San Lucas 10:2 - Kaqchiquel Bible

² Xubij k'a chike: Kan qitzij wi chi ri tiko'n janila k'iy; jak'a ri samajela' man e k'iy ta. Roma ri' tik'utuj k'a chire ri rajaw ri samaj chi kerutaqa-pe ch'aqa' chik samajela' richin nikik'ol ri tiko'n.

Tuilleadh tionndaidhean

Kaqchikel Santo Domingo (Xenacoj)

² Rijaꞌ kereꞌ xubꞌij chake: Kin qetzij nibꞌij chiwa, chi santienta ruwech ri tikoꞌ ri ndikꞌatzin ndichꞌupeꞌ, pero ri samajelaꞌ xa ejubꞌaꞌ ok. Romariꞌ, tikꞌutuj chare Rajaw ri tikoꞌ chi kerutaqaꞌ más samajelaꞌ chin ndikichꞌup ruwech ri rutikoꞌ.

Kaqchikel Santa Maria de Jesus

² Y ri Jesús xuꞌej chica: Ri samaj can ketzij chi qꞌuiy; pero ri aj-samajiel xa man iqꞌuiy ta. Mareꞌ ticꞌutuj cha ri Rajaf ri samaj chi caꞌrutaka-pa más aj-samajiel chupan ri rusamaj.

Kaqchikel Central Guatemala

² Y ri Jesús xubij c'a chique ri achi'a' ri xerucha': Can kitzij vi chi ri samaj richin nitzijox ri ruch'abel ri Dios, janíla nim; jac'a ri samajela' man e q'uiy ta. Xa e ca'i-oxi' oc. Romari' tic'utuj c'a chire ri Rajaf ri samaj, chi querutaka-pe más samajela' chiquicojol ri vinek ri nic'atzin richin nicac'axaj ri ruch'abel.

Re C'ac'a Testamento pa Kach'abal

² Y re Jesús xubij chique re achi'a' re xe'rucha': Can katzij-va che re samaj chin nitzijos re ruch'abal re Dios, camas nem, jac'a re samajela' man je q'uiy-ta. Mare' tic'utuj cha re Rajaf re samaj, che que'rutaka-pa más samajela' chiquicojol re vinak re nic'atzin che niquic'axaj re ruch'abal.

Kaqchikel Western Solola

² Y ri Jesús xubij c'a chique ri achi'a' ri xerucha': Can kitzij wi chi ri samaj riche (rixin) chi nitzijox ri ruch'abel ri Dios, sibilaj nim; yec'a ri yetzijon ri ch'abel ri' xa ma ye q'uiy ta oc. Rumari' can tic'utuj c'a chare ri Rajaf ri samaj, chi querutaka' pe q'uiy samajela' chiquicojol ri winek ri rajawaxic chi niquic'axaj ri ruch'abel.

San Lucas 10:2 Iomraidhean Croise

1 Rey 18:22

Chirij ri' xubij chik chike: Xaxe chik yin ink'o kan chike ri e q'alajirisey ruch'abel ri Jehová. Jak'a ri achi'a' ri yesamajin kichin ri Baal ek'o e 450.

Wuj Richin Bix Chire ri Dios 68:11

Ri ajaw kan nich'on k'a pe, y ri ixoqi' kan xkitaluj k'a ri utzilej rutzijol.

Wuj Richin ri Jeremías 3:15

Xkenya' k'a q'atoy taq tzij pan iwi' ri kan yeqa' chinuwech yin y ja rije' ri xkeq'aton-tzij pan iwi' rix rik'in na'oj y nojibel.

Wuj Richin ri Zacarías 11:17

Toq'ex k'a ruwech ri itzel yuq'unel toq numalij kan ri tzobaj karne'l. Kan xtiqaqa ta k'a ri espada chirij ri ruq'a', y xtel ta el jun runaq'-ruwech ri k'o pa rijkiq'a', richin keri' xtichaqi'j-qa ri ruq'a' y xtimoyir kan jumul, xcha' ri Dios.

Wuj Richin ri Zacarías 11:5

Ri loq'onela' man xtiqaqa ta rutojbalil pa kiwi' toq yekikamisaj-qa. Y ri xek'ayin-el kichin nikibij-qa: Kan janila nim ruq'ij ri Jehová, roma xojbeyomer kan, yecha-qa. Ni ta k'a ri xyuq'un kichin man nujoyowaj ta k'a kiwech.

Wuj Richin ri Q'axanri'il 11:17

Yin xkiqaqa-pe y chiri' xkich'on awik'in y yin xtinwelesaj juba' chire ri ejqa'n ri nuya'on pan awi' rat y re' xtinya' pa kiwi' rije' richin yatkito' chuk'uaxik ri ralal ri samaj, y man ayon ta chik rat ri xkatuk'uan.

