Wuj Richin ri K'uxla'anik 2:5 - Kaqchiquel Bible

⁵ Ri Jehová kan xok k'a achi'el jun etzelanel, kan xuwulaj k'a jumul ri qatinamit Israel. Xeruwulaj k'a ronojel nima'q taq jay; xeruk'is ri jay richin tobel. Xunimirisaj k'a ri bis y ri q'axo'n pa ruwi' ri Judá.

Wuj Richin ri K'uxla'anik 2:5 Iomraidhean Croise

2 Rey 25:9

Y rija' xuya' k'a ruq'aq'al ri rachoch ri Jehová, ri rachoch ri rey, ronojel jay ri kichin ri e tata'al y ronojel ri jay ri k'o pa Jerusalem.

Wuj Richin ri Achin Job 13:24

¿Achike roma toq ja ri awij naya' kan chinuwech, y naben chuwe chi in jun chike ri ye'etzelan awichin?

Wuj Richin ri Achin Job 19:11

Rija' kan xq'aq'er k'a roma royowal chuwij yin, y xuben chuwe chi in jun etzelanel richin.

Wuj Richin Bix Chire ri Dios 89:40

Xawulaj k'a el ri tz'aq ri rusutin-rij ri rutinamit. Ri tz'aq ri akuchi yek'oje-wi ri chajinela' kan xaben chi xek'is-el.

Wuj Richin Bix Chire ri Dios 89:41

Konojel ri winaqi' ri yeq'ax-el chiri' kan ye'eleq'-el chupan. Ri winaqi' ri ek'o chunaqaj kan yetze'en k'a chirij.

Wuj Richin ri Isaías 29:2

Jak'a chirij ri', yin kan xkixinya' pa latz', y kan xkixok k'a jun tinamit richin q'axo'n y raqoj-chi'ij; y ri tinamit xtok achi'el jun porobel akuchi yeporox-wi ronojel.

Wuj Richin ri Isaías 63:10

Jak'a rije' xa xkipaba-ki' chuwech, y xa xkiya' pa bis ri Loq'olej Espíritu richin rija'. Roma ri' xok kik'ulel, y kan ja rija' ri xbanon labal kik'in rije'.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Wuj Richin ri Jeremías 21:4

ri Jehová, ri qa-Dios richin Israel kere' nubij: Rix niben oyowal rik'in ri rey richin Babilonia y kik'in ri aj-Caldea ri ek'o-apo chirij ri tz'aq ri kisutin chik iwij. Jak'a yin kan xtinben chiwe chi ja ri ikamisabal rix yixkamisan-qa y ri e etzelanel iwichin xke'apon pa runik'ajal ri itinamit.

Wuj Richin ri Jeremías 30:14

Konojel k'a ri xe'ajowan iwichin xa xixkimalij kan y man yixkikanoj ta chik. Roma ri imak kan man ajlatel ta, roma ri' kan xinya' rutojbalil pan iwi' y yin kan xixinch'ey kow achi'el xa ja ta ri e etzelanel iwichin ri xixch'ayon.

Wuj Richin ri Jeremías 52:13

Y toq xapon chiri', xuporoj ri rachoch ri Dios, ri rachoch ri rey y ronojel ri jay richin ri tinamit ri'. Y ri xeporox más ja ri jay ri k'o kejqalen.

Wuj Richin ri K'uxla'anik 2:2

Xuben k'a chi kan man jun chik jay richin ri Judá ri xpa'e' ta kan. Xeruwulaj ronojel ri jay richin tobel richin ri ruwach'ulew Judá. Xeruqasaj k'a pan ulew ri ajawaren y ri e tata'al.

Wuj Richin ri K'uxla'anik 2:4

Ri Dios kan xok k'a achi'el jun etzelanel qichin; xuchojmirisaj k'a ri ruk'aqbal-ch'ab richin chi xojruq'ijuj. Kan xuk'is k'a ronojel ri kan jebel rubanon, ri royowal kan xuya' k'a pe pa qawi' achi'el jun q'aq'.

Ez 2:10

Y xurik' k'a ri boton wuj ri' chinuwech y xintz'et k'a chi nojineq ruwech rik'in ch'abel y keri' chuqa' ri chirij. Y ri tz'ibatel chuwech nich'on chirij ri q'axo'n y ri bis.

1 Sam 28:16

K'ari' ri Samuel xubij: ¿Achike k'a roma nak'utuj chuwe yin? Roma awetaman chik chi ri Jehová kan xujech'ej yan el ri' awik'in, y xa kan xok etzelanel awichin.