Wuj Richin ri Chojmirisabelri'il 22:3 - Kaqchiquel Bible

³ Chuqa' tabij chike rije': Xabachike chike ri iwijatzul ri ek'o wakami y ri xkepe chiwech-apo, wi xtijel-apo rik'in ri sipanik ri sujun chuwe yin Jehová, koma ri iwinaq, y ri sacerdote ri' xa man ch'ajch'oj ta, kan xtelesex k'a el chinuwech yin; yin Jehová ri yibin.

Wuj Richin ri Chojmirisabelri'il 22:3 Iomraidhean Croise

Wuj Richin ri Esdras 8:28

Y chuqa' xinbij chike: Rix kan ix ch'aron chire ri Jehová y chuqa' re samajibel re', re saqipueq y re q'anapueq. Re sipanik re' kan xkiya' rik'in ronojel kánima chire ri Jehová Dios, ri qa-Dios y ri ki-Dios ri qati't-qamama'.

Wuj Richin Bix Chire ri Dios 16:11

Xtak'ut k'a chinuwech ri bey richin k'aslen. Awik'in rat kan k'o kikoten richin jantape'. Kan jebel k'a ri k'aslen awik'in rat

Wuj Richin Bix Chire ri Dios 51:11

Man tawelesaj-el ri Loq'olej Espíritu wik'in. Chuqa' man yinaya' kan nej.

Ex 30:33

Roma ri' wi k'o jun ri nibanon aceite achi'el re wichin yin, o k'o ta jun ri niq'ejo pa ruwi' jun xabachike wineq, ri xtibanon keri' kan jumul k'a telesex-el chi'ikojol.

Wuj Richin ri Chojmirisabelri'il 22:2

Tabij chire ri Aarón y chike ri e ruk'ajol: Kan tiya' rejqalen ri sipanik ri nikisuj ri iwinaq, richin keri' man niyoq' ta ri nubi'; yin Jehová ri yibin.

Wuj Richin ri Q'axanri'il 19:13

Y wi ri wineq ri nuchop jun ch'akulaj richin jun kamineq xa man nrajo' ta nuch'ajch'ojirisaj-ri', kan nuben chuqa' chi man ch'ajch'oj ta chire ri wachoch richin molojri'il. Ri wineq ri' xtiwelesaj k'a el chi'ikojol, roma man xchikex ta ri ya' ri richin ch'ajch'ojirisanik chirij y kan xtrejqalej k'a ri rumak.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

2 Tesalonicenses 1:9

Ri rutojbalil ri xtiya'ox chike kan richin jantape'. Y xke'elesex k'a el nej chire ri ajaw y chire ri ruk'ojlemal y ruchuq'a'.