San Lucas 10:6 - Kaqchiquel Bible

⁶ Wi ri rajaw ri jay ri' yixkik'ul roma nikajo' ri uxlanen, ri uxlanen richin ri Dios kan xtik'oje-wi kik'in. Jak'a wi ri winaqi' xa man jebel ta yixkik'ul, ri uxlanen man k'a xtik'oje' ta kan kik'in.

Tuilleadh tionndaidhean

Kaqchikel Santo Domingo (Xenacoj)

⁶ Y si chupan ri achoch riꞌ kꞌo jun ri utz xtukꞌen apu iwech, ri uxlanen xikꞌutuj rix, ndikꞌojeꞌ pa ruwiꞌ, pero si nixta jun kꞌo uxlanen pa ránima, ri uxlanen xikꞌutuj, ma ndikꞌojeꞌ ta kan chiriꞌ.

Kaqchikel Santa Maria de Jesus

⁶ Y xa chupan ri jay reꞌ cꞌo jun niquicuot nquixrucusaj pa rachuoch, ri paz richin ri Dios xticꞌujieꞌ riqꞌuin. Y xa manak, ri paz xa xtitzalaj-pa iviqꞌuin ixreꞌ.

Kaqchikel Central Guatemala

⁶ Y vi chiri' chupan ri jay ri', ri vinek riq'uin quicoten yixquic'ul-vi richin nicac'axaj ri ruch'abel ri Dios, ri uxlanen richin ri Dios can xtic'oje-vi quiq'uin. Jac'a vi ri vinek xa man jebel ta yixquic'ul richin nicac'axaj ri ruch'abel ri Dios, ri uxlanen man c'a xtic'oje' ta can quiq'uin.

Re C'ac'a Testamento pa Kach'abal

⁶ Y vo xa chire' chupan re jay re', re vinak otz ic'ulic niquiban y can niquic'ul re nibij chique, jac'a re Dios xtibano chique che re cánma nuna' re paz re pitinak riq'uin re Dios. Y vo xa re vinak man otz-ta ic'ulic niquiban, man xtiquina-ta re paz re pitinak riq'uin re Dios.

Kaqchikel Western Solola

⁶ Y wi chiri' chupan ri jay ri', c'o jun winek riq'ui quicoten xquixruc'ul, ri uxlanibel c'u'x riche (rixin) ri Dios xtic'oje' ca riq'ui. Yac'a ri winek ri xa ma xquixruc'ul ta, ri uxlanibel c'u'x ma xtic'oje' ta ca riq'ui, xa xtitzolin pe iwuq'ui riyix.

San Lucas 10:6 Iomraidhean Croise

Wuj Richin Bix Chire ri Dios 35:13

Jak'a toq yeyawej rije', yin kan ninkusaj ri nutziaq richin bis. Yin kan yibison k'a koma rije', y kan yimewayin.

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

San Lucas 10:5

Toq yixapon pa jun jay, k'o chi yixq'ejelon y tik'utuj chi ri uxlanibel-k'u'x richin ri Dios tik'oje' kik'in.

San Lucas 10:7

Rix kan kixk'oje' k'a qa chupan ri jay ri yixapon-wi y kan titija' y tiqumu' ri xtikisipaj chiwe, roma ri samajel kan ruk'amon-wi chi nitoj roma ri samaj ri nuben. Y man k'a tijalala' ri jay ri akuchi yixk'oje-wi.

Efesios 5:6

Man kixq'olotej pa kiq'a' ri winaqi' ri nikibij ch'abel ri man jun rejqalen, roma man nikinimaj ta rutzij ri Dios. Kan qitzij wi chi xtiqaqa ruk'ayewal pa kiwi'

2 Tesalonicenses 3:16

Qach'alal, ri Jesucristo ri niya'on uxlanen, xtuya' ta k'a uxlanen pa taq iwánima richin jantape', chupan xabachike ri nik'uluwachij. Y xtik'oje' ta k'a iwik'in chi'iwonojel.

Santiago 3:18

Ri winaqi' yetikir k'a yek'ase' choj toq k'o uxlanibel-k'u'x. Y ri nikitej kiq'ij chi nik'oje' uxlanibel-k'u'x xtikitz'et k'a chi ri winaqi' kan utz yek'oje'.

1 Pedro 1:14

Y roma ix ralk'ual chik ri Dios, kan tinimaj k'a ri rutzij. Man k'a tiben ri itzel taq rayibel achi'el xiben toq k'a man jani tiwetamaj ruwech rija'.

1 Sam 25:17

Jak'a ri wajaw kan janila banoy etzelal, y man jun nitikir nich'on rik'in. Wakami k'a, rat tach'obo' ri achike nabebana'. Roma xa kan k'o xtibeqak'uluwachij roj, ri wajaw y qonojel roj ri oj aj pa rachoch, xcha' ri samajel.