Wuj Richin ri K'uxla'anik 5:2 - Kaqchiquel Bible

² Ri ulew ri qichinan kan, wakami xa xok kan kichin ch'aqa' chik winaqi'. Ri qachoch, xa winaqi' aj juk'an chik ri xek'oje' kan chupan.

Wuj Richin ri K'uxla'anik 5:2 Iomraidhean Croise

Wuj Richin Bix Chire ri Dios 109:11

Ri achoq ik'in rubanon-wi ruqajo'n, kan ta k'a xtumej-el chuwech ronojel ri k'o rik'in. Ri ruwech ri rutiko'n kan ta k'a xtimaj kan koma ch'aqa' chik winaqi'.

Wuj Richin ri Isaías 1:7

Ri iruwach'ulew xa kan man jun chik k'o chuwech; y konojel ri itinamit kan xeporox. ri e etzelanel iwichin kan chiwech rix nikitej-el ri itiko'n ri ibanon-qa, y kan nimalin kan achi'el toq nikiwulaj kan ri man e aj wawe' ta.

Wuj Richin ri Isaías 5:17

K'ari' ri winaqi' israelita xkebe pa jotol, achi'el ri karne'l ri kan chupan ri kisoq'olbal rije' yewa-wi, y achi'el ri taq alaji' karne'l ri xtikitej ri kiq'os chikikojol jay kichin ri beyoma' ri xa e wulatejineq kan.

Wuj Richin ri Isaías 63:18

Xa kan juba' ok q'ij xek'oje' chupan ri awachoch ri qate-qatata', jak'a re wakami ri e etzelanel qichin xa xkixolq'otij.

Wuj Richin ri Jeremías 17:4

K'o chi xtiya' kan ri ruwach'ulew ri xinsipaj chiwe richin xiwichinaj kan. Y kan xtinben chiwe richin kan xkixok iliy kichin ri e etzelanel iwichin, chupan jun ruwach'ulew ri kan man jun bey itz'eton, roma yakatajineq woyowal achi'el jun q'aq' y re' kan xkixruk'is.

Wuj Richin ri Jeremías 6:12

Y ri kachoch, ri kulew y ri kixjayilal xke'ok ta kichin ch'aqa' chik winaqi', roma yin kan xtintzeqej nuq'a' pa kiwi' konojel ri aj-Judá richin ninya' rutojbalil-mak pa kiwi'. Yin Jehová ri yibin.

Ez 7:21

Xtinben k'a chi xkepe winaqi' ri man e iwinaq ta, richin xtikeleq'aj ronojel re' iwik'in y xtikiben chire chi man ch'ajch'oj ta chik.

Ez 7:24

Yin xkenk'en k'a pe itzel taq winaqi' ri e richin ch'aqa' chik ruwach'ulew richin xke'ok'oje' chupan ri iwachoch. Chuqa' ri jay ri akuchi niya-wi kiq'ij ch'aqa' chik dios, re' xke'ok man ch'ajch'oj ta. Y kere' kan xtinqasaj k'a kiq'ij ri e nima'q taq iwinaq.

Os 8:7

Ri israelita xkitik k'a kaq'iq'; xtikiwachij k'a surkum. Man jun k'a ruwech tiko'n xtikik'ol chire ri ruwi' trigo, kan man xtiban ta k'a k'ej; y wi ta xtiban ri k'ej, xa winaqi' e aj juk'an chik xketijo-el.

Os 8:8

Ronojel ri k'o chuwech ri ruwach'ulew Israel xa xk'is-el xa kan xtitz'et koma ch'aqa' chik ruwach'ulew, achi'el jun bojo'y ri man jun nik'atzin-wi.

Wuj Richin ri Sofonías 1:13

Roma ri' xa xtuk'uex k'a el ronojel ri kibeyomel, y ri kachoch kan xtitole' kan. Rije' xkekipabala-q'anej jay, jak'a xa man xkek'oje' ta chik chupan. Xkekitik-qa ki-uva, jak'a xa man xtikiqum ta chik ri vino, xcha' ri Dios.