Wuj Richin ri K'uxla'anik 1:1 - Kaqchiquel Bible

¹ Ri nimalej tinamit ri xek'oje' e k'iy ruwinaq ojer kan, wakami xa xuyonij kan. Ri tinamit ri kan nim rubanon chikikojol ri ch'aqa' chik ruwach'ulew, wakami xa xok kan achi'el jun malka'n ixoq. Ri ojer kan ri tinamit ri' ja rija' ri reina pa kiwi' ri ch'aqa' chik ruwach'ulew; jak'a re wakami xa xxime' pa samaj.

Wuj Richin ri K'uxla'anik 1:1 Iomraidhean Croise

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

2 Rey 23:33

Y ri Necao rey richin Egipto xuya' pa cárcel ri chiri' pa tinamit Riblá, ri k'o pa ruwach'ulew Hamat. Xrelesaj richin man niq'aton ta chik tzij pa Jerusalem. K'ari' xuben chike ri aj-Judá chi xkiya' ri k'o chi nitoj chire, y k'o chi xkitoj jumuch' quintal saqipueq y oxk'al wo'o' libra q'anapueq.

2 Rey 23:35

Y ri Joaquim xuya' k'a chire ri Necao ri saqipueq y ri q'anapueq ri xuk'utuj chire. Richin chi xumol ruchi' ri méro ri', k'o chi xuq'et pa kiwi' ri winaqi' janipe' nikiya'.

2 Crón 9:26

Y rija' xk'oje' pa kiwi' ri rey ri ek'o chupan ri ruwach'ulew ri nitiker-pe pa xaman rik'in ri raqen-ya' Éufrates, k'a pa qajbel-q'ij rik'in ri kiruwach'ulew ri aj-Filistea, y napon k'a pa xokon rik'in ruk'ulba't ri ruwach'ulew Egipto.

Wuj Richin ri Esdras 4:20

Y kan xek'oje' rey pa Jerusalem, ri kan janila kiq'ij, ri xek'oje' pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y chike k'a rije' xtoj-wi ri méro ri kan k'o chi nitoj chire ri rey: Ri nitoj roma ulew, ri jay y ri nitoj roma ri k'ayij.

Wuj Richin ri Nehemías 5:4

Y ri ch'aqa' chik nikibij: Roma kan k'o chi niqatoj chire ri rey pa ruwi' ri qulew ri akuchi qatikon-wi uva y ri ch'aqa' chik qulew, k'o chi xqak'utula' méro pa qajik richin keri' k'o qik'in ri k'o chi niqatoj chire ri rey.

Wuj Richin ri Nehemías 9:37

Re ruwach'ulew re' jebel niwachin, jak'a re wakami man qichin ta chik roj. Xa kichin chik ri rey ri xe'aya' pa qawi' roma ri qamak, y roma ri' rije' nikiben chiqe ri nikajo' y chuqa' kik'in ri taq qawej, y roma ri' ojk'o pa jun nimalej bis, xcha' ri Esdras.

Wuj Richin Bix Chire ri Dios 122:4

Chiri' xejote-q'anej ri tzobaj winaqi' richin ri Jehová, richin nikiya' ruq'ij rija', achi'el nubij ri pixa'.

Wuj Richin ri Isaías 14:12

Rat xk'oje' janila awejqalen chuwech ri ruwach'ulew, achi'el ri ch'umil ri janila nich'ich'an chila' chikaj. Ja rat ri ch'umil ri más yach'ich'an chikiwech konojel. Jak'a re wakami, xa xak'aq-el chuwech re ruwach'ulew, stape' rat ri ojer xe'ak'eq chuqa' el winaqi' chuwech re ruwach'ulew.

Wuj Richin ri Isaías 22:2

Rix aj-Jerusalem, ri Dios nuk'utuj chiwe achike roma kan janila yixwosq'o'l y janila pan ichi'. rix ix jun tinamit ri niqa' chiwech ri etz'anen, y kan janila yixkikot Roma ri achi'a' ri xekamisex, man rik'in ta espada xekamisex-wi. Ri xeken, xa man pa labal ta xeken-wi.

Wuj Richin ri Isaías 3:26

Y ri tinamit xa xtitole-xtitole' kan. Kan xtik'oje' pa bis, y ri winaqi' kan xketz'uye' pa poqolaj roma bis.

Wuj Richin ri Isaías 49:21

Jari' toq rix xtibij-qa pan iwánima: ¿Achike k'a xeya'on chiqe konojel re winaqi' re'? Roma roj xa e maneq qalk'ual, y man jun bey chik xke'alex qalk'ual. ¿Achike kami xek'iytisan kichin? Roma roj xa kan xqayonij kan, y man qetaman ta akuchi e peteneq-wi, xkixcha'.

Wuj Richin ri Isaías 50:5

Jehová k'iytisanel richin ronojel, kan naben chuwe richin nijaqatej ri nuxikin, y yin kan man yiyakatej ta chawij, ni kan man nintzolij ta wi' chuwij.

Wuj Richin ri Isaías 52:2

Kixyakatej k'a pa poqolaj rix aj-Jerusalem, y kixq'aton-tzij rix. Kan tiwelesaj kan ri achoq ik'in ix ximon-wi, rix aj-Sión ri xixuk'uex-el.

Wuj Richin ri Isaías 52:7

Kan janila jebel ok toq natz'et jun ya'ol utzilej rutzijol, ri peteneq pa ruwi' taq juyu' richin ri Jerusalem. Xtuk'en-pe ri utzilej rutzijol chi xtik'oje' uxlanibel-k'u'x, chi xtik'oje' kolotajik, y chi ri qa-Dios kan niq'aton chik tzij.

Wuj Richin ri Isaías 54:4

Man tixibij-iwi' roma kan man jun bey chik xtiqasex iq'ij, ni man xkixk'ixbitej ta chik. Kan xtimestaj ri k'ix ri xiq'axaj toq man jani k'o k'iy ijuna'. Chuqa' kan xtimestaj toq xqasex iq'ij toq xixmalix kan koma ri iwachijil,

Wuj Richin ri Jeremías 31:7

Roma kere', yin Jehová ninbij chiwe rix ch'aqa' chik winaqi' richin ri ruwach'ulew chi kixbixan k'a rik'in kikoten roma ri rutinamit ri Jacob ri kan k'o más rejqalen chi'ikojol iwonojel. Kan kixbixan k'a rik'in kikoten y tik'utuj utzil chuwe chi yin yenkol ri juba' ri k'a ek'o na kan.

Wuj Richin ri Jeremías 40:9

K'ari' ri Guedalías xuya' rutzij chike rije' y xubij: Man tixibij-iwi' richin ye'iwilij ri aj-Babilonia. Kixk'ase' k'a wawe' chupan re qaruwach'ulew y tisamajij ri rey richin Babilonia richin utz xkixbe.

Wuj Richin ri Jeremías 42:2

wik'in yin Jeremías y xkibij chuwe: Niqak'utuj utzil chawe, kach'on rik'in ri Jehová ri qa-Dios pa qavi' roj, ri xojkolotej kan, roma re wakami xa oj ka'i-oxi' chik ok, y ri rubanon-pe janila oj k'iy.

Wuj Richin ri Jeremías 44:2

Kere' ninbij yin Jehová k'iytisanel richin ronojel, ri i-Dios: Rix kan xitz'et ronojel ri ruk'ayewal ri xinteq-pe pa ruwi' ri Jerusalem y pa kiwi' konojel tinamit richin Judá. Y roma ri', re wakami kan man jun chik wineq k'o chiri' y kan xwuluwu' kan jumul,

Wuj Richin ri Jeremías 44:6

Roma ri' kan janila xyakatej woyowal y kan xinwelesaj woyowal pa ruwi' ri ruwach'ulew Judá y pa taq bey richin ri tinamit Jerusalem. Kan xwuluwu' y xtole' kan re tinamit re', k'a re wakami.

Wuj Richin ri Jeremías 50:23

Ri ojer kan ri Babilonia achi'el jun bajibel kichin konojel ruwach'ulew. Jak'a re wakami, ja rija' ri xwulatej y kan xk'is. Y toq ri winaqi' nikitz'et, kan janila nikixibij-ki' chuwech.

Wuj Richin ri Jeremías 9:11

Y ri Dios xubij chi xtiberubana' chire ri tinamit Jerusalem chi xtipe jun wululen pa ruwi'. Chuqa' xtuben chire chi xtok kijul ri chikopi' achi'el utiwa'. Y chike ri ch'aqa' chik tinamit richin ri Judá xtuben richin xke'ok tz'iran taq ruwach'ulew y kan man jun chik wineq ri xtik'oje' chiri'.

