Wuj Richin ri Chojmirisabelri'il 2:11 - Kaqchiquel Bible

¹¹ Ronojel ri sipanik ri nisuj chuwe yin banon rik'in ri jalajoj ruwech ixin richin niporox man jun ch'amilej-q'or k'o ta rik'in, ni ta ri kab ri nikiya' taq chikopi'.

Wuj Richin ri Chojmirisabelri'il 2:11 Iomraidhean Croise

Ex 23:18

Toq nisuj k'a ri kik' richin jun kamelabel, man tisuj junan rik'in ri kaxlan-wey ri ruk'uan ch'amilej-q'or. Chuqa' ri ruq'anal ri chikop ri richin ri kamelabel, man tiyek kan k'a richin ri ruka'n q'ij.

Ex 29:25

Xeri' xtak'en chuwi-kiq'a' y xtaya' pa ruwi' ri porobel y xtaporoj k'a. Re' jun jubulej sipanik poron chuwe yin Jehová, jun sipanik ri jebel ruxla' ri nasuj chuwe yin pa ruwi' ri q'aq'.

Ex 34:25

Toq nisuj k'a ri kik' richin jun kamelabel, man titun-pe junan rik'in xabachike ri ruk'uan ch'amilej-q'or. Chuqa' toq niben ri natabel richin ri solbelri'il chiri' pan Egipto, ri ti'ij richin ri kamelabel, wi xa man nik'is ta, man tiyek kan richin ri ruka'n q'ij.

Wuj Richin Etamabel-Tzij 24:13

Rat, nuk'ajol yin, kan tatija' k'a ri kab ri kan utz-wi, kan tatija' k'a ri kab ri nikiya' ri taq chikopi', roma kan ki' xtuna-qa ri aqul.

Wuj Richin Etamabel-Tzij 25:16

Wi rat k'o kab ri nikiya' ri taq chikopi' ri xabewila-pe, kan tatija' k'a; xaxe man k'iy tatej-qa, roma wi xa nik'o ruwi' ri natej, xa nabexa-pe.

Wuj Richin Etamabel-Tzij 25:27

Kan man utz ta k'a nuben chire jun wineq, chi nutej k'iy kab ri nikiya' ri taq chikopi', keri' chuqa' jun wineq ri nukanoj k'iy ruwaq'ijaj, xa man utz ta.

Wuj Richin ri Chojmirisabelri'il 1:13

Y ri rajaw ri chikop xtuch'ej ri rixkolob y ri taq raqen ri ti chikop, y ri sacerdote xtusuj y xtuporoj ronojel pa ruwi' ri porobel, y re' jare' ri sipanik poron richin nijubulin chinuwech yin.

Wuj Richin ri Chojmirisabelri'il 6:10

Y ri nimaq'a' ri sacerdote k'o chi nukusaj-el ri rutziaq y chuqa' ri rupan rutziaq ri e banon rik'in lino, y k'ari' xtujok-el ri ruchajul ri chikop y xtumol chiri' chunaqaj ri porobel.

San Mateo 16:6

Roma ri' ri Jesús xubij k'a chike: Tichajij-iwi' chuwech ri ch'amilej-q'or ri kik'uan ri fariseo y ri saduceo, xcha'.

Marcos 8:15

Ri Jesús xubij chike: Kan tiwak'axaj k'a re xtinbij chiwe, chi kan tichajij iwi' chuwech ri ch'amilej-q'or ri kik'uan ri fariseo y ri Herodes, xcha' ri Jesús.

San Lucas 12:1

Janila chi winaqi' ri xkimol-apo-ki' ri chiri'. Roma ri' nikinimila' chik ki'. Ri Jesús xuchop k'a tzij kik'in ri rutijoxela' nabey, y xubij chike: Tichajij-iwi', roma ri fariseo xa ka'i' kipalej, y man niq'alajin ta achike kibanik, achi'el ri ch'amilej-q'or.

San Lucas 21:34

Tichajij k'a ri ik'aslen. Man tibe iwánima chikij ri nimaq'ij; man kixq'aber y chuqa' man xaxe ri nik'atzin chiwe chuwech re ruwach'ulew ri nich'ob, y k'a toq xtina', xa jari' xoqaqa ri q'ij, richin chi yin xkinoqaqa.

Hechos 14:22

Ri tinamit ri xebeq'ax-wi-pe, xkikuqubala' k'a kan kik'u'x ri qach'alal, y xkibila' kan chike chi tikuqer kik'u'x rik'in ri Jesucristo. Nikibila' k'a chi rik'in tijoj-poqonal ye'ok pa rajawaren ri Dios.

Gálatas 5:9

Rije' xa kan e achi'el k'a ri ch'amilej-q'or, ri xa rik'in ti juba' niqaqa chupan ri k'ej mu'ul, kan nuch'amirisaj ronojel.

1 Pedro 4:2

richin keri' janipe' chik q'ij ri xkixk'ase-el, ja ta ri rurayibel ri Dios ri niben-el y man ja ta ri nirayij rix.