San Lucas 1:78 - Kaqchiquel Bible

⁷⁸ Y ri', xaxe roma ri qa-Dios nujoyowaj qawech rik'in ronojel ajowabel. Roma ri' nuteq-pe ri jun ri nosaqirisan qichin, kan achi'el ri q'ij ri nimaq'a' yan ri xtiqaqa-pe chila' chikaj.

Tuilleadh tionndaidhean

Kaqchikel Santo Domingo (Xenacoj)

⁷⁸ Y keriꞌ ndubꞌen ri qa-Dios, roma santienta ngojrajoꞌ y ndujoyowaj qawech. Roma kꞌa riꞌ, rijaꞌ chikaj nduteq pe ri Jun ri kin nduruyikꞌaj kikꞌaslen ri rutinamit achel ndiyikꞌan ri qꞌij atoq ndeꞌel pe.

Kaqchikel Santa Maria de Jesus

⁷⁸ Y reꞌ, xa ruma ri Ka-Dios nujoyovaj kavach y riqꞌuin nojiel ránima nkojrajoꞌ. Rumareꞌ nutak-pa ri Jun ri nalruyaꞌ sakil chika, ri incheꞌl ri kꞌij xtuꞌon chikacajol antok xtika-pa chicaj.

Kaqchikel Central Guatemala

⁷⁸ Y ri', xaxe roma ri ka-Dios nujoyovaj kavech, riq'uin ronojel ajovabel. Romari' nutek-pe ri Jun ri nosakirisan kichin, ri can achi'el k'ij tok xtika-pe chila' chicaj.

Re C'ac'a Testamento pa Kach'abal

⁷⁸ Y re', xaxe roma re ka-Dios yojrajo' y camas nujoyovaj kavach. Mare' nutak-pa re Jun re ne'sekresan-ka chakavach re can ancha'l nuban re k'ij tak nitzu'un chach re ruch'ulef, quire' xtuban tak xtika-pa chila' chicaj.

Kaqchikel Western Solola

⁷⁸ Y ri', xaxu (xaxe) wi ruma chi ri ka-Dios nujoyowaj kawech riq'ui ronojel ajowabel. Rumari' tek c'a chila' chicaj nutek wi pe Jun ri nosakirisan kiche (kixin), ri can achi'el tek ntel pe ri k'ij.

San Lucas 1:78 Iomraidhean Croise

2 Pedro 1:19

Y re', más nukuquba' qak'u'x chi kan qitzij ri kitz'iban kan ri e q'alajirisey ruch'abel ri Dios. Y kan janila k'a ruk'amon chi yeqak'axaj, roma chuwech re ruwach'ulew k'o jun achi'el q'equ'm. Jak'a ri kich'abel rije' kan achi'el jun q'aq' ri nisaqirisan. Y re', nisaqirisan k'a toq xtipe na ri Jesucristo richin noruq'alajirisaj ronojel, achi'el ri nima-ch'umil ri nel-pe ri nimaq'a' yan.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

Colosenses 3:12

Ri Dios yalan yojrajo', xojrucha' y xuben chiqe chi xojok loq'olej. Roma ri' nik'atzin chi beneq ruwech tik'oje' ri joyowanik qik'in, utz qana'oj tiqabana', man ta niqanimirisaj-qi', oj ch'uch'uj ta y yojkoch'on ta.

Filipenses 2:1

Wach'alal, roma jun chik ibanon rik'in ri Cristo, k'o uxlanibel-k'u'x iwik'in, ri Loq'olej Espíritu nuben chiwe chi kan junan iwech, kan niwajo-iwi' y nijoyowaj iwech chi'iwachibil-iwi'.

Efesios 5:14

Roma ri' k'o jun tzij ri nubij: Rat ri xa achapon waran, tuna' k'a awech; kayakatej-pe chikikojol ri kaminaqi'. y ri Cristo xtusaqirisaj ri ak'aslen, nicha'.

Wuj Richin ri Q'axanri'il 24:17

Yin xintz'et pa wachik', jak'a man jani tik'uluwachitej. Xtik'uluwachitej k'a, jak'a man jani. Chupan-apo ri q'ij ri' xtibek'oje' jun rey chikikojol ri israelita. Xkeruk'is k'a ri aj-Moab, y xkeruk'is ri e rijatzul kan ri Set ri ek'o pa tz'iran ruwach'ulew.