Wuj Richin ri K'uxla'anik 1:19

Xeqoyoj k'a ri xe'ajowan qichin richin yojkito', jak'a rije' xa xojkiq'ol. Ri qa-sacerdote y ri e tata'al, rokik e beneq chukanoxik ri k'atzinel richin nikiq'axbej-ki', xa xeken kan pa tinamit.

Wuj Richin ri K'uxla'anik 2:1

Roma ri royowal ri Jehová, kan xuq'equmarisaj ri tinamit Sión, kan xuben chire chi achi'el xa ta k'a chila' chikaj xberuk'aqa-pe k'a pan ulew. Ri rubanon kan, ri Sión kan jari' ri qajineq chuwech, jak'a re wakami kan man niqaqa ta chuk'u'x roma ri royowal.

Wuj Richin ri K'uxla'anik 2:10

Ri rijita'q taq achi'a' richin ri tinamit xetz'uye' k'a pa poqolaj, y kan man jun chik k'a nikibij. Xkiya' k'a poqolaj pa kijolon, y xkikusaj qirix taq tzieq. Keri' chuqa' ri xtani' kan xkiqasaj-ki' k'a pan ulew.

Wuj Richin ri K'uxla'anik 4:1

Ri q'anapueq xa kan janila k'a xq'eqer. Ri jebelej q'anapueq xa man nitz'intz'ot ta chik. Ri jebelej taq abej richin ri rachoch ri Dios xa kan e talutajineq k'a kan pa taq krusin-bey.

Wuj Richin ri K'uxla'anik 5:16

Ri ruwaq'ijaj ri xk'oje' qik'in xa kan xk'is k'a jumul. Kan toq'ex k'a qawech wakami roma kan xojmakun.

Ez 26:16

Jari' toq konojel k'a ri e rey pa kiwi' ri ch'aqa' chik tinamit ri', kan xkeyakatej k'a el pa kitz'uyubal, y xtikelesaj k'a el ri jebelej taq tzieq y rik'in k'a janila xibinri'il xkebetz'uye' pan ulew. Y jantape' k'a k'o xibinri'il kik'in y roma ri' xkebaybot y xtikimey ri xbanatej.

Ez 26:2

Rat Ezequiel, ninbij k'a chawe chi ri winaqi' aj-Tiro xa xetze'en k'a chirij ri Jerusalem. Kan xesik'in k'a y xkibij chi xetzaq ri ruchi' ri Jerusalem y wuluwik rubanon. Y roma ri' wakami nikich'ob chi xkebeyomer-q'anej rije'.

Ez 5:5

Yin Jehová ri in rajaw ronojel ri xibin chawe ri k'o chi naben y kere' xinbij: Ri tinamit Jerusalem, ja yin ri xibanon chire richin xk'oje' pa kinik'ajal nima'q taq tzobaj winaqi' richin re ruwach'ulew.

Wuj Richin ri Chojmirisabelri'il 26:31

Kan xtitole' k'a kan ri itinamit, y kan man jun chik xke'apon ri akuchi niya-wi kiq'ij ri i-dios, y kan man utz ta chik xtinseq ri jubulej pom.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Wuj Richin ri Sofonías 2:15

Ri ojer kan ri tinamit ri' janila xkikot, y kan kuqul ruk'u'x xk'ase'. Ri winaqi' ri xek'oje' chiri' xkibij chi kan man jun chik tinamit achi'el rije', jak'a re wakami xa tolan-tolan chik kan. Xa ja chik ri chikopi' richin pa k'echelaj e chajiyon kan. Ri wineq ri xtiq'ax-el keri', xtitze'en kan chirij, y kan janila xtuyojobej kan.

Apocalipsis 18:7

Tiya' pa q'axo'n y tijoj-poqonal. Roma rija' xunimirisaj-ri', y toq k'o chupan ri itzel k'aslen ri', xubila' k'a pa ránima: Ja yin ri kan achi'el reina in tz'uyul wawe', man in malka'n ta, ni man xtink'owisaj ta chuqa' q'axo'n, xcha-qa.