San Lucas 10:15 - Kaqchiquel Bible

¹⁵ Keri' chuqa' rix aj-Capernaum, kan nich'ob chi yixbe chila' chikaj rik'in ri Dios y janila xtinimirisex iq'ij. Jak'a xa man keri' ta. Xa xkixqaqa chupan ri q'aq'.

Tuilleadh tionndaidhean

Kaqchikel Santo Domingo (Xenacoj)

¹⁵ Y rix aj Cafarnaúm, ¿pa itzij rix chi ngixukꞌuꞌex e chilaꞌ chikaj? Ma ke ta riꞌ. ¡Rix xa hasta pa qꞌaqꞌ ngixbꞌeyoꞌox!

Kaqchikel Santa Maria de Jesus

¹⁵ Y ri icꞌo pa tanamet Capernaum niquiꞌan pensar chi ncaꞌa chicaj riqꞌuin ri Dios, pero xa man quireꞌ ta, xa cꞌa chupan ri infierno xcaꞌbꞌaka-ve.

Kaqchikel Central Guatemala

¹⁵ Y ri ec'o pa tinamit Capernaum can niquich'ob chi yebe chila' chicaj riq'uin ri Dios y janíla xtinimirisex quik'ij. Pero xa man que ta ri'. Xa xtikasex quik'ij, roma xa c'a chupan ri lugar ri richin ri tijoj-pokonal xquebeka-vi.

Re C'ac'a Testamento pa Kach'abal

¹⁵ Y re vinak jec'o pa tenemit Capernaum niquinojij che xque'ba chila' chicaj riq'uin re Dios y can xtiya' quik'ij. Pero xa man quire-ta. Xa xtikasas quik'ij, roma c'a pan infierno xque'beka-va.

Kaqchikel Western Solola

¹⁵ Y riyix ri yixc'o pa tinamit Capernaum can nich'ob chi yixbe chila' chicaj riq'ui ri Dios y xtinimirisex ik'ij. Pero xa ma que ta ri'. Xa xtikasex ik'ij, ruma xa c'a chupan ri lugar riche (rixin) ri tijoj pokonal xquixbeka wi.

San Lucas 10:15 Iomraidhean Croise

Wuj Richin ri Rutikeribel 11:4

Chirij re' xkibij chik: Tiqapaba' jun tinamit y jun torre y re torre re' xtapon k'a chila' chikaj, richin keri' xtel qatzijol y man xqojtalutej ta chuwech re ruwach'ulew, xecha'.

Wuj Richin ri Isaías 5:14

Roma ri' ri jul richin muqbel kaminaqi' kan royoben k'a richin xkerubeq' ri janila chi winaqi'. Chuqa' e kachibilan ri e aj-raqen, ri janila chi winaqi', ri xaxe oyowal nikiben, y ri xaxe nimaq'ij richin yeq'aber ri nikiben.

Wuj Richin ri Jeremías 51:53

Y stape' ri aj-Babilonia xtikipaba' ta q'anej jun tz'aq ri k'a nej jotol chikaj, k'a chiri' xkenteq ri e etzelanel chikij richin yekik'is. Yin Jehová ri yibin.

Ez 26:20

Y konojel k'a winaqi' xkeken-el y xke'apon akuchi ek'o-wi ri kaminaqi', ri xek'ase' ojer kan. Keri' k'a xkixk'oje' chikikojol kaminaqi' ri ek'o chuxe' ri ulew ri e wulatejineq chik kan richin jantape'. Y man jun bey chik xkaq'alajin chuwech re ruwach'ulew.

Ez 31:18

Rix aj-Egipto y ri i-rey, ri iruwach'ulew xuben achi'el ri che' ri más jebel ok y janila nim chikiwech ri ch'aqa' chik che' richin ri qejoj ri kan nik'ases. Man rik'in ri' xtinben chi ri iruwach'ulew xtik'is, achi'el ri ch'aqa' chik che' richin ri qejoj ri' ri xetorix yan. Xa kan junan xkixk'oje' chikikojol ri kaminaqi' ri man xkiya' ta nuq'ij y chuqa' ri xeken pan oyowal, xcha'.

Ez 32:18

Rat Ezequiel, katoq' junan kik'in ri ixoqi' richin ch'aqa' chik ruwach'ulew ri kan k'o kiq'ij. Katoq' pa kiwi' ri janila chi winaqi' ri e richin ri ruwach'ulew Egipto ri xkebe pa jul richin muqbel kik'in ri e kaminaqi' chik el.

Ez 32:20

Xa xtibekik'ulu' k'a ki' kik'in ri xekamisex pan oyowal. Ri espada kan banon chik rutzil, richin xkekamisex ri aj-Egipto junan kik'in ch'aqa' chik tzobaj winaqi'.

Ez 32:27

e muqun junan kik'in ri e nima'q taq achi'a' ri k'o kiq'ij ri xek'oje' ojer kan, ri xa xemuq rik'in ri ki-espada chuxe' ri kijolon y ri kitobal xya'ox kan pa kiwi'. Y ri ojer kan xkiya' k'a jun nimalej xibinri'il chike ri winaqi'.

Wuj Richin ri Abdías 1:4

Jak'a yin ninbij chi stape' ta yixxik'an achi'el ri kot, y chikikojol ta ri ch'umil niben-wi ri isok, yin chuqa' chiri' xkinapon-wi, richin k'a chiri' xkixinqasaj-pe k'a pan ulew.

San Mateo 10:28

Man k'a tixibij-iwi' chikiwech ri xaxe ok ri ch'akulaj ri yetikir nikikamisaj, jak'a chire ri iwánima xa kan man jun yetikir nikiben. Jak'a kan ruk'amon-wi chi tik'oje' rukiy ri Dios chiwech roma kan nitikir nuya' pa tijoj-poqonal ri iwánima y ri ich'akul chupan ri q'aq' richin jantape'.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

San Mateo 4:13

Xq'ax-el pa Nazaret, y xbek'oje' pa tinamit Capernaum; jun tinamit ri k'o chuchi' ri choy chukojol ri kulew ri e kiy-kimam kan ri Zabulón y ri Neftalí.

San Lucas 13:28

Y toq xke'itz'et ri Abraham, ri Isaac, ri Jacob y konojel ri achi'a' ri xeq'alajirisan ri ruch'abel ri Dios ojer kan, chi ek'o pa rajawaren ri Dios, jari' k'a toq xtok ri oq'ej iwik'in roma bis, y xtiqach'ach'ej iwey roma xixelesex kan.

San Lucas 16:23

Jak'a rija' xa xbe akuchi k'o tijoj-poqonal. Rija' xtzu'un-pe, y jari' toq xutz'et ri Abraham, k'a nej k'a k'o-wi. Xutz'et k'a chuqa' ri Lázaro raq'el-apo chuwa-ruk'u'x ri Abraham.

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

2 Pedro 2:4

Roma ri Dios, ni ri ángel man xerukoch' ta toq xemakun. Xa xeruk'eq k'a akuchi k'o-wi ri tijoj-poqonal y ri q'equ'm. Y wakami chiri' e yakel-wi, koyoben ri q'ij toq xtiq'at-tzij pa kiwi'.