San Lucas 1:15 - Kaqchiquel Bible

¹⁵ Roma re alk'ual re' kan xtok nimalej samajel chuwech ri Dios. Roma ri' k'o chi man xtuqum ta vino, ni ch'aqa' chik kiwech ya' ri yeq'abarisan, roma kan k'a man jani nalex kan nojineq chik rik'in ri Loq'olej Espíritu.

Tuilleadh tionndaidhean

Kaqchikel Santo Domingo (Xenacoj)

¹⁵ Porque ri akꞌual riꞌ nim ruqꞌij chuwech ri Dios. Ma jumbꞌey xtutij vino y nixta jun ruwech yaꞌ ri ndiqꞌabꞌarisan, y kꞌajani talex, ja nojneq chik ránima rikꞌin ri Espíritu Santo.

Kaqchikel Santa Maria de Jesus

¹⁵ ruma xticꞌujieꞌ nem rukꞌij choch ri Dios. Man xtukun ta vino, ni nicꞌaj chic roch avarienta, ruma antok xtalax, nojnak chic pa ránima riqꞌuin ri Espíritu Santo.

Kaqchikel Central Guatemala

¹⁵ Roma re avalc'ual re' xtoc nimalej samajel chuvech ri Dios. Man xtukun ta vino, ni ch'aka' chic quivech ya' ri yek'abarisan, roma can pa ralaxic pe ri nojinek ránima riq'uin ri Lok'olej Espíritu.

Re C'ac'a Testamento pa Kach'abal

¹⁵ Roma re avajc'ual camas ruk'ij xto'rbana' chach re Dios. Man xtukum-ta vino, y ni xe-ta nic'aj chic clase ya' re nuban cha jun vinak che nik'abar, roma tak xtalax can nojnak-va-pa re ránma riq'uin re Espíritu Santo.

Kaqchikel Western Solola

¹⁵ Ruma ri awalc'ual xtoc jun samajel ri sibilaj nim ruk'ij xtitz'etetej ruma ri Dios. Ma xtukum ta ruya'al uva, ni nic'aj chic quiwech ya' ri yek'abarisan, ruma chi can pa ralaxic pe nojnek ri ránima riq'ui ri Lok'olaj Espíritu.

San Lucas 1:15 Iomraidhean Croise

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin ri Rutikeribel 48:19

Jak'a ri rutata' man xrajo' ta y xubij chire ri José: ¡Wetaman chik nuk'ajol yin, kan wetaman! Ri nimalaxel xtok na wi jun achin ri janila ruq'ij y xtuben-q'anej jun tinamit, jak'a ri chaq'laxel kan xtik'oje' k'a más nim ruq'ij chuwech re nimalaxel; roma ri rijatzul janila e k'iy ri xkebek'oje' chuwech ri ruwach'ulew, xcha' ri Jacob.

1 Crón 17:8

Kan ink'o awik'in ri akuchi at beneq-wi, janipe' k'a ri e etzelanel awichin kan xenk'is. Kan xinnimirisaj k'a ri abi', achi'el ri nima'q taq achi'a' ri ek'o chuwech ri ruwach'ulew.

1 Crón 29:12

Awik'in rat nipe-wi ri beyomel y ri ruwaq'ijaj. Kan ja rat yaq'aton-tzij pa ruwi' ronojel, y pan aq'a' rat k'o-wi ri uchuq'a'. Keri' chuqa' pan aq'a' k'o-wi ri nanimirisaj ri kiq'ij ri winaqi', y naya' uchuq'a' pa kiq'a' konojel.

Wuj Richin Bix Chire ri Dios 22:9

Jehová, rat xabanon chuwe richin xinalex rik'in ri nte'. Kan k'a yitz'uman na, toq kan ja yan ri' xinachajij.

Wuj Richin ri Jeremías 1:5

Toq k'a man jani katintz'uk rik'in ri ate'; yin kan wetaman chik awech. Kan k'a man jani k'a katalex, toq yin at nucha'on chik. Xatincha' richin naq'alajirisaj ri nuch'abel chikikojol konojel tzobaj winaqi' richin re ruwach'ulew, xcha'.

Wuj Richin ri Jeremías 35:6

Jak'a rije' xkibij chuwe: Man niqaqum ta vino, roma ri Jonadab ri ánima qamama' xubij kan chiqe chi man jun bey tiqaqum vino, roj y ni ri qijatzul.

Wuj Richin ri Chojmirisabelri'il 10:9

Rat y ri e ak'ajol man nitej k'a vino, ni man jun chik ri niq'abarisan toq k'a man jani yixok-apo chupan ri wachoch richin man yixken ta. Re' kan jun pixa' re ninya' chiwe ri xtik'atzin chike ri iwijatzul richin jantape'.

Wuj Richin ri Zacarías 9:15

Yin kan xkixinto' k'a, y ri e etzelanel iwichin kan xke'ixeq', y xke'ich'ek rik'in ri iwikeq'. Rix kan xtiben chike chi xtitix ri kikik'el achi'el toq nitix ri vino. Rix kan xkixnoj k'a rik'in ri oyowal, achi'el ninoj ri xára ri nik'ulu ri kik' richin jun kamelabel.

San Lucas 1:14

Re ak'ual re' xtuk'en-pe janila kikoten chawe rat y chike janila chi winaqi'.

San Lucas 7:28

Tiwetamaj k'a, chi janipe' winaqi' ri e alaxineq chuwech re ruwach'ulew, man jun k'a ri más ta ruq'ij chuwech ri Juan. Jak'a ri más maneq ruq'ij pa rajawaren ri Dios xa kan más nim ruq'ij chuwech ri Juan, xcha'.

San Lucas 7:33

Roma toq xok'ulun ri Juan, rija' xmewayin, y man xuqum ta chuqa' ri vino. Jak'a rix xibij chire chi rija' k'o itzel espíritu rik'in.

San Juan 5:35

Ri Juan kan xuya' k'a ri saqil chiwe. Y rix xirayij y xixkikot k'a rik'in ri saqil ri', jun ka'i-oxi' q'ij.

Hechos 2:4

Xbanatej k'a chi ri Loq'olej Espíritu xunojisaj ri kánima, y jari' toq xech'on pa ch'aqa' chik ch'abel ri man kich'abel ta rije'.

Gálatas 1:15

Xa kan k'a man jani kinalex,*f1* ja yan ri' xirucha' ri Dios, y rik'in ri rutzil xiroyoj.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

Wuj Richin ri Josúe 3:7

K'ari' ri Jehová xubij chire ri Josué: Chupan k'a re q'ij re', xtinchop ninnimirisaj aq'ij chikiwech konojel ri awinaq, richin chi niq'ax chikiwech chi achi'el xik'oje' rik'in ri Moisés, kan keri' chuqa' xkik'oje' awik'in rat.

Wuj Richin ri Josúe 4:14

Chupan k'a ri q'ij ri', ri Jehová xunimirisaj ruq'ij ri Josué chikiwech konojel ri ruwinaq, kan xkiya' k'a rejqalen y xkinimaj k'a rutzij ri Josué ronojel q'ij chire ri ruk'aslen, achi'el xkiben rik'in ri Moisés.