Wuj Richin ri K'uxla'anik 2:1 - Kaqchiquel Bible

¹ Roma ri royowal ri Jehová, kan xuq'equmarisaj ri tinamit Sión, kan xuben chire chi achi'el xa ta k'a chila' chikaj xberuk'aqa-pe k'a pan ulew. Ri rubanon kan, ri Sión kan jari' ri qajineq chuwech, jak'a re wakami kan man niqaqa ta chuk'u'x roma ri royowal.

Wuj Richin ri K'uxla'anik 2:1 Iomraidhean Croise

2 Sam 1:19

¡Ri ruwaq'ijaj richin ri qatinamit Israel xa kan xek'is k'a kan, xa kan xek'is k'a kan ri chiri' pa ruwi' taq juyu'! Kan xetzaq k'a ri maneq xibinri'il chikiwech.

1 Crón 28:2

K'ari' ri David xpa'e-q'anej chikiwech ri winaqi' y xubij: Tiwak'axaj, wach'alal y nuwinaq yin. Yin janila xinrayibej richin ja yin ta xipaban-q'anej ri rachoch ri Dios ri akuchi ta xya'ox-wi ri káxa richin ri rujikibel-tzij y xk'oje' ta q'asen chiri' ri akuchi niq'alajin-wi ri ruq'atbal-tzij ri Dios. Roma ri' xinben yan k'iy samajibel richin xinpaba' ta q'anej.

Wuj Richin Bix Chire ri Dios 132:7

Keri' xqabij chi xqojok-apo akuchi k'o-wi rija', richin niqaya' ruq'ij akuchi tz'uyul-wi.

Wuj Richin Bix Chire ri Dios 89:45

Xaben chire chi chi'anin xrijix y wakami xa kan xaya' ruk'ix.

Wuj Richin Bix Chire ri Dios 99:5

Tinimirisaj ruq'ij ri Jehová ri qa-Dios. Kan tixuku-timeja-iwi' chuwech, roma kan xaxe-wi rija' ri loq'olej.

Wuj Richin ri Isaías 64:11

Roj y ri qati't-qamama' xqaya' aq'ij chupan ri awachoch akuchi k'o-wi ri ak'ojlen. Jak'a re wakami xa kan xk'is yan roma ri q'aq'. Ronojel ri ek'o qik'in ri taq e jebel ok, kan xek'is.

Wuj Richin ri Jeremías 30:14

Konojel k'a ri xe'ajowan iwichin xa xixkimalij kan y man yixkikanoj ta chik. Roma ri imak kan man ajlatel ta, roma ri' kan xinya' rutojbalil pan iwi' y yin kan xixinch'ey kow achi'el xa ja ta ri e etzelanel iwichin ri xixch'ayon.

Wuj Richin ri K'uxla'anik 1:1

Ri nimalej tinamit ri xek'oje' e k'iy ruwinaq ojer kan, wakami xa xuyonij kan. Ri tinamit ri kan nim rubanon chikikojol ri ch'aqa' chik ruwach'ulew, wakami xa xok kan achi'el jun malka'n ixoq. Ri ojer kan ri tinamit ri' ja rija' ri reina pa kiwi' ri ch'aqa' chik ruwach'ulew; jak'a re wakami xa xxime' pa samaj.

Wuj Richin ri K'uxla'anik 1:12

Y rix ri janipe' yixq'ax chupan ri bey, kixpa'e' y titz'eta'. Tich'obo-qa wi k'o ta chik jun q'axo'n, achi'el re q'axo'n re qajineq pa qawi' roj. Ri Jehová kan xuya' k'a pe re tijoj-poqonal re' pa qawi' toq xyakatej janila royowal chiqij.

