Wuj Richin ri Chojmirisabelri'il 3:3 - Kaqchiquel Bible

³ Ri rajaw ri chikop xtusuj ri rusipanik richin nijunamatej-ruwech wik'in; k'o chi nusuj ri ruq'anal ri k'o chirij ri rixkolob y chuqa' ri k'o chirij ri rupan.

Wuj Richin ri Chojmirisabelri'il 3:3 Iomraidhean Croise

Wuj Richin Bix Chire ri Dios 119:70

Rije' kan man nikina' ta toq yemakun, jak'a yin kan yikikot toq ninben ri nubij ri apixa'.

Ex 29:13

Ronojel k'a ri ruq'anal ri k'o chirij ri rixkolob, ri k'o chirij ri rusase', ri k'o chikij ri rukinaq', xtaporoj k'a pa ruwi' ri porobel.

Ex 29:22

Xeri' xtamol ronojel ri ruq'anal ri achij karne'l ri', ri rujey ri jebel q'en, ri ruq'anal ri k'o chirij ri rixkolob y ri ruq'anal ri k'o chirij ri rusase', ri ka'i' rukinaq' rachibilan ri kiq'anal y chuqa' ri racheq ri k'o pa rijkiq'a'. Keri' rubanik xtaben chire roma re' jun kamelabel richin yeya'ox kan pa samaj.

Wuj Richin Etamabel-Tzij 23:26

Rat, nuk'ajol yin, kan tajacha' k'a chuwe ri nojibel ri k'o pan awánima, richin nataqej ri nuch'abel; richin kan jebel k'a xtatzu' y jebel chuqa' xtana' chupan ri nubey yin.

Wuj Richin ri Isaías 6:10

Y rat Isaías, kan tabana' chike re awinaq re' richin kan xtikikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, xcha'.

Ez 36:26

Kan xtinwelesaj-el ri kow iwánima ri achi'el abej rubanon y xtinya' jun iwánima ri kan k'es, richin nimey-tzij. Kan keri' k'a xtinya' jun k'ak'a' iwánima ri más ch'uch'uj.

Ez 44:15

Jak'a ek'o levita ri e rijatzul kan ri Sadoc ri kan xkiben ronojel pa ruchojmilal toq ri ch'aqa' chik israelita xkijech'ej kan ki' chire ri nubey. Re sacerdote re' utz k'a xkejel-apo chinuwech richin nikisuj ri q'en y ri kik' richin ri kamelabel pa ruwi' ri porobel.

Wuj Richin ri Chojmirisabelri'il 1:12

K'ari' ri rajaw xtuk'ajij ri ti'ij, y jun chike ri sacerdote nucholajij pa ruwi' ri si' ri k'o pa ruwi' ri porobel, junan rik'in ri rujolon y ri ruq'anal ri k'o chirij ri rixkolob.

Wuj Richin ri Chojmirisabelri'il 1:8

K'ari' nikicholajij pa ruwi' ri porobel ri ruch'akul ri chikop, ri rujolon y ri ruq'anal ri k'o chirij ri rixkolob.

Wuj Richin ri Chojmirisabelri'il 16:25

Y ri Aarón xtuk'uaj-apo ri kiq'anal ri chikopi' ri xerukamisaj richin kamelabel richin kuyubel-mak, y xtuporoj pa ruwi' ri porobel.

Wuj Richin ri Chojmirisabelri'il 3:16

Y ri sacerdote xtuporoj ronojel re' pa ruwi' ri porobel, y re' kan nijubulin chinuwech: Ri sipanik ri' xtisuj chinuwech yin achi'el jun q'utun. Ronojel q'en kan wichin yin.

Wuj Richin ri Chojmirisabelri'il 3:2

Ri rajaw xtuya' ri ruq'a' pa ruwi' ri chikop y xtukamisaj chuchi' ri wachoch richin molojri'il, y ri e sacerdote ri e rijatzul ri Aarón xtikichikaj ri kik' chi kaji' ruwech ri porobel y pa taq ruxikin.

Wuj Richin ri Chojmirisabelri'il 3:4

Y xtusuj chuqa' ronojel ri q'en ri k'o chikij ri e ka'i' rukinaq', ri k'o chirij ri tzan-racheq, y chuqa' ri q'en ri k'o chirij ri rusase'.

Wuj Richin ri Chojmirisabelri'il 4:10

Kere' niban chire ronojel ri nelesex kan chire ri wákix, y ri sacerdote, ja rija' ri niporon ronojel re' pa ruwi' ri porobel achi'el toq niporox ri sipanik richin nijunamatej-ruwech wik'in.

Wuj Richin ri Chojmirisabelri'il 7:30

Y rija' xtuk'en-pe pa ruq'a' ri ruq'anal y ri ti'ij richin ri ruwa-ruk'u'x ri chikop richin xtusuj chinuwech. Y re sipanik re' kan xtusiloj pa ruq'a' achi'el niban chire ri ch'aqa' chik kamelabel ri nisilox chinuwech.

Wuj Richin ri Chojmirisabelri'il 7:5

K'ari' ri sacerdote xtuporoj ronojel re' pa ruwi' ri porobel. Re' jare' ri kamelabel ri poron chinuwech yin, k'o chi nibe pa ruwi' ri ruk'exel ri sachineq.

Wuj Richin ri Chojmirisabelri'il 9:10

Y pa ruwi' ri porobel, rija' xuporoj ronojel ri q'en, ri ka'i' rukinaq' y ri q'en ri k'o chirij ri sase' ri elesan-pe chire ri wákix, kan achi'el ri rubin ri Jehová chire ri Moisés chi tubana' ri Aarón.

San Mateo 13:16

Jak'a rix nutijoxela', kan jebel wi ruwa-iq'ij, roma ri runaq'-iwech kan yetzu'un-wi jebel. Ri ixikin kan ye'ak'axan-wi.

San Mateo 15:8

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin.

Romanos 5:5

Y wi k'o qik'in re' man niqamalij ta qak'u'x. Y ronojel re' nibanatej roma ri Dios ruya'on ri Loq'olej Espíritu qik'in richin runojisan ri qánima chi ajowabel.

Romanos 6:6

Toq rubanon kan, xqak'uaj jun itzel k'aslen. Jak'a re wakami ri itzel k'aslen ri' xbajix rik'in ri Jesucristo chuwech ri cruz. Y roma ri' ri itzel rayibel richin ri mak xk'is, y man oj ximil ta chik pa ruq'a' ri mak ri'.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

1 Sam 2:15

Y pa ruwi' ronojel ri nikiben, chuqa' yekelesaj-pe ti'ij ri man jani telesex kan ri q'en chirij richin nisuj chuwech ri Jehová. Y keri', napon k'a ri kisamajel y nubij chire ri rajaw ri chikop: Taya-pe re ti'ij chuwe, richin ninbenbana' ri kirayibel ri sacerdote, roma rije' man niqa' ta chikiwech ri ti'ij roqowirisan chik. Xa kan k'a rex na ri nikajo' richin nikisa', nicha' ri samajel.