Wuj Richin ri K'uxla'anik 2:2 - Kaqchiquel Bible

² Xuben k'a chi kan man jun chik jay richin ri Judá ri xpa'e' ta kan. Xeruwulaj ronojel ri jay richin tobel richin ri ruwach'ulew Judá. Xeruqasaj k'a pan ulew ri ajawaren y ri e tata'al.

Wuj Richin ri K'uxla'anik 2:2 Iomraidhean Croise

Wuj Richin ri Achin Job 2:3

K'ari' ri Jehová xubij chire: Yin wetaman chi rat atz'eton chik kan ri Job ri nusamajel. Rija' jun achin ri kan janila choj ri ruk'aslen, y man jun achike ta itzel nilitej chirij. Rija' kan k'o nukiy chuwech, nuya' k'a nuq'ij y kan man jun itzel ri nrajo' nuben. Rija' kan k'a jun chojilej achin na wik'in. Xa man jun k'a xach'ek rat rik'in toq xabij chuwe chi tinya' wululen pa ruwi' y rik'in ri' xkiruya' kan, xcha'.

Wuj Richin Bix Chire ri Dios 21:9

Toq xkape rat, rik'in ri awoyowal xke'aya' pa q'aq' ri man ye'ajowan ta awichin. Rik'in ri q'aq' ri', kan xke'ak'is k'a roma awoyowal.

Wuj Richin Bix Chire ri Dios 74:7

Kan xkiya' k'a ruq'aq'al ri awachoch; xkiqasaj ruq'ij ri awachoch ri akuchi ninimirisex-wi ri abi', y xkiben chire chi man jun rejqalen.

Wuj Richin ri Isaías 22:5

Ri Jehová k'iytisanel richin ronojel nucha' jun q'ij richin xibinri'il, q'ij richin bis, q'ij richin sachibel-k'u'x. Y re' nibanatej chupan ri taq'aj richin Hinom. Ri chiri' xtiwulex ri tz'aq ri sutiyon-rij ri tinamit. Y ri winaqi' nikik'utuj to'onik chike ri juyu'.

Wuj Richin ri Isaías 23:9

Ja ri Jehová k'iytisanel richin ronojel, ja rija' ri xch'obon xya'on re ruk'ayewal re' pa kiwi', richin xtuqasaj kiq'ij konojel ri kinimirisan-ki'; chuqa' richin xkeruqasaj konojel ri e nima'q nikina-ki'.

Wuj Richin ri Isaías 25:12

Ri Jehová kan xkeruwulaj ri tz'aq ri sutiyon-kij ri kitinamit. Kan xkeruwulaj jumul, y xkeruqasaj pan ulew ronojel.

Wuj Richin ri Isaías 26:5

Roma rija' kan xeruk'is konojel ri e etzelanel qichin, y kan xuqasaj kiq'ij ri tinamit ri e nima'q nikina-ki'. Ja ri Dios ri xwulan ri tinamit ri', y xuqasaj jumul k'a pan ulew;

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin ri Isaías 43:28

Roma ri' xtinqasaj kiq'ij ri i-sacerdote, xtinya' q'ij chi ri iwinaq israelita xkeyojobex, y k'ari' xkek'is.

Wuj Richin ri Isaías 47:6

Yin kan xpe woyowal chike ri nuwinaq israelita, y roma ri' kan xinben chike chi man jun rejqalen ri kiruwach'ulew. Kan xenjech pan iq'a' rix. Jak'a rix xa man xijoyowaj ta kiwech rije'. Kan jajun ri e rijita'q taq winaqi' xe'iya' pa kow taq samaj.

Wuj Richin ri Jeremías 13:14

Chirij re' yin kan xtinben k'a chiwe achi'el toq nikipaxij-ki' ri bojo'y. Y k'ari' xkixwulex iwonojel, nitiker-el kik'in ri rijita'q taq winaqi' y napon k'a kik'in ri taq kokoj alk'ualaxela'. Y yin man xkixinpoqonaj ta rix, jak'a kan xkixink'is y man xtinjoyowaj ta iwech, nicha' ri Jehová.

Wuj Richin ri Jeremías 19:15

Ri qa-Dios Jehová ri k'iytisanel richin ronojel kere' nubij: Wakami k'a nink'en-pe ri ruk'ayewal pa ruwi' re tinamit re' y pa kiwi' konojel tinamit ri ek'o chunaqaj, ri nuya'on chik rutzijol roma xixyakatej chuwij y kan xikowirisaj ri iwánima richin man xiniwak'axaj ta, xicha' chike.

Wuj Richin ri Jeremías 21:7

Chirij ri' yin Jehová xkenjech-el pa ruq'a' ri Nabucodonosor y ri ruwinaq; ri Sedequías, rey richin Judá, ri aj-raqen, ri aj-labal y ri winaqi' ri xek'oje' kan chire ri nima-yabil, ri man xekamisex ta chi espada y ri man xeken ta roma wayjal. Xkenjech pa kiq'a' ri e etzelanel kichin y pa kiq'a' ri ye'ajowan nikelesaj kik'aslen. Yin xtinben chi xkekamisex chi espada y kan man xtijoyowex ta kiwech. Yin Jehová ri yibin.

