Wuj Richin ri K'uxla'anik 2:9 - Kaqchiquel Bible

⁹ Ri che' richin ri okibel xetzaq y xemuqutej yan; y ri ch'ich' ri e q'ebalon chirij xa xetalutej. Ri rey y ri e tata'al ek'o nej chupan ri ximonri'il, chikikojol ri winaqi' ri maneq Dios chikiwech. Ri pixa' ri xya'ox chiqe xa maneq chik, y ri e q'alajirisey ruch'abel ri Dios kan man jun chik ri xk'ut chikiwech.

Wuj Richin ri K'uxla'anik 2:9 Iomraidhean Croise

2 Rey 25:7

Ri aj-Babilonia xebekik'ama-pe ri ruk'ajol ri Sedequías, y kan ja ri chuwech rija' xekikamisaj. K'ari' xekelesaj ri ka'i' runaq' taq ruwech ri Sedequías y xkixim rik'in cadena banon rik'in q'eqapueq, y xkik'uaj k'a pa Babilonia.

2 Crón 15:3

Ri ojer kan, chupan ri ruwach'ulew Israel, ri winaqi' man xkikanoj ta ri k'aslik Dios, e maneq sacerdote richin yetijon y maneq chik kik'in ri pixa' ri ya'on kan chike.

Wuj Richin ri Nehemías 1:3

Rije' xkibij k'a chuwe: Ri qawinaq ri ek'o kan chupan ri qaruwach'ulew nikiq'axaj jun nimalej ruk'ayewal y k'ixbilal. Y ri tinamit Jerusalem k'a ja na rubanon, ek'o ram richin ri tz'aq e wulatejineq chiri' y ri ruchi' ri tinamit e k'atineq, xecha' chuwe.

Wuj Richin Bix Chire ri Dios 74:9

Kan man jun chik xk'oje' kan chire ri xek'atzin chupan ri awachoch. Kan xek'is k'a ri e q'alajirisey ach'abel. Ni ta re chiqakojol roj kan man jun k'a etamayon k'a janipe' nibetane' ronojel re'.

Wuj Richin ri Isaías 24:12

Ronojel ri tinamit xkewuluwu' kan, y ri che' richin ri okibel xa xkeq'aj.

Wuj Richin ri Jeremías 14:14

K'ari' ri Jehová xubij chik chuwe: Ri achi'a' ri' xa kan nikitz'uk k'a tzij, roma yin kan man e nutaqon ta el, ni man jun xinbij-el chike. Ri nikiq'alajirisaj, xa ronojel man qitzij ta. Y xa nikibananej ri nikiq'alajirisaj, xa kiyon rije' nikitz'uk. Jare' ri nikiq'alajirisaj rije'.

Wuj Richin ri Jeremías 23:16

Y chuqa' yin Jehová k'iytisanel richin ronojel ninbij chiwe rix winaqi' aj-Israel, man tinimaj ri nikiq'alajirisaj rije', roma ri nikibij xa kan ruyon tz'ukun taq tzij. Ri xa kan kiyon rije' nikitz'uk-q'anej y man ja ta yin ri yibin chike.

Wuj Richin ri Jeremías 39:2

Chupan ri juna' julajuj chire ri rukaj ik', chire ri q'ij beleje', toq niq'aton-tzij ri rey Sedequías, jari' toq ri aj-Babilonia xkijeq jun bey chiri' chupan ri tz'aq.

Wuj Richin ri Jeremías 39:8

Y ri ch'aqa' chik aj-Babilonia xkiya' kan ruq'aq'al ri rachoch ri rey chiri' pa Jerusalem y chuqa' ri ch'aqa' chik jay ri ek'o pa tinamit y xkiwulaj ri tz'aq richin ri tinamit ri'.

Wuj Richin ri Jeremías 51:30

Ri achi'a' ri maneq xibinri'il chikiwech ri aj-Babilonia kan man xtikiben ta chik oyowal y kan xkek'oje' kan chiri' pa taq tobel ri e tz'apen chi tz'aq. Kan xtik'is ri kuchuq'a' y kan xtikixibij-ki' achi'el ixoqi'. Xtikiq'ej k'a ri tz'apebel ruchi' ri tinamit y k'ari' xtiporox k'a ri kachoch.

