San Juan 9:41 - Kaqchiquel Bible

⁴¹ Roma ri' ri Jesús xubij chike: Wi ta ix moyi', jebel ta, roma man jun ta mak niwejqalej. Xa roma k'a rix nibij chi man ix moyi' ta, xa roma ri' toq ri imak kan k'o-wi, xcha'.

Tuilleadh tionndaidhean

Kaqchikel Santo Domingo (Xenacoj)

⁴¹ Ri Jesús xubꞌij chake: Si rix, rix ta soqꞌ, man ta kꞌo imak iweqalen, pero wokami roma ndibꞌij chi ngixtzuꞌun, kin kꞌo mak iweqalen chuwech ri Dios.

Kaqchikel Santa Maria de Jesus

⁴¹ Y ri Jesús xuꞌej chica: Xa ta ix muoy, otz ta, ruma manak ta i-pecado. Pero ruma ixreꞌ ntiꞌej chi man ix muoy ta, rumareꞌ cꞌo ri i-pecado.

Kaqchikel Central Guatemala

⁴¹ Y ri Jesús xubij chique: Vi ta ix moyi', jebel ta, roma man jun ta mac nivejkalej. Xa roma c'a rix nibij chi man ix moyi' ta, xa romari' tok ri imac can c'o-vi.

Re C'ac'a Testamento pa Kach'abal

⁴¹ Y re Jesús xubij chique: Xe-ta yix moyi', jabal-ta, roma manak-ta imac. Xa roma yex nibij che man yix moyi-ta, mare' tak can c'o-va imac.

Kaqchikel Western Solola

⁴¹ Y ri Jesús xubij chique: Xa ta yix moyi', jabel ta, ruma man ta jun imac. Pero ruma chi riyix nibij chi can yixtzu'un, rumari' tek ri imac can c'o wi.

San Juan 9:41 Iomraidhean Croise

Wuj Richin Etamabel-Tzij 26:12

Xa más k'a nichojmir na jun wineq ri xa maneq runa'oj ke chuwech jun wineq ri nubij chi k'o na'oj rik'in.

Wuj Richin ri Isaías 5:21

¡Toq'ex iwech rix ri kan nina-iwi' chi ix aj-na'oj, y kan iyon nina-iwi' chi kan k'o inojibal!

Wuj Richin ri Jeremías 2:35

jak'a rix nibij chi man jun imak ibanon. Y rix nich'ob chi yin man woyowal ta chik chiwe. Roma nibij chi man ix makuwineq ta, roma ri' wakami, yin xtinq'et-tzij pan iwi'.

San Lucas 12:47

Ri samajel ri retaman ri achike niqa' chuwech ri rajaw, jak'a xa man nuchojmirisaj ta ri' richin nuben ri samaj, ni man nuben ta ri nrajo' ri rajaw, re samajel k'a re' xtiqaqa janila ruk'ayewal pa ruwi'.

San Lucas 18:14

Kan qitzij ninbij chiwe, chi ri achin moloy méro xtzolin-el, y man jun rumak xk'ulun chuwech ri Dios. Jak'a ri fariseo man keri' ta xk'ulun chuwech ri Dios. Roma xabachike k'a ri nunimirisaj-ri', xtiban k'a chire chi xtiqasex ruq'ij. Jak'a ri ruqasan-ri', xtinimirisex ruq'ij, xcha' ri Jesús.

Hebreos 10:26

Roma ri ketaman chik ri achike rubanik ri qitzij, y man rik'in ri' k'a nikiben chi yemakun stape' ketaman chi man utz ta, wi keri' kan man jun chik k'a xtiken richin yerukol-pe chupan ri kimak.

Santiago 4:17

Roma wi iwetaman achike ri utz, y xa man niben ta, yixmakun chuwech ri Dios.