Apocalipsis 22:16

Yin Jesús, nutaqon k'a ri nu-ángel richin nuq'alajirisaj ronojel re' chiwech rix ri molaj nimanela'. Ja yin k'a ri in riy-rumam kan ri rey David ri k'o chi xtipe. Ja yin chuqa' ri achi'el nima-ch'umil ri niyik'lun nimaq'a-yan, xcha'.

1 Juan 3:17

Jak'a wi k'o jun ri k'o ronojel rik'in ri nik'atzin chire, y nutz'et jun rach'alal ri man jun ruway o rutziaq, y kan man nubij ta ránima richin nuto', kan niq'alajin chi man jun ajowabel richin ri Dios rik'in.

Wuj Richin ri Zacarías 6:12

Xkach'on k'a rik'in y xtaya' re jun rutzijol re' chire, yin Jehová k'iytisanel richin ronojel ri yibin: Re wawe' k'o jun ri rubini'an Ri Xjotayin-pe, roma xa xtik'iy-pe achi'el nuben ri ruq'a-che', richin ja rija' xtichojmirisan chik q'anej ri wachoch.

Wuj Richin ri Zacarías 3:8

Wakami k'a, tawak'axaj rat Josué ri at nimalej sacerdote y ri e awachibil. Roma rix kan ix achi'el jun retal richin ronojel ri xtipe, y yin xtink'en-pe ri nusamajel ri xtetamex ruwech chi ja rija' ri xjotayin-pe.

Wuj Richin ri Isaías 11:1

Ri rijatzul kan ri Isaí achi'el jun che' toq choyon chik el. Achi'el ri k'ak'a' taq ruq'a' ri nibejotayin chik pe chire jun kuta'm, keri' chuqa' xtibek'ulun chik pe jun rey chikikojol ri e rijatzul kan ri David.

Filipenses 1:8

Kan retaman k'a ri Dios chi yin kan janila yixinwajo' chi'iwonojel, kan achi'el ri ajowabel ri k'o rik'in ri Jesucristo.

San Juan 3:16

Ri Dios kan janila wi k'a yerajo' konojel ri winaqi', y roma ri' kan xuteq k'a pe ri juney ruk'ajol, richin chi xabachike k'a ri xtukuquba' ruk'u'x rik'in, man k'a xtapon ta chupan ri kamik ri richin jantape', xa kan xtik'oje' k'a ruk'aslen richin q'asen.

Wuj Richin ri Isaías 63:15

Wakami k'a rat qa-Dios, katzu'un k'a pe ri k'a akuchi atk'o-wi; y tatz'eta' jebel k'a chupan ri loq'olej atz'uyubal ri akuchi nitz'etetej-wi ri aruwaq'ijaj. ¿Akuchi k'o-wi ri awajowabal y ri nimalej awuchuq'a'? ¿Akuchi k'o-wi ri ana'oj? Rik'in juba' xk'is yan ri joyowanik ri k'o awik'in pa qawi' roj.

Wuj Richin ri Isaías 63:7

Yin kan ninwajo' yich'on pa ruwi' ri rajowabal ri Dios, y kan ninbixaj bix richin ninya' ruq'ij roma ri xuben pa qawi'. Roma ri nimalej rajowabal pa ruwi' ri tinamit Israel, kan xuk'ut chi kan xojrupoqonaj y kan janila k'iy ri xuben pa qawi'.

Wuj Richin Bix Chire ri Dios 25:6

Jehová, tabana' utzil taya' chik k'a pe pa nuwi' ri awajowabal y ri awutzil ri man e k'isel ta,

Wuj Richin ri Isaías 42:16

Jak'a kan xkenq'axaj pa jun utzilej bey konojel ri e moyi', pa jun bey ri kan man jun bey xketamaj. Kan chikiwech rije' yin xtinben saqil chire ri q'equ'm. Y kan xtintaq'ajuj k'a ri xotoxeq taq bey. Ronojel ri xinbij, kan xtinben.