San Juan 9:7 - Kaqchiquel Bible

⁷ Y xubij chire: Wakami kabiyin, y tabech'aja' ri runaq'-awech ri pan atinibel Siloé, xcha'. Re bi'aj re' pa qach'abel nibix Taqo'n chire. Ri achin ri' kan xbe na wi, xuch'ej ri runaq'-ruwech, y toq xtzolin-pe, nitzu'un chik.

Tuilleadh tionndaidhean

Kaqchikel Santo Domingo (Xenacoj)

⁷ Y xubꞌij chare: Kabꞌiyin, taꞌachꞌajaꞌ awech pa atinibꞌel rubꞌiniꞌan Siloé. Siloé ndubꞌij tzij: Taqon. Xbꞌa kꞌa ri soqꞌ, xbꞌeruchꞌajaꞌ ruwech, y atoq xtzolij pe, nditzuꞌun yan chik.

Kaqchikel Santa Maria de Jesus

⁷ y xuꞌej cha: Vacame caꞌin y achꞌajaꞌ ri anakꞌavach chupan ri estanque ri niꞌeꞌx Siloé cha (ri tzij Siloé nuꞌej: Takuon-el). Ri ache reꞌ xꞌa y xuchꞌaj ri nakꞌaroch, y antok xtzalaj-pa, nitzuꞌn yan chic.

Kaqchikel Central Guatemala

⁷ Y xubij chire: Vacami cabiyin c'a, y te'ach'aja' ri runak'-avech ri pan atinibel rubini'an Siloé. Re bi'aj c'a re' pa jun chic ch'abel nibix Tako'n chire. Ri achin ri' can xbe na vi, xuch'ej ri runak'-ruvech, y tok xtzolin-pe, nitzu'un chic.

Re C'ac'a Testamento pa Kach'abal

⁷ Y xubij cha: Vocame cabiyin, y ta'ch'aja' re anak'avach pa jun ya' rubini'an Siloé. Re be'aj Siloé ndel che tzij, Takom-pa. Re ache re' can xbo-va, xe'ruch'aj re nak'arach, y tak xtzolaj-pa, nitzu'un chic.

Kaqchikel Western Solola

⁷ Y xubij chare: Wacami cabiyin c'a, y jach'aja' ri runak' awech chupan ri atinibel ri Siloé rubi'. Ri Siloé c'a ri' ntel chi tzij Tako'n. Ri achi ri' can xbe c'a chuch'ajic ri runak' ruwech, y tek xtzolin pe, nitzu'un chic.

San Juan 9:7 Iomraidhean Croise

Wuj Richin ri Nehemías 3:15

Ri Salum ruk'ajol ri Colhozé, aj-raqen pa ruwi' ri tinamit rubini'an Mispá, xuyek chik q'anej ri ruchi' ri tz'aq ri rubini'an Ralaxbel-Ya'. Y xuchojmirisaj y xuya' ch'ich' y che' chirij richin xuch'ayuj kan jebel. Y keri' chuqa' xuyek-q'anej ri tz'aq ri napon-qa chuchi' ri ralaxbel-ya' richin Siloé ri k'o chunaqaj ri ruqejoj ri rey, y napon-qa k'a akuchi nik'is-wi ri grada ri nixule-qa pa rutinamit kan ri rey David.

Wuj Richin Bix Chire ri Dios 146:8

Ri Jehová kan nuben chike ri e moyi' chi yetzu'un. Kan yeruyek k'a ri e tzaqineq. Kan yerajo' k'a ri choj kik'aslen.

Ex 4:11

Jak'a ri Jehová xubij chire: Ja yin ri yibanon chire ri wineq chi nich'on, o richin man nich'on ta; richin nak'ex, richin nitzu'un o richin man nitzu'un ta.

Wuj Richin ri Isaías 32:3

Chupan ri q'ij ri', konojel winaqi' kan xtikijeq k'a jebel ri runaq' taq kiwech richin xtikitz'et ri xtuben ri Dios, y kan xtikajo' xtikak'axaj jebel ronojel ri xtubij rija'.

