Wuj Richin ri Chojmirisabelri'il 2:1 - Kaqchiquel Bible

¹ Y chuqa' xubij ri Jehová: Toq k'o jun wineq nusuj chuwe jun sipanik ri banon rik'in jalajoj ruwech ixin, k'o chi nuk'en-pe ri k'ej chayun y xolon rik'in aceite, y xtuya' pom pa ruwi'.

Wuj Richin ri Chojmirisabelri'il 2:1 Iomraidhean Croise

Ex 29:2

Chupan ri q'ij ri' xtaben k'a kaxlan-wey y seteseq kaxlan-wey ri e wotz'otz' y xke'aben rik'in k'ej ri k'o aceite rik'in. Chuqa' xke'aben kaxlan-wey ri e yuquyeq, e tz'ajin y ya'on aceite chikij. Re kaxlan-wey re' xke'aben rik'in chayun k'ej y maneq ch'amilej-q'or rik'in.

Wuj Richin ri Isaías 43:23

Xa kan man xik'en ta pe sipanik chuwe ri niporox chijun, ni man xiya' ta nuq'ij rik'in ri isipanik. Man xinben ta chiwe richin xik'en-pe sipanik richin jalajoj ruwech ixin, ni man xinben ta chiwe richin xik'en-pe ri jubulej pom chuwe.

Wuj Richin ri Isaías 66:20

Y chirij ronojel re' xkekimol konojel ri iwinaq ri kitalun-ki' chupan ch'aqa' chik ruwach'ulew, y xkekik'en-pe richin jun sipanik chuwe yin. Rije' kan xkekik'en-pe chikij kiej, pa carruaje, chikij kowilej taq kiej y chikij camello. Y xkekik'en-pe pa nujuyu' ri k'o pa Jerusalem. Yin Jehová ri yibin. Ronojel re' kan achi'el nikiben ri iwinaq israelita toq nikik'en-pe pa wachoch ri kisipanik richin jalajoj ruwech ixin pa taq ch'ajch'oj k'ojelibel.

Ez 46:20

Y xubij chuwe chi ri sacerdote k'o chi chiri' nikiroqowisaj-wi ri ti'ij kichin ri chikopi' ri yesuj richin kamelabel richin kuyubel-mak, richin ch'a'oj y ri sipanik richin jalajoj ruwech ixin. K'o chi chiri' nikiroqowisaj-wi ri ti'ij richin man nikelesaj ta el ri chuwa-jay akuchi ek'o-wi ri winaqi', richin man jun xtikik'uluwachij ri winaqi' ri'.

Joel 1:9

Chuqa' ke'oq' ri sacerdote richin ri Jehová, roma man jun chik sipanik napon pa rachoch ri Dios. Maneq chik sipanik richin jalajoj ruwech ixin, ni ta ri vino.

Joel 2:14

Rik'in juba' rija' xa nutzolij-ri' chirij, y xtuya' kan urtisanik pa qawi'; richin keri' xtik'oje' chik ri vino y ri jalajoj ruwech ixin richin niqaya-apo ri sipanik chire rija'.

Wuj Richin ri Chojmirisabelri'il 14:10

Y ri ruka'n q'ij, toq napon ri ruwaqxaq q'ij, ri wineq nuk'en-pe ka'i' alaj taq achija' karne'l ri kan e tz'aqet y chuqa' nuk'en-pe jun ti ixoq karne'l ri k'o jun rujuna' ri kan tz'aqet, nuk'en-pe wo'o' libra k'ej ri xolon aceite rik'in, y jun qumbel nojineq chi aceite olivo.

Wuj Richin ri Chojmirisabelri'il 24:7

Y niya' ri jubulej pom pa ruwi' ri ka'i' tunaj kaxlan-wey. Y k'ari' ri pom ri' xtiporoj chinuwech yin, richin chi nuk'ut chi ri kaxlan-wey kan wichin yin.

