Wuj Richin ri Chojmirisabelri'il 5:1 - Kaqchiquel Bible

¹ Ja mak re' ri nik'atzin chi nisuj jun chikop richin nikuyutej rumak ri wineq: Wi jun ri nimakun ta roma noyox richin nubij ronojel ri xutz'et, richin nuq'alajirisaj ri achike xutz'et o xretamaj y man nrajo' ta nubij;

Wuj Richin ri Chojmirisabelri'il 5:1 Iomraidhean Croise

1 Rey 22:16

Y ri Acab xubij chik chire: ¡Janipe' mul nubin chik chawe chi toq rat yach'on wik'in pa rubi' ri Jehová, kan tabij k'a ri qitzij chuwe!, xcha'.

1 Rey 8:31

Y wi k'o ta jun ri k'o numakuj chuwech ri rachpochel, y nik'amer-pe chuwech re porobel re', chupan re awachoch richin nuya' rutzij chi wi aj-mak o man aj-mak ta,

2 Crón 18:15

Y ri Acab xubij chik chire: ¡Janipe' mul nubin chik chawe chi toq rat yach'on wik'in pa rubi' ri Jehová, kan tabij k'a ri qitzij chuwe!, xcha'.

Wuj Richin Bix Chire ri Dios 38:4

Y roma ri ralal kan yijiq' yan. Kan achi'el k'a jun ejqa'n rubanon chuwij, ri kan man yitikir ta nink'uaj.

Ex 22:11

ri wineq ri achoq ik'in k'o-wi kan ri chikop ri', kan xtuya' k'a rutzij chuwech ri Jehová chi man ja ta rija' ri xbanon chi keri' xuk'uluwachij ri chikop ri'; y roma ri' ri rajaw kan xtunimaj k'a y kan man jun ri xtutoj.

Wuj Richin Etamabel-Tzij 29:24

Ri wineq ri xa junan ruwech rik'in ri eleq'om, xa nretzelaj-qa ri ruk'aslen, roma kan bin chire chi tisujun y man nisujun ta.

Wuj Richin Etamabel-Tzij 30:9

Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe, o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Wuj Richin ri Jeremías 23:10

Chijun ri ruwach'ulew kan e nojineq rik'in ri e q'alajirisanela' ri', wineq ri kan xaxe ri etzelal ri nikiben. Y koma rije', ri ruwach'ulew kan xchaqi'j-qa y ri soq'olbel ri ek'o pa tz'iran ruwach'ulew chuqa' xechaqi'j-qa. Man rik'in ri' kan man nikiben ta pa ruchojmilal y nikikusaj ri kuchuq'a' man pa ruchojmilal ta.

Ez 18:20

Xa kan xaxe ri wineq ri nimakun ruk'amon richin nrejqalej ri rumak, ni ta ri alk'ualaxel man xtrejqalej ta ri rumak ri rutata', ni ta k'a ri tata'aj man xtrejqalej ta ri rumak ri alk'ualaxel. Ri choj ruk'aslen kan xtuk'ul k'a rajel ruk'exel, roma pa ruchojmilal ri xuben; jak'a ri banoy etzelal kan xtuk'ul k'a rutojbalil roma ri etzelal ri xuben.

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

Wuj Richin ri Chojmirisabelri'il 17:16

Y wi man natin ta y man nuch'ej ta ri rutziaq kan xtrejqalej k'a ri mak, xcha' ri Jehová.

Wuj Richin ri Chojmirisabelri'il 19:8

Xabachike k'a ri xtitijo ri ti'ij ri' pa rox q'ij, kan ja rija' nejqalen ri rumak. Y re wineq re' kan xtelesex-el chi'ikojol, roma xuben chire chi maneq rejqalen ri jachon chuwe yin.

Wuj Richin ri Chojmirisabelri'il 20:17

Wi k'o ta jun achin nuchop-qa ri rana' o yijrana' richin nik'oje-qa rik'in, chi e ka'i' k'a xke'elesex-el chi'ikojol rix, roma re' kan jun nimalej mak y chuqa' jun nimalej k'ix, roma xuben chire rija' chi man jun rejqalen, y ri nibanon keri' kan xtrejqalej k'a ri rumak.

Wuj Richin ri Chojmirisabelri'il 4:2

tubij chike ri ruwinaq chi wi k'o ta jun wineq ri nuq'ej ruwi' ri pixa' richin jantape' y man ruch'obon ta richin keri' nuben; kan kere' k'a ri xtuben:

Wuj Richin ri Chojmirisabelri'il 5:15

Wi k'o jun chiwe rix ri xtumestaj ta chi k'o chi nuya' jun sipanik chuwe yin, y toq xtunabej chi xa xmestan, xtuk'en k'a pe jun achij karne'l o jun achij tzuntzun e tz'aqet, richin nok ruk'exel ri mestan. Y keri' ri rubanik richin xtitoj ri sipanik ri xtimestex. Y chiri' xtikiya' k'a jun rajel ri chikop richin ruk'exel. Y pa ruwi' ri chikop ri nuya', k'o chik chi nuya' juba' méro ri ruk'exewach ri ro' chire ri rajel ri xtz'et chirij ri chikop. Y re méro re' xtujech k'a pa ruq'a' ri sacerdote. Y ri chiri' pa wachoch, chiri' k'o-wi ri qitzij etabel richin ri k'o chi nutoj kan. K'ari' ri sacerdote xtusuj ri chikop richin jun kamelabel roma ri ch'a'oj ri'. Y kan xtikuyutej k'a ri rumak, y nink'en chik ruwech ri wineq.

Wuj Richin ri Chojmirisabelri'il 5:17

Wi k'o jun chiwe rix nuq'ej ruwi' jun chike ri nupixa', stape' man retaman ta chi xa man utz ta ri banobel ri', rija' kan nimakun y kan nrejqalej-wi ri rumak.

Wuj Richin ri Chojmirisabelri'il 7:18

Y wi ta ek'o ri yetijo ri pa rox q'ij, ri kamelabel ri xisuj kan man xtink'awomaj ta y man jun chik xtuq'ajuj, roma ri ti'ij ri' kan chuwirineq chik chinuwech yin, y ri xtitijo ja rija' ri xtejqalen ri mak.

Wuj Richin ri Q'axanri'il 9:13

Jak'a ri wineq ri ch'ajch'oj, wi man beneq ta nej chire ri rutinamit y man nunimaq'ijuj ta ri q'ij ri', rija' k'o chi nelesex-el chi'ikojol, roma man xuya' ta apo ri sipanik chire ri Jehová chupan ri q'ij y kan nrejqalej k'a ri rumak.

San Mateo 26:63

Jak'a ri Jesús man jun ch'abel xubij. Y ri Caifás xubij chire: Kan chuwech k'a ri k'aslik Dios tabij chiqe wi ja rat ri Cristo ri ruk'ajol, xcha'.

1 Pedro 2:24

Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.

Wuj Kichin ri To'onela' 17:2

Re achin re' xubij chire ri rute': Nána, ri juwineq lajuj libra saqipueq ri xabij chuwe chi xeleq'ex awik'in y rat kan xawoyoj etzelanik pa ruwi' ri xeleq'an; ri saqipueq ri' xa wik'in yin k'o-wi, xa ja yin xineleq'an awik'in, xcha'. Y roma ri' toq ri te'ej xubij chire: Ja ri Jehová xkaturtisan, wal yin, xcha'.