Wuj Richin ri Chojmirisabelri'il 1:4 - Kaqchiquel Bible

⁴ y xtuya' ri ruq'a' pa ruwi' ri chikop ri xtiporox, y keri' nink'en chik ruwech ri wineq roma ri rukamelabal.

Wuj Richin ri Chojmirisabelri'il 1:4 Iomraidhean Croise

Ex 28:38

Kan jantape' k'a xtik'oje' ri tz'ajtz'ik q'anapueq nik'aj-ruwech ri Aarón, toq xkerusuj kamelabel kichin ri winaqi' chinuwech yin Jehová. Kan jantape' xtuk'uaj ri tz'ajtz'ik q'anapueq ri nik'aj-ruwech, richin chi yin kan utz xkentz'et.

Ex 29:10

Xeri' xtuk'uex ri nima-alaj achij wákix chuwech ri wachoch richin molojri'il, y ri Aarón y ri e ruk'ajol xtikiya' ri kiq'a' pa ruwi' rujolon ri chikop ri',

Ex 29:15

Chuqa' xtak'en k'a apo jun chike ri achija' taq karne'l y k'ari' ri Aarón y ri e ruk'ajol, xtikiya' ri kiq'a' pa ruwi' ri rujolon ri karne'l.

Ex 29:19

Xeri' xtik'en chik k'a pe ri jun chik achij karne'l y ri Aarón y ri e ruk'ajol xtikiya' chik ri kiq'a' pa ruwi' rujolon ri karne'l ri'.

Ex 29:33

Xaxe k'a rije' ri utz xketijo ri kik'uan-apo chuwech ri Jehová, ri sipanik ri xkisuj roma ri kimak y roma ri xejach kan chupan ri kisamaj. Y kan man jun k'a wineq ri ruk'amon ta chi nitijo ri sipanik ri', roma ri sipanik ri' kan jachon chire ri Jehová.

Wuj Richin ri Isaías 56:7

wi nikiben ronojel re', yin kan xkenk'en-pe chupan ri juyu' Sión. Kan xtinben chike richin xkekikot chupan ri wachoch richin niban ch'owen wik'in. Ri poron chikopi' y ri kamelabel ri xkekisuj chuwe kan xtink'ul chikiwech, roma chikikojol ri tinamit, ri wachoch kan xtubini'aj: Jay akuchi niban-wi ch'owen rik'in ri Dios.

Ez 45:15

Y chike e 200 karne'l k'o chi niya' jun chuwe. Kere' k'a ri rubanik ri sipanik richin jalajoj ruwech ixin, ri chikop ri niporox chijun y ri sipanik richin niq'alajirisan chi junan iwech wik'in, richin nink'en chik iwech.

Dn 9:24

Ri Dios nubij chi 490 juna' nrajo' richin chi yekolotej ri awinaq israelita y ri atinamit Jerusalem, y richin nik'is ri rutojbalil ri yakatajinenri'il y ronojel mak. Chupan ri q'ij ri' xtikik'ul ri kuyubel-mak, y xtik'oje' k'a ri ruchojmilal jantape' achi'el ri e q'alajirisan y ri xk'utumej chawech. K'ari' xtijaqatej ri k'ak'a' rachoch ri loq'olej Dios.

Wuj Richin ri Chojmirisabelri'il 16:21

Y k'ari' ri Aarón nuya' chi e ka'i' ruq'a' pa ruwi' ri rujolon ri tzuntzun ri' y nuq'alajirisaj-el ronojel ri kimak ri e rijatzul ri Israel; ri mak ri e nojin y ri man e nojin ta. Y ronojel re mak re' yeqaqa-el pa ruwi' ri tzuntzun. Y nicha'ox k'a jun wineq richin chi ja rija' ri xtuk'uan-el k'a pa tz'iran ruwach'ulew.

Wuj Richin ri Chojmirisabelri'il 16:24

K'ari' natin ri akuchi kan cha'on-wi ri chiri' pa wachoch; y nukusaj-pe ri rutziaq richin ri jun chik rusamaj. Y xeri' nel-pe richin nusuj ri kamelabel ri niporox chijun, ri nusuj rija' chuwe yin. Y rija' nusuj chuqa' ri kamelabel ri xkik'en-pe ri winaqi' chuwe yin, ri niporox chijun. Kere' k'a xtuben chi nink'en chik kiwech rija' y ri winaqi'.

Wuj Richin ri Chojmirisabelri'il 22:21

Keri' chuqa' wi nisuj jun kamelabel richin jun sipanik richin niq'alajirisaj chi nijunamatej-iwech wik'in, roma ri ibin chi niben, o roma xalex-pe pan iwánima, k'o chi nisuj jun wákix o jun karne'l o jun tzuntzun ri kan e tz'aqet richin kan xtink'ul chiwech.

Wuj Richin ri Chojmirisabelri'il 22:27

Toq nalex jun ti iwákix, jun ti ikarne'l, o jun ti itzuntzun, k'o chi nik'oje' rik'in ri rute' wuqu' q'ij richin nitz'uman. Jak'a toq nuchop-el ruwaqxaq q'ij kan utz chik richin niporoj chinuwech.

