Wuj Richin ri Chojmirisabelri'il 10:2 - Kaqchiquel Bible

² Y roma ri keri', xrepero-pe jun q'aq' rik'in ri Jehová richin xuk'is ri kik'aslen. Rije' kan chuwech k'a apo ri Jehová xeken-wi.

Wuj Richin ri Chojmirisabelri'il 10:2 Iomraidhean Croise

2 Sam 6:7

Y ri Jehová xyakatej janila royowal chirij ri Uzá roma xuben chire ri káxa chi xa maneq rejqalen. Y roma ri' ri Dios xuben chi xken kan chiri', y xtzaq-qa pan ulew chuxikin ri káxa.

1 Rey 13:28

K'ari' rija' xbe y xberila' na ri ch'akulaj punul kan pa bey, chikikojol ri ti bur y ri koj; y ri koj xa man xutej ta ri ch'akulaj ri' ni man jun rubanon chire ri ti bur.

1 Rey 18:38

Y kan jari' ri q'aq' richin ri Jehová xqaqa-pe chila' chikaj, y ri q'aq' ri' xuk'is ri chikop y ri si', ri abej, ri ulew ri akuchi k'o-wi ri porobel, y kan xuk'is ronojel ri ya' ri k'o chupan ri jul.

2 Rey 1:10

Y ri Elías xubij chire ri aj-raqen: Wi yin kan in jun achin richin ri Dios, tiqaqa-pe q'aq' chila' chikaj, y karuk'isa' rat y ri e kawineq lajuj aj-labal, xcha'. Y xqaqa k'a pe q'aq' chila' chikaj, y xeruk'is ri e kawineq lajuj aj-labal y ri aj-raqen.

2 Rey 1:12

Y ri Elías xubij chuqa' chire: Wi yin kan in jun achin richin ri Dios, tiqaqa-pe q'aq' chila' chikaj, y karuk'isa' rat y ri e kawineq lajuj aj-labal, xcha'. Y xqaqa k'a pe q'aq' chila' chikaj, y xeruk'is ri e kawineq lajuj achi'a' y ri aj-raqen.

1 Crón 13:10

Jak'a ri Jehová kan xpe janila royowal chirij ri Uzá roma xuchop ri káxa, y chiri' k'a xukamisaj-wi kan.

1 Crón 15:13

Ri pa nabey man xqak'ulubej ta ri Jehová pa ruwi' ri k'atzinel richin ta xqaben, y roma rix man xixk'oje' ta apo ri chiri', roma ri' ri Jehová xrelesaj-el ruk'aslen jun chiqakojol roj, xcha' ri David.

1 Crón 24:2

Jak'a ri Nadab y ri Abihú xeken nabey chuwech ri kitata', y man jun kalk'ual xek'oje'. Roma ri' xaxe ri Eleazar y ri Itamar xe'ok kan sacerdote.

Wuj Richin ri Achin Job 1:16

Kan k'a man jani k'a titane-qa chi ch'owen ri samajel ri' toq kan jari' xoqaqa chik jun samajel y xberubij chire ri Job: Toq roj ojk'o chiri' e qachajin ri karne'l, k'o k'a jun koyopa' ri xbeqaqa-pe chikaj, xeruk'is konojel ri karne'l y ri yuq'unela'. Xaxe chik k'a yin ri xikolotej kan, y roma ri' nonya' rutzijol chawe, xcha'.

Wuj Richin Bix Chire ri Dios 50:3

Ri qa-Dios nipe k'a rik'in nimalej rutzijol. Chuwech rija' peteneq jun q'aq' ri kan nuk'is ronojel. Y pa runik'ajal jun nimalej kaq'iq', chiri' peteneq-wi rija',

Ex 24:1

Y ri Jehová xch'on chik rik'in ri Moisés y xubij chire: Kajote-pe, awachibilan ri Aarón, ri Nadab, ri Abihú y ri e oxk'al lajuj rijita'q taq achi'a' ri k'o kiq'ij chupan ri tinamit y k'a nej kexuke-wi kan richin nikiya' nuq'ij.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Chojmirisabelri'il 10:5

Y rije' xejel-apo y xekitzeqej k'a el chi kitziaq ri kaminaqi' y keri' xekelesaj-el ri kich'akul k'a chirij-el ri akuchi ek'o-wi-qa, kan achi'el ri xubij ri Moisés chike.

Wuj Richin ri Chojmirisabelri'il 16:1

Ri Jehová xch'on k'a rik'in ri Moisés, toq e kaminaqi' chik el ri e ka'i' ruk'ajol ri Aarón, ri xeken roma xe'ok-apo chirij ri tzieq tasbel rupan ri rachoch ri Dios y xa man rubin ta chike chi keri' nikiben.

Wuj Richin ri Chojmirisabelri'il 9:24

Y toq xoq'alajin-qa ri ruk'ojlemal ri Jehová kan xorepero' jun q'aq' y xuk'is ri kamelabel ri k'a nik'at na; kan xuk'is k'a ri kiq'anal ri chikopi' ri k'o pa ruwi' ri porobel. Y jari' toq konojel ri winaqi' xkitz'et ri xbanatej, xkireq kichi' roma kikoten y xkiqasaj-ki' k'a pan ulew.

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Wuj Richin ri Q'axanri'il 16:49

Konojel k'a ri winaqi' ri xeken e 14,700 y chikikojol rije' man xe'ajlex ta ri xeken roma ri yakatajinenri'il richin ri Coré.

Wuj Richin ri Q'axanri'il 26:61

Jak'a ri Nadab y ri Abihú jari' ri xeken toq xkisuj jun q'aq' ri man bin ta chike roma ri Jehová.

Hechos 5:10

Kan jari' xtzaq-qa ri ixoq ri chiri' chuwech ri Pedro, y xken-qa. Toq xe'oqaqa k'a ri k'ajola' ri xebemuqu kan ri Ananías, jari' toq xkitz'et chi kamineq chuqa' ri rixjayil. Xkik'uaj k'a y xbekimuqu' kan rik'in ri rachijil.

Hechos 5:5

Y ri Ananías kan xaxe k'a xrak'axaj ri ch'abel ri xerubij ri Pedro, xken y xtzaq-qa. Y konojel k'a ri xe'ak'axan ri xbanatej, xpe k'a janila xibinri'il chike.

1 Corintios 10:11

Ronojel k'a ri xkik'uluwachij rije', kan k'o-wi k'a nuk'ut chiqawech roj, y roma ri' e tz'ibatel kan richin chi roj re ojk'o chupan re ruk'isibel taq q'ij richin re ruwach'ulew niqak'en qana'oj chirij.

1 Sam 6:19

Jak'a ri Dios xuben chike richin xeken e oxk'al lajuj achi'a' ri ek'o chiri' roma xkinik'oj-qa rupan ri káxa richin ri rujikibel-tzij ri Jehová. Y ri winaqi' richin ri tinamit janila xe'oq' roma ri Jehová kan xuya' ruk'ayewal pa kiwi'.