Wuj Richin ri Q'axanri'il 11:29

Jak'a ri Moisés xubij chire: ¿Achike roma niq'axon awánima roma re'? ¿Nach'ob rat chi xaxe yin ri yibanon re samaj re'? Jebel ta ri' wi ta ri Dios nuya' ta pe ri ru-Espíritu pa kiwi' konojel ri qawinaq chi nikiq'alajirisaj ri ruch'abel achi'el rije', xcha'.

San Mateo 20:1

Ri Jesús xubij re k'ambel-tzij re': Ri aj-chikajil ajawaren xa kan nijunamex rik'in jun achin rajaw jun ulew, ri xel-el nimaq'a' chikikanoxik samajela' richin yeruteq pa rulew ri rutikon uva chuwech.

Marcos 13:34

Roma ri nupetebal yin kan achi'el toq jun achin nuya' kan ri rachoch y nibe nej, juk'an chik tinamit. Rija' nuchilabela' k'a kan ri rusamaj chike ri rusamajela'. Kan nuyala' k'a kan kisamaj chikijujunal, y chire ri chajinel kan nubij k'a kan chi jantape' troyobej-apo ri rupeten.

Marcos 16:15

Jari' toq xubij kan chike: Kan kixbiyin chuwech re ruwach'ulew y titzijoj ri utzilej ch'abel richin kolotajik chike konojel ri winaqi'.

Marcos 16:20

Y keri' ri tijoxela' xe'el k'a chi nej chi naqaj, richin xkitzijoj ri ruch'abel ri Dios. Y ri ajaw kan k'o-wi k'a kik'in richin yeruto', y chuqa' kan xuben chike chi k'iy nima'q taq banobel ri xekiben richin tiq'alajin chi kan ja ri qitzij ri nikitzijoj.] Kan keri' ta k'a.

San Lucas 9:1

Ri Jesús xeroyoj k'a ri kablajuj rutijoxela', y xuya' uchuq'a' chike richin yekelesala' konojel kiwech itzel taq espíritu, y richin chuqa' yekik'achojirisala' yawa'i'.

Hechos 11:19

Y jak'a toq xk'uluwachitej ri rukamik ri Esteban, jari' toq ri qach'alal xkitej poqon pa kiq'a' ri ye'etzelan kichin. Y roma ri' toq ek'o xebe k'a pa ruwach'ulew Fenicia, pa ruwach'ulew Chipre, y pa tinamit Antioquía. Rije' nikitzijoj k'a ri ruch'abel ri Dios xaxe chike ri winaqi' judío.

Hechos 13:2

Jun q'ij, rokik nikiya' ruq'ij ri Dios y yemewayin, ri Loq'olej Espíritu xubij k'a chike: Ri Bernabé y ri Saulo kan k'o jun kisamaj nuchojmirisan chik yin. Roma ri' ke'ich'ara' kan richin ri samaj ri', xcha'.

Hechos 13:4

Kan jari' k'a toq ri Bernabé y ri Saulo xetaq-el roma ri Loq'olej Espíritu. Roma ri' rije' xebe-qa ri pa tinamit Seleucia. Y ri chiri' xe'ok-el pa jun barco richin xeq'ax-apo ri pa ruwach'ulew Chipre ri k'o chupan ri palou.

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.

Hechos 22:21

Jak'a ri ajaw Jesucristo xubij chuwe: Kabiyin k'a, roma kan yatinteq k'a el pa taq tinamit ri nej ek'o-wi, richin nabetzijoj ri nuch'abel chike ri winaqi' ri xa man e judío ta, xcha' chuwe, xubij ri Pablo chike ri ruwinaq.

Hechos 8:4

Konojel ri qach'alal ri xetalutej-el, yebiyaj richin nibekitzijoj ri utzilej ch'abel richin kolotajik.

1 Corintios 12:28

Chi'ikojol rix molaj qach'alal, chiwe chi'ijujunal ruya'on jun sipanik. Pa nabey ek'o ri e taqon roma ri Cristo, pa ruka'n ja ri yeq'alajirisan ri ruch'abel ri Dios, pa rox ja ri yetijon. K'ari' ri yetikir nikiben meyel taq banobel, jujun chik ri yek'achojirisan kichin ri yawa'i', o ri yeto'on kichin ri ch'aqa' chik qach'alal, o ek'o ri e uk'uey bey, y pa ruk'isibel ri yetikir yech'on pa ch'aqa' chik ch'abel.

1 Corintios 15:10

Jak'a ri Dios xuya' ri rutzil chuwe, y ri' xuben chuwe chi xjalatej ri nuk'aslen. Yin más yan chik k'a in samajineq-pe ke chikiwech ri ch'aqa' chik ri e taqon roma ri Cristo. Jak'a man ninbij ta chi ja yin xibanon ri samaj, man keri' ta; xa kan ja ri rutzil ri Dios ri xbanon.

