Wuj Richin ri Chojmirisabelri'il 12:3 - Kaqchiquel Bible

³ Y toq ri ak'ual k'o waqxaqi' ruq'ij, nik'atzin chi niban ri retal chi rija' kan jun israelita-wi.*f3*

Wuj Richin ri Chojmirisabelri'il 12:3 Iomraidhean Croise

Ex 22:30

Keri' chuqa' xtiben kik'in ri nabey taq kal ri iwákix y ri nabey taq kal ri ikarne'l; xa wuqu' q'ij yek'oje' rik'in ri te'ej y ri pa ruwaqxaq q'ij xtik'en-pe chuwe yin.

Wuj Richin ri Chojmirisabelri'il 12:4

Jak'a ri te'ej k'o chi nuchajij chik juwineq oxlajuj q'ij richin chi nich'ajch'ojir chire ri ruyabil. Kan man utz ta k'a chi nuchop ri ch'aron chik richin nok wichin yin, y man utz ta chuqa' nipe pa wachoch, k'a toq xtapon na ri q'ij toq nitz'aqet ri ch'ajch'ojirisanik ri'.

Wuj Richin ri Chojmirisabelri'il 15:3

Ri achin kan man ch'ajch'oj ta k'a roma ri achi'el ya' ri chaq k'ate' nel-pe chupan ri rukowil o ri man nel ta pe.

San Lucas 1:59

Toq ri ak'ual xtz'aqet waqxaqi' q'ij chi talex, xkik'uaj k'a richin chi niqupix richin jun retal,*f3* y Zacarías k'a ri rubi' ri xkajo' xkiya' chire ri ak'ual, roma keri' rubi' ri rutata'.

San Lucas 2:21

Toq xtz'aqet waqxaqi' q'ij talex ri ti ak'ual, jari' toq xqupix richin jun retal,*f4* y Jesús ri rubi' xkiya', kan achi'el ri bi'aj ri xubij ri ángel chire ri María toq k'a man jani tiyawej kan chirij ri ak'ual.

Hechos 15:1

Ek'o k'a qach'alal ri e peteneq pa Judea y xe'apon ri chiri' pan Antioquía, ri k'o pa ruwach'ulew Siria; nikibila' k'a chike ri qach'alal chi richin nikil ri kolotajik, k'o k'a chi niya'ox ketal*f32* achi'el nubij chupan ri pixa' richin kan ri Moisés.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

Gálatas 3:17

Y ninwajo' ninchojmirisaj chiwech ri rubanik ronojel re'. Pa nabey, ri Dios k'o jun rusujun chire ri Abraham. Y toq q'axineq chik 430 juna', ri Dios xuya' ri pixa' chire ri Moisés. Jak'a roma ri Dios kan k'o rusujun chire ri Abraham, ri pixa' ri xuya' ri Dios man xuyoj ta ri rusujun chire pa nabey.

Gálatas 5:3

Y ninbij chik k'a jun bey chiwe chi ri achi'a' ri nikiya' q'ij chi yequpix richin ri retal, kan nik'atzin chi nikiben ronojel ri nubij chupan ri pixa'.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

Filipenses 3:5

roma yin k'a waqxaqi' q'ij kinalex toq xiqupix richin xya'ox wetal. Yin, in jun chuqa' judío, in jun chike ri e rijatzul kan ri Benjamín, in judío pa walaxik. Y pa ruwi' ri pixa' kan xinok jun fariseo.

Colosenses 2:11

Rix ri k'o ri Cristo pa taq iwánima, ri ix qupin richin jun retal, ri etal ri' man junan ta rik'in ri nikiben-qa ri winaqi' rik'in ri kiq'a'. Ri xuben ri Cristo chiwe ja ri xrelesaj ri itzel taq rayibel ri ek'o pa taq iwánima ri nibanon chiwe chi yixmakun.