Wuj Richin ri Jeremías 52:14

Chirij ri' ri Nebuzaradán y ri aj-labal aj-Babilonia ri e tzeqelibeyon richin xkiqasaj k'a pan ulew ri tz'aq ri k'o chirij ri tinamit Jerusalem.

Wuj Richin ri K'uxla'anik 1:3

Ri winaqi' aj-Judá pa ruwi' ri kan janila xkitej poqon y janila kow xesamej. Chuqa' kan xbekiya' k'a ki' pa ximonri'il. Rije' xebek'oje' chikikojol ch'aqa' chik winaqi' kichin ri ruwach'ulew, kan man xkil ta uxlanen. Konojel ri xe'oqotan kichin xebekila' k'a akuchi kewan-wi-ki', kan xekiya' k'a pa latz'.

Wuj Richin ri K'uxla'anik 4:15

Ri e kiwinaq xa kan nikibij k'a chike ri ch'aqa' chik winaqi' chi tikich'ara-el-ki' kik'in. Nikibij k'a chike chi kebiyin juk'an chik roma rije' xa man e ch'ajch'oj ta. Toq rije' xkitaluj-el-ki' y xe'animej-el pa taq ch'aqa' chik ruwach'ulew, ri winaqi' man xkajo' ta chi rije' xek'oje-qa chikikojol.

Wuj Richin ri K'uxla'anik 4:20

Ri ojer, xqakuquba' qak'u'x rik'in ri rey Sedequías, jak'a rija' xa xuya-ri' pa pikbel. Xqach'ob chi rik'in rija' niqato-wi-qi' chikiwech ri ch'aqa' chik winaqi'.

Ez 12:13

Jak'a yin Jehová kan xtinben k'a chire ri rey achi'el xa ta xtinrik' jun ya'l chirij y xtiqaqa pa pikbel. Y stape' rija' xtik'amer-pe pa Babilonia, man xtutz'et ta kan ri ruwach'ulew y wawe' k'a xtiken-wi.

Ez 17:20

Yin xtinben k'a chire chi achi'el xtiqaqa pa jun ya'l y kan rik'in ri' xtinchop-wi. K'ari' xtink'uaj-el pa ruwach'ulew Babilonia y chiri' k'a xtinbenq'ata-tzij pa ruwi', roma man xuben ta ri xinwajo' yin.

Ez 7:26

Ri wululen kan xtipe y chirij ri' kan xtipe chik jun. Xtipe ruk'ayewal y chirij chik ri' xtipe chik jun. Rix xtikanoj jun q'alajirisey nuch'abel, jak'a man jun xtiwil. Chuqa' man xkek'oje' ta chik sacerdote richin yixkitijoj, ni man xkek'oje' ta chik achi'a' ri k'o kiq'ij richin yixkipixabaj.

Os 11:6

Ri kamik ri xtiban rik'in espada kan xtoqaqa k'a pa kiwi' ri kitinamit. Kan xkek'is k'a konojel ri winaqi' richin ri kokoj taq kitinamit. Kan xtik'is k'a ronojel roma keri' ri kich'obonik rije'.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Am 1:5

Kan rik'in ri nimalej wuchuq'a' xtinjoq' ruchi' ri tz'aq richin ri Damasco. Kan xtinkamisaj ri rey richin ri Bicat-avén. Chuqa' xtink'is ri niq'aton-tzij pa ruwi' ri Bet-edén. Ri aj-Siria xke'uk'uex-el pa ximonri'il pa ruwach'ulew Quir. Yin Jehová ri yibin.

Deut 28:36

Ri Jehová xtuben chiwe chi rix y ri i-rey xkixuk'uex-el pa jun chik ruwach'ulew ri man itz'eton ta rix ni ri qati't-qamama' man xketamaj ta y chiri' rix kan xtiya' k'a kiq'ij ch'aqa' chik dios ri e banon rik'in che' y abej.

Deut 28:63

Achi'el toq ri Jehová kan rik'in janila kikoten utz xuben iwik'in y xixruwinaqirisaj, kan keri' chuqa' xtuben toq xkixruk'is-el jumul, kan xkixrelesaj k'a el chuwech re ruwach'ulew ri akuchi xkixok-wi richin xtiwichinaj kan.

1 Sam 28:6

K'ari' xberuk'ulubej ri Jehová, jak'a man xk'ulubex ta ri ruch'abel; ni pa rachik', ni koma ri sacerdote, ni koma ri q'alajirisey ruch'abel ri Dios.