Wuj Richin ri K'uxla'anik 2:8 - Kaqchiquel Bible

⁸ Ri Jehová kan xuben chi xwulex-el ri tz'aq chirij ri tinamit Sión, Xuben chi kan achi'el xa ta xretaj richin xuk'is ronojel. Ri tinamit kan xmalin-xmalin kan; roma ri tz'aq xa kan xetzaq k'a qa.

Wuj Richin ri K'uxla'anik 2:8 Iomraidhean Croise

2 Sam 8:2

Y xeruch'ek chuqa' ri aj-Moab, y xuben chike ri aj-labal chi xejupe-qa pan ulew pa jun cholaj. K'ari' xuben chi ri ruwinaq xkirik' jun kolo' pa kiwi', y xretaj jun tzobaj ri aj-Moab. Y ri achi'a' ri' xekolotej-el. K'ari' xretaj chik ka'i' mul, y janipe' chike ri achi'a' ri e jupul chuxe' ri kolo', jari' ri xekamisex. Keri' xuben chike k'a xeruk'is na konojel ri e jupul chiri'. Y roma ri' ri aj-Moab xe'ok rusamajela' ri David, y k'o chi xkitoj chire ri k'atzinel.

2 Rey 21:13

Yin xinjunamaj k'a ri kibanobal ri aj-Jerusalem kik'in ri aj-Samaria. Wakami kan xtintzu' wi choj rubanik ri kik'aslen achi'el xinben kik'in ri aj pa rachoch ri Acab. K'ari' xkenk'is k'a el ri aj-Jerusalem achi'el toq nijuq jun leq, chupan y chirij.

Wuj Richin ri Achin Job 13:21

Tabana' utzil tawelesaj pa nuwi' re tijoj-poqonal re aya'on pa nuwi', y chuqa' kan katane' chuwij chi jantape' aya'on xibinri'il wik'in.

Wuj Richin ri Isaías 22:5

Ri Jehová k'iytisanel richin ronojel nucha' jun q'ij richin xibinri'il, q'ij richin bis, q'ij richin sachibel-k'u'x. Y re' nibanatej chupan ri taq'aj richin Hinom. Ri chiri' xtiwulex ri tz'aq ri sutiyon-rij ri tinamit. Y ri winaqi' nikik'utuj to'onik chike ri juyu'.

Wuj Richin ri Isaías 28:17

Ri ibanobal rix kan xtibe'etex rik'in ri pixa', achi'el niban rik'in jun etabel k'an. Ri ibanobal xtitz'et wi choj achi'el niban rik'in ri plomo. Ri itobal ri ikanon rix rik'in ri tz'ukun taq tzij kan xtuwulaj ri saqboch, y ri ya' xtunojisaj ri akuchi iwewan-iwi'.

Wuj Richin ri Isaías 3:26

Y ri tinamit xa xtitole-xtitole' kan. Kan xtik'oje' pa bis, y ri winaqi' kan xketz'uye' pa poqolaj roma bis.

Wuj Richin ri Isaías 34:11

Chiri' k'a xkek'oje-wi-qa ri jalajoj kiwech túkur, y chuqa' kan chiri' xtikiben-wi-qa kisok ri qo'ch. Ri Jehová kan xtuben tz'iran chire ri ruwach'ulew ri', y kan xtitole' kan.

Wuj Richin ri Isaías 5:5

Wakami k'a xtinbenbij chiwe ri achike xtinbenbana' rik'in ri nutiko'n richin uva. Xa kan xtinwelesaj k'a ri qejoj chirij richin chi nik'is. Xtinwop k'a ri tz'aq ri rusutin-rij richin chi nipalibex kan.

Wuj Richin ri Jeremías 14:2

Ri winaqi' aj-Jerusalem y ri ch'aqa' chik richin ri tinamit Judá ek'o pa bis, ri tinamit kan e poqonatajineq y ri winaqi' kan kitorin-ki' pan ulew roma ri q'axo'n. Rije' nikireq kichi' roma ri ruk'ayewal.

Wuj Richin ri Jeremías 5:10

Roma ri' ninya' q'ij chike ri e etzelanel iwichin richin yixkik'is, achi'el toq nijoq'-el ri ruq'a' ri uva ri xemayamo' yan qa, roma re' man e wichin ta yin. Jak'a man ye'ik'is ta el ronojel.

Wuj Richin ri Jeremías 52:13

Y toq xapon chiri', xuporoj ri rachoch ri Dios, ri rachoch ri rey y ronojel ri jay richin ri tinamit ri'. Y ri xeporox más ja ri jay ri k'o kejqalen.

Wuj Richin ri K'uxla'anik 2:17

Ri Jehová kan xuben k'a ri rubin-pe pa qawi'. Kan xutaqej k'a ri ruch'abel ri xubij-pe chiqij ri ojer kan. Xuk'is k'a ronojel y man xujoyowaj ta qawech. Xunimirisaj k'a ri kuchuq'a' ri nich'upun kik'u'x chiqij.

Wuj Richin ri K'uxla'anik 2:18

Rix aj-Sión, rik'in k'a ronojel iwánima kixch'on rik'in ri qajaw. Kan kixoq' k'a chuwech chi paq'ij chi chaq'a'. Man kixuxlan, ni man ke'uxlan ri runaq' taq iwech.

Wuj Richin ri K'uxla'anik 2:2

Xuben k'a chi kan man jun chik jay richin ri Judá ri xpa'e' ta kan. Xeruwulaj ronojel ri jay richin tobel richin ri ruwach'ulew Judá. Xeruqasaj k'a pan ulew ri ajawaren y ri e tata'al.

Wuj Richin ri K'uxla'anik 2:5

Ri Jehová kan xok k'a achi'el jun etzelanel, kan xuwulaj k'a jumul ri qatinamit Israel. Xeruwulaj k'a ronojel nima'q taq jay; xeruk'is ri jay richin tobel. Xunimirisaj k'a ri bis y ri q'axo'n pa ruwi' ri Judá.

Ez 20:22

Jak'a man xinben ta keri', roma man xinwajo' ta richin xyoq'otej ri nubi', richin chi man yik'ulun ta itzel chikiwech ri ch'aqa' chik tzobaj winaqi' richin ri ruwach'ulew ri kan xkitz'et achike rubanik toq xenwelesaj-pe pan Egipto.