Wuj Richin ri Chojmirisabelri'il 2:13 - Kaqchiquel Bible

¹³ Y ri jalajoj ruwech ixin ri nasuj, naya' atz'an rik'in, y man jun bey xtasuj wi maneq atz'an rik'in, roma ri atz'an jun retal richin jun jikibel-tzij chiqakojol; y ronojel k'a re sipanik re' kan k'o atz'an rik'in.

Wuj Richin ri Chojmirisabelri'il 2:13 Iomraidhean Croise

2 Crón 13:5

¿Man iwetaman ta k'a rix, chi ri Jehová ri qa-Dios qonojel ri oj rijatzul kan ri Israel, kan xujech richin q'asen ri q'atbel-tzij pa ruq'a' ri David y pa kiq'a' ri e rijatzul toq xuben ri jikibel-tzij rik'in?

Wuj Richin ri Esdras 7:22

K'atzinel richin niya' oxk'al wolajuj quintal saqipueq, 350 quintal trigo, 2,200 litro vino, 2,200 litro aceite richin olivo y ri atz'an ri janipe' nrajo' rija'.

Ex 30:35

K'ari' kik'in re jalajoj kiwech q'ayis re' tiban k'a jun jubulej ruwech pom, kan achi'el rubanik nuben jun banoy jubulej taq aq'om. Tiwatz'amij k'a, jebel ch'ajch'oj tibana' chire y tibana' chi jari' ri nukusex pa nusamaj yin.

Ez 43:24

K'ari' xtasuj chinuwech y ri sacerdote xtikiya' atz'an chikij ri kich'akul y xkekiporoj jumul chinuwech yin richin nikiya' nuq'ij.

Wuj Richin ri Q'axanri'il 18:19

Kan ronojel k'a ri sipanik ri nisilox chinuwech, ri nikiya' ri awinaq, re' kan awichin k'a rat y kichin chuqa' ri awalk'ual, ri kan k'a ek'o na awik'in y re' kan kere' k'a xtuben-apo richin jantape'. Re' kan xtok k'a jun jikibel-tzij chinuwech yin, awichin rat y kichin chuqa' ri awijatzul, y man jun k'a xtijalo richin, xcha'.

San Mateo 5:13

Ja rix ri ix achi'el atz'an chikikojol ri winaqi'. Jak'a wi ta ri atz'an nik'is ta el ri ratz'amil, xa kan man jun chik k'a banel richin ta natz'amin. Xa man jun chik k'a nik'atzin-wi; xa kan xaxe chik k'a nik'atzin chi nik'aq-el y yeq'ax ri winaqi' pa ruwi'.

Colosenses 4:6

Kan ta ronojel ri nibij k'o ta utzil nuk'en-pe. Kan ta achi'el toq k'o atz'an rik'in ri iq'utun, keri' ta ri ich'abel richin chi kan xaxe ta k'a ri ruk'amon ri nibij chike konojel ri k'o nikik'utuj chiwe.