Wuj Richin ri Chojmirisabelri'il 5:11

Wi man nitikir ta yeruk'en-pe ri aj-xik' taq chikopi' ri' roma maneq rik'in richin nuloq'bej, utz nuk'en-pe pa ruk'exel ka'i' libra rik'in nik'aj k'ej ri chayun, richin nikuyutej rumak, y man nixol ta k'a aceite rik'in y man nuya' ta pom pa ruwi', roma re sipanik re' richin kuyubel-mak y man sipanik ta richin nijunamatej-wech.

Wuj Richin ri Chojmirisabelri'il 6:7

Y keri' xtuben ri sacerdote, y yin xtink'en chik ruwech ri wineq. Y kan jari' k'a xtikuyutej ri rumak ri aj-mak ri', xcha' ri Jehová.

Wuj Richin ri Chojmirisabelri'il 9:17

Y rija' xuk'uaj chuqa' apo ri sipanik richin k'ej ri banon rik'in jalajoj ruwech ixin: Xuchop jun moq' chire ri sipanik y xuchikikej pa ruwi' ri porobel richin xuk'et. Re sipanik re' xuya' pa ruwi' ri chikop ri kamelabel ri niporox ri nimaq'a' richin chi chiri' xk'at-wi.

Wuj Richin ri Chojmirisabelri'il 9:4

Tikik'ama-pe jun achij wákix y jun achij karne'l richin kamelabel richin nikiq'alajirisaj chi nijunamatej-kiwech rik'in ri Dios richin nisuj chire, y chuqa' tikik'ama-pe jun sipanik richin k'ej ri banon rik'in jalajoj ruwech ixin ri ya'on aceite rik'in. Re' kan xtikiben roma ri Jehová kan xtuk'ut ri' chikiwech wakami, xcha' ri Moisés chire ri Aarón.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Wuj Richin ri Q'axanri'il 18:9

Rat y ri e ak'ajol kan xtik'en-wi k'a juba' chire ronojel ri kamelabel richin kuyubel-mak, ri sipanik richin ri xajanbel y ri sipanik richin jalajoj ruwech ixin. Y ri juba' ri xtik'en, ja ri juba' chire ri man yeporox ta. Ronojel k'a re sipanik re', kan e ch'aron chuwe yin y roma ri' kan awichin k'a rat y kichin chuqa' ri e ak'ajol.

Wuj Richin ri Q'axanri'il 28:5

Y re' junan yesuj rik'in ri sipanik richin ri jalajoj ruwech ixin. K'o chi xtikisuj chuwe, ka'i' libra k'ej chayun xolon rik'in jun litro aceite richin olivo ri kan jebel ch'ajch'oj.

Wuj Richin ri Q'axanri'il 8:8

Chirij re' nabek'ama-pe jun nima-alaj achij wákix y juba' chayun k'ej xolon aceite rik'in richin niporox chijun. Chuqa' nabek'ama-pe jun chik nima-alaj achij wákix richin kuyubel-mak.

San Juan 6:35

Y ri Jesús xubij k'a chike: Ja yin ri wey ri niya'on k'aslen. Ri xtukuquba' ruk'u'x wik'in, man chik k'a xtinum ta ri ránima, y chuqa' ri xtiniman wichin, man xtichaqchi'in ta chik ri ránima.

1 Juan 2:20

Jak'a rix kan xik'ul yan ri Loq'olej Espíritu roma ri Cristo. Y chuqa' iwetaman chik ri qitzij.

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.

Judas 1:20

Jak'a rix wach'alal ri yalan yixinwajo', kan kixk'iy k'a rik'in ri loq'olej ruch'abel ri Dios ri iniman. Y toq yixch'on rik'in ri Dios, tiya' q'ij chi ri Loq'olej Espíritu niyuqen iwichin.

Apocalipsis 8:3

Y xintz'et k'a chi peteneq jun chik ángel y ruk'amon-pe jun porobel-pom ri banon rik'in q'anapueq, y choj xbepa'e' chuwech-apo ri porobel ri banon chuqa' rik'in q'anapueq ri k'o-apo chuwech ri akuchi tz'uyul-wi ri Dios. Y xbejach k'a pe k'iy pom chire, ri xxol rik'in ri kich'owen ri ralk'ual ri Dios, richin chi xsuj pa ruwi' ri porobel ri'.