Wuj Richin ri Jeremías 5:10

Roma ri' ninya' q'ij chike ri e etzelanel iwichin richin yixkik'is, achi'el toq nijoq'-el ri ruq'a' ri uva ri xemayamo' yan qa, roma re' man e wichin ta yin. Jak'a man ye'ik'is ta el ronojel.

Wuj Richin ri K'uxla'anik 2:17

Ri Jehová kan xuben k'a ri rubin-pe pa qawi'. Kan xutaqej k'a ri ruch'abel ri xubij-pe chiqij ri ojer kan. Xuk'is k'a ronojel y man xujoyowaj ta qawech. Xunimirisaj k'a ri kuchuq'a' ri nich'upun kik'u'x chiqij.

Wuj Richin ri K'uxla'anik 2:21

Chi ak'uala', chi rijita'q e punupuxineq kan pa taq bey. Ri xtani' y ri alaboni' xekamisex kan chi espada. Roma ri awoyowal, xateq k'a pe ri kamik chiqij. Xe'akamisaj k'a konojel y man xajoyowaj ta kiwech.

Wuj Richin ri K'uxla'anik 2:5

Ri Jehová kan xok k'a achi'el jun etzelanel, kan xuwulaj k'a jumul ri qatinamit Israel. Xeruwulaj k'a ronojel nima'q taq jay; xeruk'is ri jay richin tobel. Xunimirisaj k'a ri bis y ri q'axo'n pa ruwi' ri Judá.

Wuj Richin ri K'uxla'anik 3:43

Jehová kan xik'o chik ruwi' ri awoyowal chiqij y roma ri' xojatzeqelibej. Rat kan janila k'a e k'iy ri xe'akamisaj, y kan man xajoyowaj ta qawech.

Ez 5:11

Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.

Ez 7:4

Kan man xtinjoyowaj ta chik iwech toq xtinya' rutojbalil-mak pan iwi', roma ri itzel taq ibanobal ri xe'ibanala', kan man niqa' ta k'a chinuwech. K'ari' k'a xtiwetamaj in achike yin.

Ez 7:9

Y kan man xtinjoyowaj ta k'a iwech toq xtinya' rutojbalil-mak pan iwi' roma ronojel re'. K'ari' k'a xtiwetamaj chi ja yin Jehová ri yibanon ronojel re'.

Ez 8:18

Y roma ri' yin chuqa' kan xkiyakatej k'a chikij rik'in janila woyowal, y kan man xtinjoyowaj ta k'a kiwech. Stape' xkech'on wik'in rik'in raqoj-chi'ij, yin kan man xkenwak'axaj ta k'a, xcha'.

Ez 9:10

Roma ri' kan man xtinjoyowaj ta k'a kiwech, jak'a xa xtiqaqa ri ruk'ayewal pa kiwi' roma ri kibanobal, xcha'.

Wuj Richin ri Miqueas 5:14

Xtrelesaj k'a el chikiwech ri paban-che' richin ri dios Asera, y kan xkeruwulaj k'a ronojel ri qatinamit.

Wuj Richin ri Malaquías 1:4

Ri e rijatzul kan ri Esaú nikich'ob-qa chi stape' man jun xk'oje' kan kik'in, rije' kan yetikir chik nikipaba-q'anej ri kitinamit Edom. Jak'a yin Jehová ri in k'iytisanel richin ronojel, ninbij chi stape' xtikipaba' chik q'anej jun bey ri kitinamit, yin kan xtinwulaj chik jun bey. Y ri ruwach'ulew ri' xtubini'aj Ri Itzel Ulew, y yin kan man jun bey xtik'is woyowal pa kiwi' ri winaqi' ri'.

San Mateo 18:33

¿Man ruk'amon ta kami chuqa' chi keri' ta xaben rat rik'in ri awachibil? Achi'el xinjoyowaj awech yin, rat xajoyowaj ta ruwech ri achin ri', xcha' chire.

2 Corintios 10:4

Ri niqakusaj roj richin niqaben oyowal rik'in ri itzel ja ri ruchuq'a' ri Dios, y man ja ta ri quchuq'a' roj. Rik'in ri uchuq'a' ri' kan yojtikir yojch'akon chirij ri itzel, stape' kan jebel ri rutobal rubanon.

Deut 28:52

Xtikisutij-rij ri tinamit richin iruwach'ulew y xtikiben oyowal k'a toq xketzaq na qa ri tz'aq ri más e nima'q y nej e jotol chikaj ri achoq ik'in ikuquban-wi-ik'u'x rix. Kan xkekich'ek k'a ronojel ri tinamit ri ek'o chupan ri ruwach'ulew ri xtiberuya' ri Jehová ri qa-Dios chiwe.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.