2 Corintios 6:1

Roj kan junan rik'in ri Dios niqaben ri samaj chi'ikojolil rix, kan niqachilabej k'a chiwe chi man tiben chi xa man jun rejqalen ri rutzil ri Dios ri ruya'on chik pe chiwe.

Filipenses 2:21

Ri ch'aqa' chik qach'alal xaxe ri niqa' chikiwech rije' ri nikich'ob, y man nikich'ob ta achike ri nik'atzin pa rusamaj ri Cristo Jesús.

Filipenses 2:25

Chuqa' xa kan k'atzinel chi ninteq yan el iwik'in ri wach'alal Epafrodito ri itaqon-pe wik'in. Rija' xiruto' rik'in ri xk'atzin chuwe; kan qachibil k'a qi' rik'in richin qatijon qaq'ij pa rusamaj ri Dios.

Filipenses 2:30

roma rija' xa kan jubama k'a xken chubanik ri rusamaj ri Cristo. Kan xuya' k'a ri' chuwikamik richin xiruto' rik'in ri samaj ri man yixtikir ta rix richin yinito' chubanik.

Colosenses 1:29

Roma ri' yisamej janila y ninkusaj ri nimalej uchuq'a' ri ruya'on ri Cristo chuwe.

Colosenses 4:12

Ri Epafras nuteq-el rutzil-iwech. Y rix jebel iwetaman ruwech rija' roma chila' iwik'in rix peteneq-wi, y jun utzilej rusamajel ri Cristo. Rija' rik'in ronojel ránima nich'on rik'in ri Dios iwoma rix, richin chi rix kan xtikuqer ta ik'u'x, chi kan ta xtitz'aqet ri ik'aslen y kan ta xtiben ronojel ri nrajo' ri Dios.

1 Tesalonicenses 2:9

Qach'alal, jebel iwetaman chi man jun bey xqak'utuj qaway chiwe. Jak'a roj xojsamej chi paq'ij chi chaq'a' richin xqach'ek qaway, richin man xixqaya' ta pa k'ayew, toq xojk'oje' iwik'in chubixik ri utzilej ruch'abel ri Dios ri nik'amon-pe kolotajik.

1 Tesalonicenses 5:12

Qach'alal, niqak'utuj utzil chiwe chi tiya' kejqalen ri achi'a' ri janila yesamej chi'ikojol pa rusamaj ri Dios, roma ja rije' ri e uk'uayon iwichin, y yixkipixabala'.

2 Tesalonicenses 3:1

Qach'alal, pa ruk'isibel niqak'utuj chiwe chi kixch'on rik'in ri Dios qawi' roj, y tik'utuj chire chi chi'anin ta xtibiyin rutzijoxik ri ruch'abel, y kan ta ninimex achi'el xinimaj rix.

1 Timoteo 4:10

Niqatej qaq'ij richin niqaben ri rusamaj ri Dios y niqatej poqon, roma kan qakuquban-wi-apo qak'u'x rik'in ri k'aslik Dios. Ja rija' ri kolonel kichin konojel winaqi', jak'a más qichin roj ri qakuquban qak'u'x rik'in.

2 Timoteo 4:5

Jak'a rat tach'obo' jebel ronojel ri naben. Takoch'o' ri tijoj-poqonal ri nipe chawij. Man katane' chutzijoxik ri utzilej ch'abel richin kolotajik. Tabana' ronojel ri samaj ri ya'on chawe roma ri Dios.

Filemón 1:1

Yin Pablo, ink'o k'a wawe' pa cárcel roma ri Jesucristo. Wachibilan k'a ri qach'alal Timoteo toq ninben-el re wuj re' chawe rat qachibil Filemón, ri yalan yatqajo' y achoq ik'in yojsamej-wi.

Hebreos 3:6

Jak'a ri Cristo man choj ta samajel richin ri Dios, achi'el ri Moisés. Rija' kan Ruk'ajol-wi ri Dios. Y man xqojrumalij ta kan roj ri oj ruwinaq chik ri Dios, wi niqakuquba-apo qak'u'x rik'in, y rik'in kikoten niqoyobej-apo ri q'ij toq xtibeqila' ronojel ri utzil.

Apocalipsis 2:1

K'ari' xubij chuwe: Tatz'ibaj k'a el chire ri ángel kichin ri molaj nimanela' ri chiri' pan Éfeso y tabij-el chire, chi ri jun ri ek'o ri wuqu' achi'el ch'umila' pa rijkiq'a', ri nibiyaj chikikojol ri wuqu' kandelero ri e banon rik'in q'anapueq nubij: