San Juan 9:34 - Kaqchiquel Bible

³⁴ Jak'a ri fariseo ri' xkibij chire ri achin ri nitzu'un chik: Rat kan at aj-mak pe pan awalaxik, ¿y nawajo' yojatijoj roj?, xecha'. Kan jari' k'a xkoqotaj-pe chupan ri jay ri akuchi nikimol-ki' richin nikak'axaj ruch'abel ri Dios.

Tuilleadh tionndaidhean

Kaqchikel Santo Domingo (Xenacoj)

³⁴ Ri fariseos xkibꞌij chare: Kin qꞌalej chi awalaxibꞌen pe chi rat aj mak, ¿y ndawojoꞌ ngojatijoj? Y xkoqotaj pe chiriꞌ.

Kaqchikel Santa Maria de Jesus

³⁴ Pero ri achiꞌaꞌ reꞌ xquiꞌej cha ri ache ri nitzuꞌn yan chic: Atreꞌ can xatalax chupan nojiel a-pecado, ¿y navajoꞌ nkojatijuoj ojreꞌ? xaꞌchaꞌ. Y xquikotaj-pa ri ache reꞌ chireꞌ.

Kaqchikel Central Guatemala

³⁴ Pero ri achi'a' ri' xquibij chire ri achin ri nitzu'un chic: Rat can at aj-mac pe pan avalaxic, ¿y navajo' yojatijoj roj? xecha'. Y xquelesaj c'a pe ri achin ri', ri chiri'.

Re C'ac'a Testamento pa Kach'abal

³⁴ Pero re achi'a' re' xquibij cha re ache re nitzu'un chic: Rat can yat aj-mac-va tak xatalax, ¿y najo' yojatijoj yoj? xe'cha'. Y xquilisaj-pa re ache re', chire'.

Kaqchikel Western Solola

³⁴ Pero ri achi'a' ri' xquibij chare ri achi ri nitzu'un chic: Riyit can yit aj mac pe tek xatalex, ¿y nawajo' yojatijoj riyoj? xecha' chare. Y xquelesaj c'a pe ri achi ri', ri chiri'.

San Juan 9:34 Iomraidhean Croise

Wuj Richin ri Rutikeribel 19:9

Jak'a rije' xkibij: ¡Katel chiri' rat! Rat xa man at aj wawe' ta y kan nawajo' yatok jun to'onel qichin. Wakami k'a, más k'ayew xtiqaben chawe rat ke chuwech ri xtiqaben chike ri xe'oqaqa awik'in, xecha'. Jari' toq xeyakatej ri winaqi' e banoy ch'a'oj, chirij ri Lot y xejel-apo richin nikijoq' ri ruchi' ri rachoch.

2 Crón 25:16

Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'. K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.

Wuj Richin ri Achin Job 14:4

Roma kan man tikirel ta k'a chi k'o ta jun ri kan ch'ajch'oj, toq xa wineq y k'a k'o na chuwech re ruwach'ulew. Kan man jun.

Wuj Richin ri Achin Job 25:4

¿Kan nitikir kami nubij jun wineq chire ri Dios chi man aj-mak ta? Roma ri wineq xa aj-ruwach'ulew y kan wawe' chuqa' alaxineq-wi, xa roma ri' kan man ch'ajch'oj ta.

Wuj Richin Bix Chire ri Dios 51:5

Yin kan in aj-mak-wi, kan ja toq xitz'ukutej-q'anej. Kan in aj-mak chik toq xiruya' chuwach'ulew ri nte'.

Ex 2:14

Y ri achin ri' xubij: ¿At achike k'a rat? Rat man at tata'al ta y man at q'atoy-tzij ta chi nachojmirisaj oyowal ri yebek'ulun-pe chiqakojol ¿O xa nawajo' yinakamisaj achi'el xaben chire ri aj-Egipto?, xcha' chire ri Moisés. Jari' toq ri Moisés kan janila xuxibij-ri' y xubij-qa: Xa xnabetej yan ri xinben, chi xinkamisaj ri jun aj-Egipto, xcha-qa.

Wuj Richin Etamabel-Tzij 22:10

Tawelesaj-el ri wineq ri man yeruch'ob ta ri ch'abel ri yerubila' y kan xketane' ri oyowal. y chuqa' kan xkek'is-el ri tojojnik y ri yoq'onik.

Wuj Richin Etamabel-Tzij 26:12

Xa más k'a nichojmir na jun wineq ri xa maneq runa'oj ke chuwech jun wineq ri nubij chi k'o na'oj rik'in.

Wuj Richin Etamabel-Tzij 29:1

Ri wineq banoy richin etzelal, ri kan man nuqasaj ta ri', kan pa jun ti ramaj xtiya'ox-pe ri kamik pa ruwi' y man jun chik ri xtikolon richin.

Wuj Richin ri Isaías 65:5

Y nikibij chike ch'aqa' chik kiwinaq: Kixk'oje' chiri' ri akuchi ixk'o-wi. Man kixjel-pe qik'in, roma roj kan más oj loq'olej chiwech rix, yecha'. Re winaqi' re' kan e achi'el q'aq' ri chijun q'ij yebuqun; y kan man utz ta nuben chuwe, roma xa e achi'el sib.

