Wuj Richin ri Chojmirisabelri'il 26:1 - Kaqchiquel Bible

¹ Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.

Wuj Richin ri Chojmirisabelri'il 26:1 Iomraidhean Croise

2 Rey 17:10

Chuqa' xekipaba-q'anej che' richin ri Asera, y wachibel kichin ch'aqa' chik dios pa ronojel ruwi' nima'q taq juyu', y chuxe' ronojel taq che' ri janila ruxaq.

2 Rey 17:16

Xa xkiya' k'a kan ri pixa' richin ri Jehová ri ki-Dios, y xa xkiben k'a ruwachibel ka'i' nima-alaji' achija' taq wákix ya'erisan pa q'aq'. Chuqa' xkiben ruwachibel ri Asera, y xkiya' kiq'ij ri ch'umila', ri ik', ri q'ij y ronojel ri ek'o chuwech ri kaj, y xkisamajij k'a ri Baal.

2 Rey 17:8

xa xekitzeqelibej ri kibanobal ri ch'aqa' chik tzobaj winaqi' aj-Canaán, ri kan man niqa' ta chuwech ri Jehová. Y roma re banobel re' kan xe'elesex-el chikikojol ri israelita. Y pa ruwi' ri', ri israelita kan xkitaqej ri itzel kibanobal ri xekiben ri ki-rey.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

Wuj Richin Bix Chire ri Dios 97:7

Chi'iwonojel rix ri ye'isamajij ri wachibel e toch'on, kan kixk'ixbitej k'a; keri' chuqa' rix ri yixkikot kik'in ri wachibel. Rix dios kichin ri ch'aqa' chik ruwach'ulew, kixxuke' richin niya' ruq'ij ri Jehová.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 20:23

Roma ri' man utz ta chi rix xke'ibanala' ta pe chinuwech yin, ch'aqa' chik dios ri e banon rik'in saqipueq o ri e banon rik'in q'anapueq, richin chi niya' kiq'ij.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Ex 34:17

Man k'a ke'iben ch'aqa' chik dios ri e banon rik'in ch'ich' ya'erisan pa q'aq'.

Wuj Richin ri Isaías 2:20

Chupan k'a ri q'ij ri', ri winaqi' xtikik'uaj-el ri wachibel ri e kibanalon rik'in q'anapueq y saqipueq, ri e kibanalon richin xekiya' kiq'ij, y xtikik'aqala-el k'a akuchi ek'o-wi ri ch'oy y ri sotz'.

Wuj Richin ri Chojmirisabelri'il 19:4

Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin.

Wuj Richin ri Chojmirisabelri'il 25:55

Yin Jehová ri i-Dios ri yibin chi kan titaqej k'a ronojel re' roma rix ix nusamajela' yin. Ja yin xinelesan-pe iwichin chupan ri ruwach'ulew Egipto.

Wuj Richin ri Q'axanri'il 33:52

k'o chi xke'ikamisaj k'a konojel ri winaqi' aj chiri'. Chuqa' xke'iwulaj kan ronojel wachibel ri nikiya' kiq'ij, ri ki-dios ri xa e banon rik'in abej o e ya'erisan pa q'aq'. Chuqa' xke'iwulaj kan akuchi nikiya-wi kiq'ij wachibel pa ruwi' taq juyu'.

Hechos 17:29

Wi kan oj ralk'ual k'a ri Dios, man xqojtikir ta xtiqabij Dios chire jun wachibel ri xa winaqi' e banayon. Y ri' stape' ta rik'in q'anapueq o saqipueq o rik'in abej banon-wi, roma xa ruch'obonik jun wineq.

Deut 5:6

Ja yin Jehová ri i-Dios, ri xinelesan-pe iwichin ri chiri' pan Egipto, akuchi xixyuqe-wi pa samaj.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.

Wuj Kichin ri To'onela' 18:30

Y ri rijatzul ri Dan ri xe'apon chiri' xkipaba-q'anej ri wachibel toch'on; y ri levita ri kik'uan-el, rubini'an Jonatán, ruk'ajol ri Guersón y rumam kan ri Moisés. Ri Jonatán y ri e rijatzul jari' ri xe'ok sacerdote chikikojol ri tzobaj richin Dan, k'a ri q'ij toq xe'uk'uex-el pa ximonri'il.