San Lucas 1:72 - Kaqchiquel Bible

⁷² Xubij chi xtujoyowaj kiwech ri qati't-qamama' ri xek'oje' ojer kan, y kan nuben-wi ri xubij toq xuben ri loq'olej jikibel-tzij.

Tuilleadh tionndaidhean

Kaqchikel Santo Domingo (Xenacoj)

⁷² Chin ndukꞌut chi rujoyowan kiwech ri ojer teq qatit-qamamaꞌ, Y chi ma rumestan ta ri loqꞌolej pacto rubꞌanun.

Kaqchikel Santa Maria de Jesus

⁷² y ruꞌeꞌn chi nujoyovaj quivach ri kateꞌt-kamamaꞌ ri xaꞌcꞌujieꞌ ojier can, y can nuꞌon ri xuꞌej antok xuꞌon ri santo pacto.

Kaqchikel Central Guatemala

⁷² y richin xtujoyovaj chuka' quivech ri kati't-kamama' xec'oje' ojer can, can nuben-vi ri xubij, tok xuben ri lok'olej trato.

Re C'ac'a Testamento pa Kach'abal

⁷² y chuka' xtujoyovaj quivach re kavinak xe'c'ue' ajuer can, y can xtuban-va cumplir re namalaj trato re'.

Kaqchikel Western Solola

⁷² y chuka' rubin ca chi nujoyowaj quiwech ri kati't kamama' ri xec'oje' ojer ca, y chuka' ma numestaj ta ri lok'olaj trato ri xuben riq'ui ri Abraham.

San Lucas 1:72 Iomraidhean Croise

Wuj Richin ri Rutikeribel 12:3

Y xkenwurtisaj ri xke'urtisan awichin rat. Y ri xtikoyoj itzel pan awi', chuqa' yin xtinya' itzel pa kiwi'. Y awoma k'a rat xkenwurtisaj konojel jay winaqi' richin chijun ruwach'ulew, xcha'.

Wuj Richin ri Rutikeribel 22:18

Roma xanimaj nutzij, koma k'a ri awijatzul rat xtinya' k'a urtisanik pa kiwi' tzobaj taq winaqi' richin chijun ruwach'ulew, xcha' ri Dios chire.

Wuj Richin ri Rutikeribel 26:4

Y yin xtinben chi xtik'iyer ri awijatzul achi'el ruk'iyal ri ch'umila' ri ek'o chikaj, y chike k'a ri awijatzul xtinya-wi kan ronojel re ruwach'ulew re'. Chuqa' konojel ri tzobaj winaqi' richin ri ruwach'ulew xtinbenya' urtisanik pa kiwi' koma ri awijatzul rat.

Wuj Richin ri Rutikeribel 28:14

Roma ri awijatzul ri xkebek'oje' achi'el ri poqolaj ri kan man ajlatel ta y xtikinojisaj ri ruwach'ulew, roma xkebek'oje' pa xaman, pa xokon, pa relebel-q'ij y pa qajbel-q'ij. Y awoma rat y koma ri awijatzul xtikik'ul urtisanik ri winaqi' ri pa taq tzobaj kik'uan-ki', chi kach'alal-ki', ri junan kich'abel y junan ri kiruwach'ulew.

1 Crón 16:16

Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,

Wuj Richin Bix Chire ri Dios 105:42

Keri' xuben ri Jehová roma ri ya'on tzij ri rubanon; ri ruch'abel ri rubin kan chire ri Abraham, ri rusamajel.

Wuj Richin Bix Chire ri Dios 106:45

Kan xuch'ob pa ruwi' ri jikibel-tzij ri rubanon kik'in. Y roma ri janila chi rajowabal kan ja ri utz ri xuben kik'in.

Wuj Richin Bix Chire ri Dios 111:5

Konojel k'a ri nikiya' ruq'ij rija', kan yerutzuq k'a. Ri jikibel-tzij ri rubanon, kan jantape' k'o chuk'u'x.

Wuj Richin Bix Chire ri Dios 98:3

Xuben k'a ri rubin chike ri e rijatzul kan ri Israel. Roma ri rajowabal ri man k'isel ta, man yerumalij ta kan. Konojel k'a winaqi' ri ek'o k'a pa taq ruk'isibel chire ri ruwach'ulew xkitz'et ri rukolotajik.

Ez 16:60

Jak'a ri chawech-apo, yin kan xtinben jun utzil chawe, achi'el nubij ri jikibel-tzij ri nubanon awik'in toq rat k'a at xten na. Y kan xtinben k'a jun k'ak'a' jikibel-tzij awik'in richin q'asen.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Wuj Richin ri Chojmirisabelri'il 26:42

Chirij ri' k'ari' xtoqaqa chinuk'u'x ri nujikibel-tzij ri nubanon rik'in ri Jacob, ri Isaac, y rik'in ri Abraham, chuqa' xtoqaqa chinuk'u'x ri ruwach'ulew.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

Romanos 11:28

Ek'o nuwinaq judío ri niketzelaj ri Dios, roma man kiniman ta ri utzilej ch'abel richin kolotajik. Y roma k'a man kiniman ta, ri Dios xuya' ri ruch'abel chiwe rix ri man ix judío ta. Jak'a kan k'a yerajo' na ri nuwinaq, roma e rucha'on y roma chuqa' ri rutzil ri xusuj chike ri ojer taq qati't-qamama'.

Romanos 9:4

Roj ri oj israelita kan xban k'a chiqe roma ri Dios chi xojok ruwinaq. Rija' xuben chike ri qati't-qamama' chi xe'ok ralk'ual. Chuqa' kan xkitz'et k'a ri ruq'ij-ruk'ojlen ri Dios. Kik'in k'a rije' xban-wi ri jikibel-tzij. Ri Dios chike rije' xuya-wi ri pixa', y xuk'ut chikiwech achike rubanikil richin nikiya' ruq'ij. Y chuqa' k'o ri xusuj chike.