Wuj Richin ri Isaías 35:5

K'ari' ri e moyi' xketzu'un; ri man ye'ak'ex ta xke'ak'ex;

Wuj Richin ri Isaías 42:7

Xkatinteq richin chi xtajeq ri runaq' ta kiwech ri man yetzu'un ta, richin xke'awelesaj-el konojel ri ek'o pa cárcel, y xke'akol ri ek'o pa q'equ'm.

Wuj Richin ri Isaías 43:8

Kan timolo-iwi' rix nuwinaq israelita. Stape' rix k'o runaq' taq iwech, jak'a xa ix moyi'. Stape' k'o ixikin, jak'a xa man yixak'ex ta.

Wuj Richin ri Isaías 8:6

Ri awinaq man nikajo' ta ri raqen-ya' Siloé ri kan eqal nibiyin, jak'a yekikot kik'in ri Resín y ri Pécah.

San Mateo 11:5

Chi ri moyi' yetikir chik yetzu'un; ri winaqi' ri man kan ta yetikir yebiyin roma e jetz', yebiyin jebel; ri e yawa'i' rik'in ri yabil ri nutaluj-ri', kan xech'ajch'ojir-el; ri man ye'ak'ex ta xek'achoj; ri kaminaqi' xek'astej; y ri winaqi' ri meba' kánima chuwech ri Dios, kan nitzijox k'a ri utzilej ch'abel richin kolotajik chike.

San Lucas 13:4

Toqaqa chi'ik'u'x toq xeken ri waqxaqlajuj winaqi' toq xtzaq ri tz'aq richin Siloé pa kiwi'. ¿Nich'ob rix chi kan más e aj-maki' ke chikiwech konojel ri ch'aqa' chik winaqi' ri ek'o pa Jerusalem?

San Lucas 2:32

Ja rija' chuqa' ri saqil kichin ri winaqi' ri man e qawinaq ta. Y ruwaq'ijaj chiqe roj ri atinamit, xcha' ri Simeón.

San Juan 10:36

Wi keri' xubij ri Dios, ¿achike k'a roma rix nibij chi yin xinyoq' rubi' ri Dios, roma xinbij chi ja yin ri in ruk'ajol? Roma yin kan xirucha' k'a ri Dios richin xiruteq-pe chuwech re ruwach'ulew.

San Juan 11:37

K'ari' ek'o k'a chike ri winaqi' ri' xkibila' k'a chirij ri Jesús: Rija' ri kan xtikir xuben chire ri moy richin xtzu'un. ¿Man ta kami xtikir ta xuben chire ri Lázaro chi man ta xken?, xecha'.

San Juan 9:11

Jari' toq ri achin xubij chike: Ri jun achin rubini'an Jesús xuben juba' ti ch'abeq y jari' ri xukil ri chirunaq'-nuwech, y k'ari' xubij chuwe chi tinbench'aja' ri runaq'-nuwech ri pan atinibel Siloé. Y yin kan xibe-wi; xinch'ej ri runaq'-nuwech, y jari' toq xitzu'un, xcha'.

San Juan 9:39

K'ari' ri Jesús xubij chire: Yin xipe k'a chuwech re ruwach'ulew richin ninq'alajirisaj kimak ri winaqi'; ninben k'a chike ri winaqi' ri man nitzu'un ta kánima chi titzu'un. Jak'a ri nikina' chi nitzu'un ri kánima xa ke'ok moyi', xcha'.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Romanos 8:3

Ri pixa' richin ri Moisés man xtikir ta xojrukol, roma roj man xojtikir ta xqaben ri nubij roma oj makuwineq. Jak'a richin xojkolotej, ri Dios xuteq-pe ri Ruk'ajol chuwech re ruwach'ulew; xok wineq kan achi'el roj. Xken k'a roma ri qamak, y rik'in ri' ri Dios xuq'et-tzij pa ruwi' ri mak ri k'o pa qánima.

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.