Wuj Richin ri Chojmirisabelri'il 26:4 - Kaqchiquel Bible

⁴ yin xtinteq k'a pe job pa ruq'ijul, y ri itiko'n y ri che' kan janila xkewachin.

Wuj Richin ri Chojmirisabelri'il 26:4 Iomraidhean Croise

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

Wuj Richin ri Achin Job 5:10

Ja rija' ri niya'on-pe ri job pa ruwi' ri ruwach'ulew. Nuteq k'a pe ri ya' pa ruwi' ri ulew ri yetikonej chuwech.

Wuj Richin Bix Chire ri Dios 104:13

Jehová, kan k'a chila' chikaj akuchi atk'o-wi, naya'aj-pe re ruwach'ulew. Rik'in k'a ri asamaj rat yech'uch'u' konojel ri ek'o chuwech re ruwach'ulew.

Wuj Richin Bix Chire ri Dios 67:6

Re ruwach'ulew kan xtiwachin k'a; roma rat xqojawurtisaj, rat ri at qa-Dios.

Wuj Richin Bix Chire ri Dios 67:7

Nimalej Dios kan qojawurtisaj k'a, konojel k'a winaqi' richin chijun ruwach'ulew tikiya' aq'ij.

Wuj Richin Bix Chire ri Dios 68:9

Nimalej Dios, rat xaben chi xpe janila chi job; ri atinamit ri nimayamo' yan qa xaben chire chi xk'oje' chik el ruchuq'a'.

Wuj Richin Bix Chire ri Dios 85:12

Ri Jehová kan xtuya' k'a ri urtisanik pa qawi', y ri qaruwach'ulew kan xtiwachin k'a.

Wuj Richin Bix Chire ri Dios 85:13

Rija' nuteq-pe nabey ri ruchojmilal, y nuya' jun retal richin roj niqatzeqelibej.

Wuj Richin ri Isaías 30:23

Chupan ri q'ij ri', ri Jehová kan xtuya-pe job pa ruwi' ri qasanbel-ulew, y ri ulew ri' kan xtuya' pa ruk'iyal ronojel. Chuqa' ri iwawej kan k'o jebel akuchi xkeyuq'ux-wi.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

Wuj Richin ri Jeremías 14:22

¿K'o kami jun chike ri wachibel ri xa man qitzij dios ta, ri nitikir ta nuya-pe job? ¿Ja kami ri kaj ri niya'on-pe ri job? ¡Ni, Jehová ri qa-Dios roj! Xaxe rat ri yaya'on-pe ri job, ja rat ri yabanon re ronojel re'. Roma ri' ronojel niqoyobej awik'in rat, xicha' chire.

Ez 36:30

Kan xtinben k'a chi janila xkewachin ri jalajoj ruwech che' y kan xtiwachin k'a ri ulew, richin man jun bey chik xtiqasex iq'ij chikikojol ri ch'aqa' chik winaqi' roma wayjal.

Joel 2:22

Chuqa' man tixibij-iwi' rix chikopi' ri ixk'o pa k'echelaj, roma ri q'os ri k'o pa taq'aj xkeberaxer chik pe jun bey. Chuqa' ri che' xkewachin chik, achi'el ri wíkix; y kan pa ruk'iyal k'a xtik'oje' ruwech ri uva.

Wuj Richin ri Chojmirisabelri'il 25:19

Ri ulew kan xtiwachin k'a y xtitej ronojel ri xtuya' y kan xtinoj k'a ipan chire y kan xkixk'ase' chiri' rik'in uxlanibel-k'u'x.

Wuj Richin ri Chojmirisabelri'il 25:21

Jak'a yin kan xtinteq k'a pe urtisanik chupan ri ruwaq juna' richin pa ruk'iyal xtiwachin ri itiko'n, y re' kan xkixruben richin ka'i' chik juna'.

Wuj Richin ri Zacarías 8:12

Chupan ri q'ij ri' ri ija'tz kan jebel xkebos-pe, y ri juwi-uva xa kan xtik'oje' ruwech. Ri qasanbel-ulew kan xtik'ase' ri tiko'n chuwech, y xtinben k'a chi xtiqaqa raxq'ab pa ruwi' ri iruwach'ulew. Chuqa' xtinben chi ri iwinaq ri xek'oje' kan, kan xtok kichin ronojel re'.

San Mateo 5:45

Richin keri' kan niq'alajin-wi chi rix ix ralk'ual ri aj-chikajil qatata'. Roma rija' kan utz wi k'a pa qawi' qonojel. Kan k'a chila' chikaj nuben-pe chi k'o ri rusaqil ri q'ij pa kiwi' ri winaqi' e utz y pa kiwi' ri winaqi' e itzel; kan k'a chila' k'a chuqa' nuben-pe chi k'o job pa kiwi' ri winaqi' e choj y ri man e choj ta.

Hechos 14:17

jak'a kan ruq'alajirisan-wi k'a ri' chikiwech, rik'in ri nuya-pe job ri chikaj, nuya-pe tiko'n, y kan nuya' k'a pe ronojel richin nitij, richin keri' nikikot ri kánima. Kan ruya'on-wi-pe rutzil pa qawi' qonojel, xecha' ri Pablo y ri Bernabé.

Deut 11:13

Wi rix kan xtitaqej ri pixa' ri xinya' chiwe re q'ij re', y kan niwajo' ri Jehová ri qa-Dios, y kan nisamajij rik'in ronojel iwánima y chijun ri ik'aslen,

Deut 11:14

rija' kan xtuya-pe ri job pa ruq'ijul pa ruwi' ri ruwach'ulew. Keri' chuqa' xtuya-pe ri saq'ij richin keri' xtik'ol ri jalajoj ruwech ixin, ri vino y ri aceite richin olivo.

Deut 28:12

Kan xtuya' k'a ri beyomel chiwe y ri kaj kan xtijaqatej richin xtiqaqa-pe job pa ruq'ijul. Y ronojel ri isamaj kan utz xtuben chiwech. Y ri ch'aqa' chik ruwach'ulew xkeqajon iwik'in, jak'a rix kan man jun ri xtik'utuj ta pa qajik chike rije'.

Santiago 5:7

Wach'alal, ninbij k'a chiwe chi kixkoch'on, y man tiya' kan ri koch'onik ri', k'a toq xtapon ri q'ij toq xtipe chik jun bey ri qajaw. Achi'el nuben jun tikonel pa juyu', nikoch'on y nroyobej ri nabey y ruk'isibel taq job, k'a chirij ri' k'ari' nuk'ol ri ruwech ri rutiko'n.

Apocalipsis 11:6

Ri e ka'i' samajela' ri' kan ya'on k'a uchuq'a' pa kiq'a' richin nikiq'et ri job chupan ri q'ij ri kiq'alajirisan. Yetikir chuqa' nikiben chi ri ya' nok kik' y yekiya' nima'q taq ruk'ayewal pa kiwi' ri winaqi' ri ek'o chuwech ri ruwach'ulew, ri janipe' nikajo' rije'.