkikuquba' kik'u'x rik'in ri Dios.

Hechos 16:40

Toq ri Pablo y ri Silas xe'elesex-el ri pa cárcel, xebe k'a ri pa rachoch ri Lidia, y xkikuqubala' kan kik'u'x ri qach'alal. Y toq e ch'owineq chik kan chike konojel, rije' xebe k'a.

Gálatas 6:6

Y rix ri yixtijox chire ri ruch'abel ri Dios, kan ke'ito' k'a ri yetijon iwichin. Ronojel ri utz ri k'o iwik'in rix kan tiya' chuqa' juba' chike rije'.

Deut 12:12

Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Deut 18:8

Junan ri kiway xtikik'ul, achi'el nikik'ul ri ch'aqa' chik levita, pa ruwi' ri nikik'ul chuwi-kiq'a' ri e aj pa rachoch.

1 Timoteo 5:13

Xa xtikichop yeq'oran, yebe chi taq jay. Y man xaxe ta chik ri yeq'oran, xa nikichop nikikamulula' tzij, nikijula-apo-ki' xabakuchi y nikibila' tzij ri man e ruk'amon ta.

2 Timoteo 2:6

Jun samajel richin pa juyu' roma kan jebel samajineq, ja rija' ri k'o ruq'a' chire ri nabey ruwech ri rutiko'n.