Wuj Richin ri K'uxla'anik 2:12 - Kaqchiquel Bible

¹² Nikik'utuj k'a chire ri kite' akuchi k'o-wi ri kiway y ri ki-vino. Yekamiyaj k'a qa pa taq bey achi'el nikiben ri winaqi' ri e sokotajineq. Kan chuwa-kik'u'x k'a ri kite' yeken-wi-qa.

Wuj Richin ri K'uxla'anik 2:12 Iomraidhean Croise

Wuj Richin ri Achin Job 30:16

Wakami kan maneq chik rayibel wik'in richin chi in k'es, roma kan q'ij-q'ij chik ink'o pa ruq'a' ri tijoj-poqonal.

Wuj Richin Bix Chire ri Dios 42:4

Toq noqaqa chinuk'u'x ronojel re', kan achike na k'a nuben ri wánima. Noqaqa k'a chinuk'u'x ri ojer toq in beneq kik'in ri tzobaj winaqi', y yenk'uaj k'a chupan ri awachoch. Y qonojel kan yojnimaq'ijun k'a, y ri qabix kan richin k'a kikoten y matioxinik.

Wuj Richin Bix Chire ri Dios 62:8

Chi'iwonojel rix winaqi', jantape' tikuquba' ik'u'x rik'in. Titzijoj chire ronojel ri k'o pan iwánima, roma rija' kan jari' ri qatobal.

Wuj Richin ri Isaías 51:20

Ri Jehová ri qa-Dios kan janila royowal chiwe, y roma ri' ri iwal kan xepunupuxin kan pa taq krusin-bey, roma maneq chik kuchuq'a', achi'el ri masat ri e ya'on pa jun ya'l.

Wuj Richin ri Isaías 53:12

Roma ri' yin kan xtinnimirisaj ri rubi' chikikojol ri e nima'q taq winaqi', y kan xtinya' ruchuq'a', roma rija' kan xtuya-ri' pa kamik, y kan junan xtikamisex kik'in ri aj-maki'. Kan rija' xtejqan kimak ri janila chi winaqi', y kan ja rija' xtich'on pa kik'exel ri aj-maki', nicha' ri Dios.

Wuj Richin ri Jeremías 5:17

Rije' xtikitej ronojel ruwech ri itiko'n y ri iway. Xkekik'uaj konojel ri iwalk'ual. Xkekitej ronojel ri iwawej y xkekik'is ri ijuwi-uva y ri iwíkix. Kan rik'in k'a ri kikamisabal xtikik'is kan ronojel ri nima'q taq itinamit ri kan e tz'apen rik'in tz'aq, ri achoq ik'in ikuquban-wi ik'u'x.

Wuj Richin ri K'uxla'anik 1:11

Konojel ri winaqi' ye'oq' rokik nikikanoj ri k'atzinel richin nikitej. Rije' nikijel ri kibeyomel chuwech juba' kiway. Kere' xkiben xaxe richin man yeken ta. Tabana' utzil, Jehová, qojatzu' chi kan ojk'o pa jun k'ixbilal.

Wuj Richin ri K'uxla'anik 4:4

Ri taq ak'uala' kan janila chaqi'j kichi', y roma ri' ri kaq' kan nutz'om-ri' pa taq kichi'. Rije' kan janila yenum, jak'a kan man jun niya'on juba' kiway.

Ez 30:24

Jak'a ri rey richin Babilonia xtinya' uchuq'a' rik'in, richin ja rija' xtibeq'aton-tzij pa nuk'exel. Richin keri' xtinya' q'ij chire richin xtuk'is ruchuq'a' ri rey richin Egipto. Y rija' kan janila xtijilon chikiwech ri aj-Babilonia achi'el nuben jun wineq toq niken yan qa roma rukiy ri sokotajik.