Wuj Richin ri Isaías 66:5

Kan tiwak'axaj ri nuch'abel yin Jehová, rix ri kan iya'on nuq'ij. Kan ek'o iwach'alal ri kan itzel nikina' chiwe, roma rix in itzeqeliben yin. Rije' nikibij chiwe chi yin nink'ut ri nuk'ojlen, y chi rije' nikajo' richin yixkitz'et rik'in kikoten. Man rik'in ri' rije' xkek'ixbitej, nicha' ri Dios.

San Lucas 11:45

Jak'a jun chike ri etamanela' chirij ri pixa' xubij chire ri Jesús: Tijonel, toq rat nabij keri', man xaxe ta ri fariseo yesokotej, xa kan jajun chuqa' roj, xcha'.

San Lucas 14:11

Roma ri', ri nikinimirisaj-ki', xa xtiqasex kiq'ij. Jak'a ri kan ruqasan-ri', xtinimirisex ruq'ij, xcha' ri Jesús.

San Lucas 18:17

Kan qitzij k'a ninbij chiwe, chi ri xa man nikiben ta achi'el re ak'uala' re' richin chi nikijech-ki' pa ruq'a' ri Dios, kan man k'a xke'ok ta pa rajawaren rija', xcha'.

San Lucas 6:22

Jebel ruwa-iq'ij rix ri yixetzelex koma ri winaqi', yixkelesaj-pe chikikojol, yixyoq', y nibix chiwe chi ix itzel roma ja ri nubi' yin ri iniman, yin ri xiqaqa-pe achi'el wineq chi'ikojol.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

San Juan 8:41

Rix xa niben achi'el ri nuben ri itata', xcha' ri Jesús chike. Jari' toq rije' xkibij: ¡Roj man ojsik'on taq ak'ualaxela' ta roj xa kan xaxe k'a jun ri qatata', y ri' ja ri Dios!, xecha'.

San Juan 9:2

Y ri tijoxela' xkik'utuj k'a chire ri Jesús: Tijonel, ¿achike k'a xmakun richin kere' xalex re achin re'? ¿Ja ri rute-rutata' o ja rija'?, xecha'.

San Juan 9:22

Keri' k'a ri xkiq'alajirisaj ri rute-rutata' ri achin ri' chike ri achi'a' ri kan k'o-wi kiq'ij, roma kixibin-ki' chikiwech. Roma rije' kan kelesan chik k'a rutzijol chi xabachike wineq ri xtibin chi ri Jesús jari' ri Cristo, kan noqotex k'a pe chupan ri jay ri nikimol-wi-ki' richin nikak'axaj ruch'abel ri Dios.

San Juan 9:35

Ri Jesús xrak'axaj k'a chi ri achin ri' xoqotex-pe. Roma ri' xberukanoj y toq xril, xubij chire: ¿Nakuquba' ak'u'x rik'in ri ruk'ajol ri Dios?, xcha'.

San Juan 9:40

Jujun chike ri fariseo ri ek'o-apo chiri' akuchi k'o-wi ri Jesús, toq xkak'axaj ri', xkibij: ¿Oj moyi' kami chuqa' roj?, xecha'.

1 Corintios 5:13

Ri winaqi' ri man kikuquban ta kik'u'x rik'in ri Cristo, ja ri Dios ri niq'aton-tzij pa kiwi'. Jak'a ri qach'alal ri k'o chi'ikojol y najin chubanik ri etzelal, nik'atzin chi tiwelesaj-el chi'ikojol.

Gálatas 2:15

Roj ri kan oj judío-pe pa qalaxik, kan man oj aj-maki' ta achi'el ri winaqi' ri man e judío ta.

Efesios 2:3

Qonojel roj keri' chuqa' xqaben ri ojer kan; xojuk'uex roma ri itzel taq qarayibel, ri etzelal ri xeqach'obola' y xeqarayila', jari' ri xeqaben. Kan xqoyoj-wi ri royowal ri Dios pa qawi', roma roj kan pa qalaxik-pe ri man jun utz chiqe, kan oj achi'el ri ch'aqa' chik winaqi'.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

3 Juan 1:10

Roma ri' toq xkinapon iwik'in, xtinbij chire ri yerubanala': Yerubila' tzij chiqij, ri xa man e qitzij ta. Chuqa' man yeruk'ul ta ri qach'alal ri ye'apon chiri' y wi k'o ri nikajo' yek'ulu kichin, yerelesaj-el chikikojol ri molaj qach'alal.

3 Juan 1:9

Xinteq yan el jun wuj chike ri molaj qach'alal ri chiri' pan atinamit. Jak'a ri Diótrefes man xuya' ta rejqalen, roma nrajo' chi ruyon rija' nuk'uan kichin ri qach'alal.

Apocalipsis 13:17

Y man jun k'a chike ri winaqi' ri nitikir ta nuben jun ruloq'oj o jun ruk'ayij wi xa maneq retal. Y ri etal ri' kan ja ri rubi' ri nabey chikop o ri rajlabal ri nuk'exewachuj.