Wuj Richin ri Chojmirisabelri'il 3:13

Ri rajaw xtuya' ri ruq'a' pa ruwi' ri chikop, y k'ari' xtukamisaj chuchi' ri wachoch. K'ari' ri e sacerdote nikichikaj ri kik' chi kaji' ruwech ri porobel y pa taq ruxikin.

Wuj Richin ri Chojmirisabelri'il 3:2

Ri rajaw xtuya' ri ruq'a' pa ruwi' ri chikop y xtukamisaj chuchi' ri wachoch richin molojri'il, y ri e sacerdote ri e rijatzul ri Aarón xtikichikaj ri kik' chi kaji' ruwech ri porobel y pa taq ruxikin.

Wuj Richin ri Chojmirisabelri'il 3:8

Ri rajaw xtuya' ri ruq'a' pa ruwi' ri chikop, y k'ari' xtukamisaj chuchi' ri wachoch. K'ari' ri sacerdote nikichikaj ri kik' chi kaji' ruwech ri porobel y pa taq ruxikin.

Wuj Richin ri Chojmirisabelri'il 4:15

Y jak'a ri achi'a' ri k'o kiq'ij nikiya' kiq'a' pa ruwi' ri rujolon ri wákix, y chiri' chinuwech yin xtikikamisaj-wi.

Wuj Richin ri Chojmirisabelri'il 4:20

Ri nuben rik'in re wákix re', achi'el toq ri nimalej sacerdote nusuj ri kamelabel richin kuyubel-mak, y keri' xtikuyutej k'a ri kimak ri winaqi', y yin xtink'en chik kiwech.

Wuj Richin ri Chojmirisabelri'il 4:24

Y nuya' ri ruq'a' pa ruwi' ri rujolon ri tzuntzun y nikamisex chinuwech yin ri akuchi yekamisex-wi ri chikopi' ri yeporox richin kuyubel-mak.

Wuj Richin ri Chojmirisabelri'il 4:26

y nuporoj ronojel ri q'en pa ruwi' ri porobel achi'el niban chire ri q'en richin ri kamelabel richin nuq'alajirisaj chi nijunamatej-ruwech wik'in. Keri' k'a nuben ri sacerdote richin nikuyutej rumak ri aj-raqen, y nink'en chik ruwech.

Wuj Richin ri Chojmirisabelri'il 4:29

Nuya' ri ruq'a' pa ruwi' ri rujolon ri tzuntzun richin kuyubel-mak y nikamisex akuchi yekamisex-wi ri chikopi' ri yeporox richin kuyubel-mak.

Wuj Richin ri Chojmirisabelri'il 4:31

Chuqa' nrelesaj ronojel ri ruq'anal richin ri chikop achi'el niban chire ri chikop ri nisuj richin nijunamatej-ruwech wik'in, y xtuporoj pa ruwi' ri porobel ri kan nijubulin chinuwech yin. Keri' ri sacerdote xtusuj ri kamelabel richin nikuyutej rumak ri wineq ri', y k'ari' nink'en chik ruwech.

Wuj Richin ri Chojmirisabelri'il 4:33

Nuya' ri ruq'a' pa ruwi' ri rujolon ri karne'l y nikamisex akuchi yekamisex-wi ri chikopi' ri yeporox richin kuyubel-mak.

Wuj Richin ri Chojmirisabelri'il 4:35

Chuqa' nrelesaj ronojel ri ruq'anal ri karne'l achi'el niban chire ri karne'l ri nisuj richin nuq'alajirisaj chi nijunamatej-ruwech wik'in, y xtuporoj pa ruwi' ri porobel. Keri' ri sacerdote xtusuj ri kamelabel richin nikuyutej rumak ri wineq ri', y kan xtikuyutej k'a; y k'ari' nink'en chik ruwech.

Wuj Richin ri Chojmirisabelri'il 4:4

Nuk'uaj-apo ri wákix chuchi' ri wachoch, y chiri' xtuya' ri ruq'a' pa ruwi' ri rujolon, y k'ari' xtukamisaj chinuwech yin.

Wuj Richin ri Chojmirisabelri'il 5:6

Y richin chi nikuyutej ri rumak roma jun ch'a'oj ri xuben, xtuk'en k'a pe jun ixoq karne'l o jun ixoq tzuntzun richin kamelabel richin nikuyutej rumak. Ri sacerdote xtusuj re kamelabel re' chinuwech, y k'ari' nink'en chik ruwech ri wineq ri'.

Wuj Richin ri Chojmirisabelri'il 6:7

Y keri' xtuben ri sacerdote, y yin xtink'en chik ruwech ri wineq. Y kan jari' k'a xtikuyutej ri rumak ri aj-mak ri', xcha' ri Jehová.

Wuj Richin ri Chojmirisabelri'il 8:14

Chirij re' ri Moisés xuk'en-apo ri nima-alaj achij wákix richin ri kuyubel-mak y ri Aarón y ri e ruk'ajol xkiya' k'a ri kiq'a' pa ruwi' ri rujolon ri chikop ri'.

