San Lucas 10:40 - Kaqchiquel Bible

⁴⁰ Jak'a ri Marta xa man keri' ta xuben. Rija' xa ch'ujerineq k'a chubanik ri rusamaj. Roma ri' xapon rik'in ri Jesús y xubij chire: Wajaw, ¿man k'a natz'et ta chi re María nuyon in ruya'on kan chuwech re samaj? Tabij k'a chire chi kiruto' juba', xcha'.

Tuilleadh tionndaidhean

Kaqchikel Santo Domingo (Xenacoj)

⁴⁰ Pero ri Marta kin ndibꞌatet ngerubꞌanalaꞌ ri opísa pa jay, y xjel apu apeꞌ kꞌo ri Jesús y xubꞌij chare: Ajaw, ¿ma jun achike ndabꞌij chi ri María nojel opísa ruyoꞌon kan chinuwech? Tabꞌij chare chi kirutoꞌ jubꞌaꞌ.

Kaqchikel Santa Maria de Jesus

⁴⁰ Pero ri Marta xa man quireꞌ ta xuꞌon. Jajaꞌ xa rutzꞌamuon chꞌuꞌj riqꞌuin ri ropísa. Rumareꞌ ri Marta xjiel-apa riqꞌuin ri Jesús y xuꞌej cha: Ajaf, ¿man natzꞌat ta came chi ri María in-ruyoꞌn can nuyuon choch ri opísa? Taꞌej cha chi quirutoꞌ jubꞌaꞌ, xchaꞌ.

Kaqchikel Central Guatemala

⁴⁰ Jac'a ri Marta xa man que ta ri' xuben. Rija' xa ch'ujirinek c'a chubanic ri rusamaj. Roma c'a ri' ri Marta xapon riq'uin ri Jesús y xubij chire: Ajaf, ¿man c'a natz'et ta chi re María nuyon in ruyo'on can chuvech re samaj? Tabij c'a chire chi quiruto' juba'.

Re C'ac'a Testamento pa Kach'abal

⁴⁰ Jac'a re Marta xa man quire-ta xuban. Reja' binak ránma chubanic re rusamaj, mare' re Marta xapon riq'uin re Jesús y xubij cha: Ajaf, tabana' utzil tabij ba' cha re María che quinruto' ba' cha re samaj roma can nayon yen yinruyi'on can chach, y rat can ancha'l che otz natz'at roma can man jun tzij nabij cha.

Kaqchikel Western Solola

⁴⁰ Yac'a ri Marta xa ma que ta ri' xuben. Riya' xa ch'ujernek c'a chubanic ri rusamaj. Rumac'ari' ri Marta xapon riq'ui ri Jesús y xubij chare: Ajaf, ¿chak utz chawe chi ri María nuyon riyin yin ruya'on ca chuwech re samaj? Tabij c'a juba' chare chi quiruto', xcha'.

San Lucas 10:40 Iomraidhean Croise

San Mateo 14:15

Y toq xqaq'ij-qa chupan ri jun q'ij ri', ri rutijoxela' xe'apon rik'in y xkibij chire: Re wawe' xa nej k'o kan chire ri tinamit. Chuqa' janila xqaq'ij yan. Ke'ataqa' k'a el re winaqi' re' richin chi yebe pa taq kokoj tinamit ri ek'o-pe naqaj y tikiloq'o' kiway chiri', xecha'.

San Mateo 16:22

Jak'a ri Pedro kan xaxe xrak'axaj ri xubij ri Jesús, xbech'on rik'in pa ruyonil richin ta nuq'et y xubij chire: Man ta nrajo' ri Dios chi nibanatej achi'el ri xabij rat wajaw, xcha' ri Pedro.

Marcos 3:21

Toq ri e rach'alal ri Jesús xkinabej-pe, xe'apon richin nibekik'ama-pe, roma xkich'ob chi ri Jesús xa xch'ujer.

San Lucas 10:38

Ri Jesús y ri rutijoxela' e beneq pa bey, y xapon pa jun ti ko'ol tinamit. Chiri' k'o k'a jun ixoq rubini'an Marta, y ja rija' ri xk'ulu-apo richin ri Jesús pa rachoch.

San Lucas 10:41

Jak'a ri Jesús xubij chire: Marta, rat k'iy ri nach'ob, y sachineq ak'u'x roma k'iy k'o chi naben.

San Lucas 12:29

Roma ri' rix man tich'ujerisaj-iwi' richin nikanola' ri iway-iwuk'ya'.

San Lucas 9:55

Jak'a ri Jesús xerutzu' y xch'olin chikij [y xubij chike: Rix man iwetaman ta achike espíritu peteneq-wi re'.

San Juan 11:1

Chupan k'a ri tinamit Betania chiri' ek'o-wi ri Lázaro y ri e ka'i' rana' kibini'an María y Marta. Y ri Lázaro xyawej chire jun yabil. Re María re', jare' k'a ri xya'on jubulej aq'om chirij ri raqen ri Jesús, y xerusu' rik'in ri rusumal taq ruwi'.

San Juan 11:5

Ri Jesús kan janila k'a nrajo' ri Marta, chuqa' ri María y ri Lázaro.

San Juan 12:2

Y ri chiri' xban k'a jun nima-wa'in, roma xapon ri Jesús. Ja ri Marta ri ye'ilin-apo ri pa mesa. Ri Lázaro jun k'a chike ri e raq'el-apo ri pa mesa*f13* rik'in ri Jesús.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.