Wuj Richin ri Chojmirisabelri'il 2:12 - Kaqchiquel Bible

¹² Jak'a toq nisuj ri nabey ruwech tiko'n, utz chuqa' nisuj ri ch'amilej-q'or y ri kab ri nikiya' ri taq chikopi', xaxe man niporox ta richin nijubulin chinuwech yin.

Wuj Richin ri Chojmirisabelri'il 2:12 Iomraidhean Croise

Wuj Richin ri Rutikeribel 23:17

Ri rulew k'a ri Efrón k'o k'a pa Macpelá y jare' ri xok kan richin ri Abraham. Y re ulew re' tikil che' chuwech y k'o ri jul chupan y pa relebel-q'ij chire ri Mamré k'o-wi.

2 Crón 31:5

Y toq ri israelita xkak'axaj re', kan rik'in k'a ronojel kánima xkiya-apo ri nabey taq ruwech kitiko'n, ri jalajoj ruwech taq ixin, ri k'ak'a' ruya'al uva, ri aceite richin olivo, ri kab ri nikiya' taq chikopi' y ronojel k'a ri yetik pa juyu'. Chuqa' xkiya-apo ri jun chire ri lajuj chire ri kitiko'n; y pa ruk'iyal k'a ri xkiya'.

Ex 22:29

Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin.

Ex 23:19

Xtik'en k'a pe chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.*f9*

Ex 34:22

Chuqa' xtinimaq'ijuj toq napon ri kawineq lajuj q'ij, xtinimaq'ijuj toq napon ri ruq'ijul richin niq'et ri nabey taq ruwech ri i-trigo y chuqa' xtinimaq'ijuj toq napon ri ruq'ijul richin nik'ol ronojel ruwech ri itiko'n.

Wuj Richin ri Chojmirisabelri'il 23:10

Kere' k'a tabij chike ri awinaq: Toq rix xixok yan chupan ri ruwach'ulew ri xtinya' chiwe richin niwichinaj kan, y toq xtiq'et k'a ri jalajoj ruwech ixin, k'o chi nik'en-pe ri nabey q'etaj chire ri sacerdote.

Wuj Richin ri Chojmirisabelri'il 23:17

Rix y ri aj pan iwachoch, k'o chi nik'uaj-el ri sipanik ri' richin nisuj chinuwech; ka'i' kaxlan-wey nima'q, y chikijujunal nikusaj kaji' libra k'ej chayun ri más jebel, y ri kaxlan-wey ri' banon rik'in ch'amilej-q'or.

Wuj Richin ri Chojmirisabelri'il 7:13

Y pa ruwi' ronojel re' rija' xtuk'en-pe kaxlan-wey ri k'o ch'amilej-q'or rik'in.

Wuj Richin ri Q'axanri'il 15:20

Toq nabey mul xtiben ri iway, k'o chi niwelesaj kan juba' ke'en y niben jun kaxlan-wey chire. Jare' ri niya' chuwe yin achi'el jun sipanik.

Wuj Richin ri Q'axanri'il 18:12

Kan ronojel k'a chire ri nabey ruwech tiko'n ri nikiya-pe chuwe yin, kan jari' ri xtinya' chuqa' chiwe rix. Ninya' k'a chiwe ri más utz chire ri aceite olivo, ri más utz chire ri ruya'al uva y ri más utz chire ri jalajoj ruwech ixin.

1 Corintios 15:20

Jak'a ri Cristo kan xk'astej-wi-el. Ja rija' ri nabey ri xk'astej-el chikikojol ri ch'aqa' chik kaminaqi' ri xkek'astej-el.

Deut 26:10

Wakami k'a Jehová, qak'amon-pe chawe re nabey taq ruwech qatiko'n; jare' ri nabey taq ruwech qatiko'n richin ri ruwach'ulew ri xaya' chiqe, xkixcha'. Y k'ari' xtiya' kan ri ichakach chuwech ri Jehová y kan xtiya' ruq'ij y kan xkixxuke' k'a chuwech.

Apocalipsis 14:4

Y jare' ri man jun bey xek'oje' ta kik'in ixoqi'. Kan e ch'ajch'oj-wi y kan jantape' kojqan ri Karne'l. Jare' ri nabey ri xekol-pe chikikojol ri winaqi', richin chi ye'ok achi'el nabey sipanik chire ri Dios y ri Karne'l.