Wuj Richin ri Chojmirisabelri'il 8:18

Chirij ri' ri Moisés xuk'en-apo ri jun chike ri achij karne'l richin nusuj chire ri Dios richin jun poron kamelabel. Y ri Aarón y ri e ruk'ajol xkiya' kiq'a' pa ruwi' ri rujolon ri chikop ri'.

Wuj Richin ri Chojmirisabelri'il 8:22

Chirij ri' ri Moisés xuk'en-apo ri jun chik achij karne'l ri nik'atzin richin ri k'amoj samaj. Y ri Aarón y ri e ruk'ajol xkiya' k'a kiq'a' pa ruwi' ri rujolon ri chikop ri'.

Wuj Richin ri Chojmirisabelri'il 9:7

K'ari' ri Moisés xubij chire ri Aarón: Kajel-apo chunaqaj la porobel y tasuju' k'a ri chikop richin kamelabel richin nikuyutej ri amak, y tasuju' chuqa' ri kamelabel ri niporox jumul. Y tasuju' k'a ri kamelabel ri niporox ronojel koma ri winaqi' y tasuju' ri kamelabel richin nikuyutej ri kimak rije'. Keri' xtaben chi ri Jehová utz xkarutz'et rat y utz xkerutz'et ri winaqi', kan achi'el ri rubin ri Jehová chuwe, xcha'.

Wuj Richin ri Q'axanri'il 15:25

Y jari' k'a toq ri sacerdote xtusuj ri kamelabel, richin keri' nikuyutej imak y yin kan xtink'en chik iwech. Re' xtibanatej toq xtik'en-pe re jalajoj ruwech kamelabel re'.

Wuj Richin ri Q'axanri'il 15:28

K'ari' ri sacerdote xtusuj ri kamelabel richin nikuyutej rumak ri wineq ri', roma ri wineq ri' kan man ruch'obon ta chi nimakun y xtzaq pa mak. Y richin keri' yin nijunamatej nuwech rik'in.

Wuj Richin ri Q'axanri'il 25:13

Chuqa' chire ri Finees y chike ri e rijatzul ninjech-wi kan ri samaj richin sacerdote. Y re' jun jikibel-tzij richin q'asen, roma rija' kan xirajo' y xuben chi xkuyutej-kimak ri awinaq, xcha'.

Wuj Richin ri Q'axanri'il 8:10

Toq rije' xkejel-pe chinuwech yin Jehová, ri ch'aqa' chik winaqi' xtikiya' kiq'a' pa kijolon ri e levita.

Wuj Richin ri Q'axanri'il 8:12

K'ari' ri levita xtikiya' kiq'a' pa kiwi' ri ka'i' nima-alaji' achija' taq wákix, ri jun xtisuj richin kuyubel-mak y ri jun chik xtiporox chijun chinuwech yin Jehová, richin keri' nink'en chik kiwech rije'.

Romanos 12:1

Wach'alal, roma janila nim ri rutzil ri Dios ri rubanon qik'in, achi'el ri k'a juba' tiqanataj-qa, nink'utuj utzil chiwe chi tijacha' ri ik'aslen pa ruq'a' rija', achi'el jun kamelabel ri kan k'es, loq'olej y kan niqa' chuwech ri Dios. Keri' nik'atzin richin niya' ruq'ij.

Romanos 3:25

Ri Dios xuteq-pe ri Cristo richin xken, y rija' xok jun kamelabel. Keri' ri Jesús xusuj ri rukik'el. Y xabachike ri kan nukuquba' ruk'u'x rik'in ri Cristo kan nikuyutej-wi rumak y niqa' chuwech ri Dios. Ri ojer kan rija' janila xkoch'on, y man xuya' ta ri rutojbalil ri kimak ri winaqi'. Jak'a re wakami niq'alajin chi kan choj. Y roma kan choj wi, roma ri' nuben chiqe chi man jun qamak yojk'ulun chuwech roma qakuquban qak'u'x rik'in.

Romanos 5:11

Y man xaxe ta ronojel ri'; niqaya' matiox chire roma ri ajaw Jesucristo, roma ri rusamaj ri xuben chi junan chik qawech rik'in ri Dios.

Filipenses 4:18

Yin kan nuk'ulun k'a ronojel ri xiteq-pe rix toq xpe ri qach'alal Epafrodito, y jare' ri retal chi yin xink'ul. Kan pa ruk'iyal chik k'a k'o wik'in, kan man jun chik k'a xtinwajo'. Re sipanik re' kan nijubulin k'a napon chuwech ri Dios, y kan jun sipanik ri kan xk'ul roma ri Dios roma kan xqa' chuwech.

Hebreos 10:4

Roma ri kikik'el ri achija' taq wákix y ri tzuntzun kan man yetikir ta nikelesaj ri kimak.

1 Juan 2:2

Ja rija' ri xken richin chi nikuyutej qamak roj y konojel ri ek'o chuwech re ruwach'ulew.