Wuj Richin ri K'uxla'anik 2:17

Ri Jehová kan xuben k'a ri rubin-pe pa qawi'. Kan xutaqej k'a ri ruch'abel ri xubij-pe chiqij ri ojer kan. Xuk'is k'a ronojel y man xujoyowaj ta qawech. Xunimirisaj k'a ri kuchuq'a' ri nich'upun kik'u'x chiqij.

Wuj Richin ri K'uxla'anik 4:1

Ri q'anapueq xa kan janila k'a xq'eqer. Ri jebelej q'anapueq xa man nitz'intz'ot ta chik. Ri jebelej taq abej richin ri rachoch ri Dios xa kan e talutajineq k'a kan pa taq krusin-bey.

Wuj Richin ri K'uxla'anik 4:11

Ri Jehová kan xuteq-pe ronojel ri royowal pa qawi'. Kan xuq'ej k'a pe pa qawi' ri nimalej royowal achi'el niq'ej ri ya'. Xutzij k'a jun q'aq' pa ruwi' ri tinamit Sión, y ri q'aq' ri' kan xuk'is ronojel.

Ez 13:13

Rik'in janila woyowal xtinben chi xtipe jun nimalej surkum, jun nimalej kaq'iq'-job y nima'q taq saqboch, richin keri' xtik'is ronojel.

Ez 19:12

Jak'a k'o jun q'ij rik'in oyowalen xk'uq y xtorix pan ulew. K'ari' xpe ri meq'en kaq'iq' pa relebel-q'ij y xuchaqirisaj. Ri ruwech ri jebel kibanon xewux-el, Y ri ruq'a' xa xeya'ox pa q'aq'.

Ez 24:21

Stape' janila nikajo' ri wachoch ri k'o pa Jerusalem y kan janila kikuquban kik'u'x rik'in, yin kan xtinya' jun nimalej ruk'ayewal pa ruwi'. Y ri imi'al y ri ik'ajol ri xe'iya' kan pa Jerusalem xa xkekamisex.

Ez 30:18

Ri aj-Egipto janila kinimirisan-ki' roma ri kuchuq'a'. Jak'a yin xtinwelesaj ri uchuq'a' y ri nimirisanen ri k'o kik'in. Ri chiri' pa tinamit Tafnes kan xtibeq'equmatej roma ri sib. Y chuqa' pa ruwi' chijun ri ruwach'ulew Egipto kan xtibemuqumu', rokik ri winaqi' xke'uk'uex-el pa ximonri'il.

Joel 2:2

Ri q'ij ri', jun q'ij richin q'equ'm, jun q'ij richin sutz' y richin muj. Toq xkepe ri e etzelanel qichin kan xkepe achi'el jun nimalej tzobaj sak'. Y rije' kan xketz'et xkebiyin anineq pa ruwi' ronojel taq juyu', achi'el nitz'et toq nibiyin ri saqil pa ruwi' taq juyu' toq niseqer-pe. Man jun bey kitz'eton ri qate-qatata', ni man jun bey xtitz'et koma ri qijatzul.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

San Lucas 10:15

Keri' chuqa' rix aj-Capernaum, kan nich'ob chi yixbe chila' chikaj rik'in ri Dios y janila xtinimirisex iq'ij. Jak'a xa man keri' ta. Xa xkixqaqa chupan ri q'aq'.

San Lucas 10:18

Ri Jesús xubij chike: Ja', kan qitzij ri nibij. Roma yin kan xintz'et chi ri Itzel-Wineq, xtzaq-pe chila' chikaj, kan achi'el koyopa' ri xuben.

1 Sam 4:21

Y ri te'ej xuya' rubi' ri ti ral y xubij Icabod chire,*f3* roma xeleq'ex kan ri káxa richin ri jikibel-tzij, chuqa' roma xken ri ralnan y ri rachijil.

1 Sam 4:22

Y ri ixoq ri' xubij: Xk'is k'a ri ruwaq'ijaj richin Israel roma xeleq'ex kan ri káxa richin ri rujikibel-tzij ri Dios, xcha'.